قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى №1567 جارلىعىنا وزگەرىس ەنگىزۋ تۋرالى مەملەكەتتىك قىزمەتشىلەردىڭ مورالدىق-ادامگەرشىلىك بەينەسىنە جانە ىسكەرلىك ساپالارىنا تالاپتى ارتتىرۋ ماقساتىندا قاۋلى ەتەمىن: 1. «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى №1567 جارلىعىنا (قازاقستان رەسپۋبليكاسىنىڭ ءپۇاج-ى, 2005 ج., №19, 225-قۇجات; 2007 ج., №43, 499-قۇجات) مىناداي وزگەرىس ەنگىزىلسىن: اتالعان جارلىقپەن بەكىتىلگەن قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى (مەملەكەتتىك قىزمەتشىلەردىڭ قىزمەت ەتيكاسى ەرەجەلەرى) وسى جارلىققا قوسىمشاعا سايكەس جاڭا رەداكتسيادا جازىلسىن. 2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2011 جىلعى ءساۋىردىڭ 1-ءى.        №1180. --------------------------------------------------------------- قازاقستان رەسپۋبليكاسى پرەزيدەنتىنىڭ 2011 جىلعى 1 ساۋىردەگى № 1180 جارلىعىنا قوسىمشا قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى№ 1567 جارلىعىمەن بەكىتىلگەن قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى (مەملەكەتتىك قىزمەتشىلەر قىزمەت ەتيكاسىنىڭ قاعيدالارى) 1. جالپى ەرەجەلەر 1. مەملەكەتتىك قىزمەت اتقارۋ قوعام مەن مەملەكەت تاراپىنان ەرەكشە سەنىم ءبىلدىرۋ بولىپ تابىلادى جانە مەملەكەتتىك قىز­مەت­شىلەردىڭ مورالدىق-ەتيكالىق بەينەسىنە جوعارى تالاپتار قويادى. قوعام مەملەكەتتىك قىزمەتشى ءوزىنىڭ بارلىق كۇش-جىگەرىن, ءبىلىمى مەن تاجىريبەسىن اتقاراتىن كاسىبي قىزمەتىنە جۇمسايدى, ءوزىنىڭ وتانى – قازاقستان رەسپۋبليكاسىنا ادال دا قالتقىسىز قىزمەت ەتەدى دەپ سەنىم بىلدىرەدى. 2. قازاقستان رەسپۋبليكاسى مەملەكەتتىك قىزمەتشىلەرىنىڭ وسى ار-نامىس كودەكسى (مەملەكەتتىك قىزمەتشىلەر قىزمەت ەتيكاسىنىڭ قاعيدالارى) (بۇدان ءارى – كودەكس) «مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسىنىڭ زاڭىنا, «سىبايلاس جەمقورلىققا قارسى كۇرەس تۋرالى» 1998 جىلعى 2 شىلدەدەگى قازاقستان رەسپۋبليكاسىنىڭ زاڭىنا جانە جالپى قابىل­دانعان مورالدىق-ەتيكالىق نورمالارعا سايكەس قازاقستان رەس­پۋبلي­كاسى مەملەكەتتىك قىزمەتشىلەرى مىنەز-قۇلقىنىڭ نەگىزگى ستاندارتتارىن بەلگىلەيدى. مەملەكەتتىك ورگانداردىڭ باسشىلارى, ورتالىق اتقارۋشى ورگانداردا -ورتالىق اتقارۋشى ورگانداردىڭ جاۋاپتى حاتشىلارى نەمەسە بەلگىلەنگەن تارتىپپەن ورتالىق اتقارۋشى ورگانداردىڭ جاۋاپتى حاتشىلارىنىڭ وكىلەتتىكتەرى جۇكتەلگەن لاۋازىمدى تۇلعالار, ال ورتالىق اتقارۋشى ورگانداردىڭ جاۋاپتى حاتشىلارى نەمەسە كورسەتىلگەن لاۋازىمدى تۇلعالار بولماعان جاعدايدا – ورتالىق اتقارۋشى ورگانداردىڭ باسشىلارى وسى كودەكس تالاپتارىنىڭ ورىندالۋىن, وسى كودەكستىڭ ءماتىنىڭ مەملەكەتتىك ورگانداردىڭ عيماراتتارىندا بارشاعا كورىنەتىندەي جەرلەردە ورنالاستىرۋدى قامتاماسىز ەتەدى. 4. مەملەكەتتىك قىزمەتشى مەملەكەتتىك قىزمەتكە تۇرعاننان كەيىن ءبىر اي ىشىندە وسى كودەكسپەن جازباشا تۇردە تانىستىرىلۋى ءتيىس. 2. مەملەكەتتىك قىزمەتشىلەر مىنەز-قۇلكىنىڭ جالپى قاعيدالارى 5. مەملەكەتتىك قىزمەتشىلەر: 1) قازاقستان رەسپۋبليكاسى پرەزيدەنتىنىڭ ساياساتىن جاقتاۋعا جانە ونى دايەكتى تۇردە جۇزەگە اسىرۋعا, ءوزىنىڭ ءىس-ارەكەتىمەن مەملەكەتتىك بيلىكتىڭ بەدەلىن نىعايتۋعا, مەملەكەت ينستيتۋتتارىنىڭ بەدەلىن تۇسىرۋگە ىقپال ەتەتىن ءىس-ارەكەتتەر جاساۋعا جول بەرمەۋگە; 2) زاڭدىلىق قاعيداتتارىن, قازاقستان رەسپۋبليكاسى كونس­تيتۋتسيانىڭ, زاڭدارى مەن وزگە دە نورماتيۆتىك قۇقىقتىق اكتىلەرىنىڭ تالاپتارىن باسشىلىققا الۋعا; 3) قوعام مەن مەملەكەتتىڭ يگىلىگىنە قىزمەت ەتۋگە; 4) مەملەكەتتىڭ مۇددەسىنە زالالىن تيگىزەتىن, مەملەكەتتىك ورگانداردىڭ ءتيىمدى جۇمىس ىستەۋىنە بوگەت بولاتىن ءىس-ارەكەتتەرگە قارسى تۇرۋعا; 5) سەنىپ تاپسىرىلعان مەملەكەتتىك م ۇلىككە ۇقىپتى قاراپ, ونى ۇتىمدى ءارى ءتيىمدى پايدالانۋعا; 6) جەكە جانە زاڭدى تۇلعالاردىڭ قۇقىقتارىن, بوستاندىقتارى مەن زاڭدى مۇددەلەرىن ساقتاۋ مەن قورعاۋدى قامتاماسىز ەتۋگە, ولاردىڭ وتىنىشتەرىن قاراۋ كەزىندە تورەشىلدىك پەن سوزبۇيداعا سالۋ كورىنىستەرىنە جول بەرمەۋگە, وتىنىشتەر بويىنشا بەلگىلەنگەن مەرزىمدە قاجەتتى شارالار قولدانۋعا; 7) مەملەكەتتىك قىزمەتكە جانە مەملەكەت ينستيتۋتتارىنا قوعام­نىڭ سەنىمىن ساقتاۋعا جانە نىعايتۋعا; 8) ءوزىنىڭ ءىس-ارەكەتتەرىمەن كوعام تاراپىنان نەگىزدى سىنعا سەبەپكەر بولماۋعا, سىناعانى ءۇشىن قۋدالاۋعا جول بەرمەۋگە, وڭ سىن-ەسكەرتپەلەردى كەمشىلىكتەردى جويۋ مەن ءوزىنىڭ قىزمەتىن جاقسارتۋ ءۇشىن پايدالانۋعا; 9) ادال, ءادىل, قاراپايىم دا سىپايى بولۋعا, جالپى قابىلدانعان مورالدىق-ەتيكالىق نورمالاردى ساقتاۋعا; 10) قازاقستان حالقىنىڭ بىرلىگى مەن ەلدەگى ۇلتارالىق كەلىسىمدى نىعايتۋعا ىكپال ەتۋگە, مەملەكەتتىك تىلگە جانە باسقا تىلدەرگە, قازاقستان حالقنىڭ سالتتارى مەن داستۇرلەرىنە قۇرمەتپەن قاراۋعا; 11) مەملەكەتتىك جانە ەڭبەك ءتارتىبىن بۇلجىتپاي ساقتاۋگا, بەرىلگەن وكىلەتتىكتەردى ءتيىمدى يەلەنۋگە; ءوزىنىڭ قىزمەتتىك مىندەتتەرىن ادال, تۋرالىقپەن جانە ساپالى اتكارۋعا; جۇمىس ۋاكىتىن ءتيىمدى پايدالانۋعا; 12) جوعارى كاسىبي جۇمىس ءۇشىن قاجەتتى كۇش-جىگەرىن سالۋگا, قويىلگان مىندەتتەردى شەشۋدىڭ وڭتايلى دا ۇنەمدى ادىستەرىن قولدانۋعا; 13) مەملەكەتتىك قىزمەتشىلەردىڭ قىزمەتتىك مىندەتتەرىن تيىسىنشە ورىنداۋىنا بوگەت بولاتىن ءىس-ارەكەتتەرگە قارسى تۇرۋعا; 14) كادرلاردى تۋىسقاندىق, جەرلەستىك جانە جەكە وزىنە بەرىلگەندىك بەلگىلەرى بويىنشا ىرىكتەۋ مەن ورنالاستىرۋ جاعدايلارىنا جول بەرمەۋگە; 15) باعىنىستى قىزمەتكەرلەردىڭ مىندەتتەرى مەن قىزمەتتىك وكىلەتتىكتەرىنىڭ كولەمىن ءدال ايقىنداۋعا, انىق ورىنداي المايتىن وكىمدەر بەرمەۋگە, باعىنىستى قىزمەتكەرلەردەن ولاردىڭ قىزمەتتىك مىندەتتەرىنىڭ شەڭبەرىنەن تىس تاپسىرمالار ورىنداۋدى تالاپ ەتپەۋگە; 16) باعىنىستى قىزمەتكەرلەرگە قاتىستى نەگىزسىز ايىپتاۋلارعا, دورەكىلىك, ادامدىق قادىر-قاسيەتىن كەمسىتۋ, جونسىزدىك فاكتىلەرىنە جول بەرمەۋگە; 17) باعىنىستى قىزمەتكەرلەردى قۇقىققا قايشى تەرىس قىلىقتار نەمەسە جالپى قابىلدانعان مورالدىق-ەتيكالىق نورمالارمەن ۇيلەسپەيتىن ءىس-ارەكەتتەر جاساۋعا ءماجبۇر ەتپەۋگە; 18) كاسىبي دايىندىقتىڭ, ونىڭ ىشىندە ورىندالۋى باعىنىستى قىزمەتكەرلەردىڭ فۋنكتسيونالدىق مىندەتتەرىنە جاتكىزىلعان ماسە­لەلەر بويىنشا, قاجەتتى دەڭگەيىنە يە بولۋعا; 19) باسقا مەملەكەتتىك قىزمەتشىلەردىڭ تاراپىنان قىزمەتتىك ەتيكا نورمالارىن بۇزۋ فاكتىلەرىن بولدىرماۋعا جانە جولىن كەسۋگە; 20) ءوزىنىڭ قىزمەتتىك مىندەتتەرىن اتقارۋ كەزەڭىندە كيىم كيۋدىڭ ىسكەرلىك ءستيلىن ۇستانۋعا ءتيىس. 6. مەملەكەتتىك قىزمەتشىلەر ىسكەرلىك ەتيكەتتى ساقتاۋعا, رەسمي مىنەز-ق ۇلىق قاعيدالارىن قۇرمەتتەۋگە ءتيىس. 7. مەملەكەتتىك قىزمەتشىلەر قىزمەتتىك جاعدايلارىن جانە ونى­مەن بايلانىستى مۇمكىندىكتەردى قوعامدىق جانە ءدىني بىرلەس­تىك­تەردىڭ, باسقا دا كوممەرتسيالىق ەمەس ۇيىمداردىڭ مۇددەلەرىنە, ونىڭ ىشىندە ءوزىنىڭ ولارعا كوزقاراسىن ناسيحاتتاۋ ءۇشىن پايدا­لانباۋعا ءتيىس. باسشى لاۋازىمدار اتقاراتىن مەملەكەتتىك قىزمەتشىلەر با­عى­نىستى قىزمەتكەرلەردى قوعامدىق جانە ءدىني بىرلەستىكتەردىڭ, باسقا دا كوم­مەرتسيالىق ەمەس ۇيىمداردىڭ قىزمەتىنە كاتىسۋعا ماجبۇرلەي المايدى. 3. مەملەكەتتىك قىزمەتشىلەردىڭ سىبايلاس جەمقورلىققا قارسى مىنەز-قۇلقى 8. مەملەكەتتىك قىزمەتشىلەر سىبايلاس جەمكورلىق كورىنىستەرىنە قارسى تۇرۋعا, سىبايلاس جەمقورلىق قۇقىق بۇزۋشىلىكتارعا نە سىبايلاس جەمقورلىقپەن جىمداسقان نەمەسە سىبايلاس جەمقورلىق ءۇشىن جاعداي تۋعىزاتىن ارەكەتتەرگە جول بەرمەۋى ءتيىس. مەملەكەتتىك قىزمەتشىلەر باسقا مەملەكەتتىك قىزمەتشىلەر تارا­پىنان بولاتىن سىبايلاس جەمقورلىق قۇقىق بۇزۋشىلىق فاكتى­لەرىنىڭ جولىن كەسۋى ءتيىس. 9. ەگەر مەملەكەتتىك قىزمەتشىنىڭ سىبايلاس جەمقورلىق قۇقىق بۇزۋشىلىق تۋرالى دايەكتى اقپاراتى بولسا, ول مۇنداي قۇقىق بۇزۋشىلىقتىڭ الدىن-الۋعا جانە جولىن كەسۋ جونىندە قاجەتتى شارالار قولدانۋى ءتيىس. قاجەتتى شارالارعا ۋاكىلەتتى مەملەكەتتىك ورگانداردى حاباردار ەتۋ جانە جوعارى تۇرعان باسشىنى, مەملەكەتتىك ورگان باسشىلىعىن حاباردار ەتۋ جاتادى. سىبايلاس جەمقورلىق قۇقىق بۇزۋشىلىقتار تۋرالى اقپارات العاننان كەيىن مەملەكەتتىك ورگاننىڭ باسشىلىعى ولار بويىنشا, ونىڭ ىشىندە, ەگەر ونىڭ ءىس-ارەكەتتەرىندە مەملەكەتتىك قىزمەتشىنىڭ قىزمەتىن ودان ءارى جالعاستىرۋعا تەرىس ىقپال ەتەتىن زاڭناما بۇزۋ­شىلىقتار بولماسا, مەملەكەتتىك قىزمەتشىنى زاڭسىز قۋدالاۋدان, ونىڭ قۇقىقتارى مەن زاڭدى مۇددەلەرىن قورعاۋ جونىندە ءتيىستى شارالار قابىلدايدى. 10. مەملەكەتتىك قىزمەتشىلەر ءوز ءىس-ارەكەتتەرىمەن جانە شەشىمدەرىمەن جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىن ىسكە اسىرۋدى قيىنداتاتىن اكىمشىلىك جانە وزگە دە كەدەرگىلەرگە جول بەرمەۋلەرى ءتيىس. مۇنداي فاكتىلەر انىقتالعان جاعدايدا مەملەكەتتىك قىزمەتشىلەر ولاردى جويۋ جونىندە شارالار قابىلداۋعا ءتيىستى. 11. مەملەكەتتىك قىزمەتشىلەر مەملەكەتكە ەكونوميكالىق زالالدىڭ الدىن-الۋ جونىندە بارلىق مۇمكىندىكتەردى پايدالانۋى, جەكە مۇددەلەرىنە جانە ءۇشىنشى تۇلعالاردىڭ مۇددەلەرىنە وراي تەكسەرۋلەرگە باستاماشىلىققا جول بەرمەۋى ءتيىس. 12. مەملەكەتتىك قىزمەتشىلەر جەكە م ۇلىكتىك جانە م ۇلىكتىك ەمەس پايدالار الۋ ءۇشىن ءوزىنىڭ لاۋازىمدىق وكىلەتتىكتەرىن جانە ونىمەن بايلانىستى مۇمكىندىكتەردى قولدانباۋعا ءتيىس. 13. مەملەكەتتىك قىزمەتشىلەر مۇددەلەر قاقتىعىسىن بولعىزباۋ ءۇشىن شارالار قولدانۋى ءتيىس. 14. مۇددەلەر قاقتىعىسى تۋىنداعان رەتتە, ياعني مەملەكەتتىك قىزمەتشىنىڭ جەكە باسىنىڭ مۇددەلىلىگى جانە ونىڭ ءوز لاۋازىمدىق وكىلەتتىكتەرىن تيىسىنشە اتقارۋىنىڭ نەمەسە جەكە زاڭدى تۇل­عالاردىڭ, مەملەكەتتىڭ زاڭدى مۇددەلەرىنىڭ اراسىندا وسى زاڭدى مۇددەلەرگە زيان تيگىزەتىندەي قايشىلىق تۋىندايتىن جاعدايدا, مەملەكەتتىك قىزمەتشى ونىڭ جولىن كەسۋ جانە رەتتەۋ جونىندە قازاقستان رەسپۋبليكاسىنىڭ مەملەكەتتىك قىزمەت تۋرالى زاڭنا­ماسىندا كوزدەلگەن شارالاردى قابىلداۋعا مىندەتتى. 4. كوپشىلىك الدىندا سويلەۋ 15. مەملەكەتتىك ورگان قىزمەتىنىڭ ماسەلەلەرى بويىنشا كوپشىلىك الدىندا سويلەۋدى ونىڭ باسشىسى نەمەسە مەملەكەتتىك ورگاننىڭ بۇعان ۋاكىلەتتىك بەرىلگەن لاۋازىمدى تۇلعالارى جۇزەگە اسىرادى. مەملەكەتتىك قىزمەتشىلەر مەملەكەتتىك قىزمەتتىڭ بەدەلىنە نۇقسان كەلتىرمەي, پىكىرسايىستى ادەپتى تۇردە جۇرگىزۋى ءتيىس. 16. مەملەكەتتىك قىزمەتشىلەر مەملەكەتتىك ساياسات جانە قىزمەتتىك ءىسىنىڭ ماسەلەلەرى جونىندەگى ءوز پىكىرىن, ەگەر ول: 1) مەملەكەت ساياساتىنىڭ نەگىزگى باعىتتارىنا سايكەس كەلمەسە; 2) جاريالاۋعا رۇقسات ەتىلمەگەن قىزمەتتىك اقپاراتتى اشاتىن بولسا; 3) مەملەكەتتىڭ لاۋازىمدى تۇلعالارىنىڭ, مەملەكەتتىك باسقارۋ ورگاندارىنىڭ, باسقا دا مەملەكەتتىك قىزمەتشىلەردىڭ اتىنا ادەپكە ساي ەمەس سوزدەر ايتۋدان تۇرسا, كوپشىلىك الدىندا بىلدىرۋىنە بول­مايدى. 17. مەملەكەتتىك ساياساتتى جۇرگىزۋمەن, مەملەكەتتىك ورگاننىڭ جانە مەملەكەتتىك قىزمەتشىلەردىڭ قىزمەتتەرىمەن بايلانىستى ەمەس ماسەلەلەر بويىنشا مەملەكەتتىك قىزمەتشىلەردىڭ مەملەكەتتىك ورگان­نىڭ اتىنان جاريالىمدارىنا جول بەرىلمەيدى. پەداگو­گيكالىق, عىلىمي جانە وزگە دە شىعارماشىلىق قىزمەت بويىنشا ماتەريالدار جاريالاۋدى مەملەكەتتىك  قىزمەتشى جەكە تۇلعا رەتىندە تەك ءوز اتىنان جۇزەگە اسىرادى. 18. مەملەكەتتىك قىزمەتشىگە سىبايلاس جەمقورلىق جاساعان, ونىڭ ىشىندە كاسىپكەرلىك قىزمەتپەن اينالىسقان, بىرەۋلەردىڭ مۇددەلەرىن قولداعان, سونداي-اق مەملەكەتتىك قىزمەتشىنىڭ تابىسىمەن سايكەس­پەيتىن زاڭسىز تابىس پەن م ۇلىك العان دەپ نەگىزسىز كوپشىلىك الدىندا ايىپ تاعىلعان جاعدايدا, ول وسىنداي ايىپتاۋدى انىقتاعان كۇننەن باستاپ ءبىر اي مەرزىم ىشىندە ونى تەرىسكە شىعارۋ, ونىڭ ىشىندە سوت ارقىلى تەرىسكە شىعارۋ جونىندە شارالار قابىلداۋى ءتيىس. 5. مەملەكەتتىك قىزمەتشىلەردىڭ قىزمەتتەن تىس ۋاقىتتاعى مىنەز-قۇلقى 19. مەملەكەتتىك قىزمەتشىلەر قىزمەتتەن تىس ۋاكىتتا جالپى قابىلداعان ەتيكالىق نورمالاردى ۇستانۋلارى, قوعامعا جات مىنەز-ق ۇلىق جاعدايلارىنا جول بەرمەۋى ءتيىس. 20. مەملەكەتتىك قىزمەتشىلەر قاراپايىمدىلىق تانىتۋعا, كولىك, سەرۆيستىك جانە وزگە دە قىزمەتتەردى الۋ كەزىندە مەملەكەتتىك قىزمەتشىلەردىڭ لاۋازىمدىق جاعدايىن باسا كورسەتپەۋگە جانە پايدالانباۋعا, ءوزىنىڭ ءىس-ارەكەتتەرىمەن قوعام تاراپىنان نەگىزدى سىنعا سەبەپ تۋعىزباۋعا ءتيىس.