ءبىرجاننىڭ ىنىلەرى مەن سارانىڭ سىڭلىلەرى قايدا؟

ءيا, تاريحتا ايتىس ونەرىنىڭ ءىنجۋ-مارجانى سانالاتىن ءبىرجان مەن سارا ەسىمى اتالعان كەزدە قيىن­نان قيىستىرىپ, مارجان ءسوز تەرگەن قىز بەن جىگىت كوز الدىڭا كەلەدى دەسەك, اقسۋ اۋدانىنىڭ 80 جىل­دىق مەرەي- تويىنا ورايلاستىرىپ, اكىم­­دىك الماتى مەن اقمولا و­ب­لىس­تارى­نىڭ اراسىندا «سارانىڭ ءسىڭ­لى­لەرى – ءبىرجاننىڭ ىنىلەرى» اتتى رەس­پۋبليكالىق اقىندار ا­ي­تى­سىن ءوت­كىزۋ­دى جوسپارلاپ وتىر ەكەن. وسى باستاماعا رۋحاني قولداۋ كورسەتكەن بەلگىلى تەلەارنالاردا ءوزىن­دىك كوزقارا­سى­مەن, ايتار  وي­لا­رى­مەن تانىلىپ, كورەرمەن كوز­ايى­مىنا اينالعان نۇرتىلەۋ يمان­عا­لي ۇلى بار ەكەنىن ءبىلىپ, ارىپتە­سى­مىز­بەن حابارلاسقان بولا­تىن­بىز. نۇر­­تىلەۋ ءوز سوزىندە اۋداننىڭ مە­رەي­تو­يىن وتكىزۋگە كيەلى مەكەننەن تۇلەپ ۇش­قان ازا­ماتتاردىڭ دا قول­داۋ كور­سەتۋگە دايىن ەكەنىن اڭگى­مەلەدى. تويدىڭ بولعانىنان قاشاندا بو­لا­دىسى قىزىق. سول قىزىق شى­نىن­دا دا قىزىپ تۇر ەكەن. سونىڭ ءبىرى – اقىندار باسەكەسى. ءجاي عانا ەمەس ايگىلى ەل اۋزىنداعى «ءبىرجان مەن سارا» ايتىسىن جاڭا ءداۋىر­دەگى سونى قىرىنان تانىتۋ, ءداس­تۇر­لى قىز بەن جىگىت اراسىنداعى نازىك سەزىم ۇشقىنىن مازداتۋ دەۋگە بولادى. جالپى, ايتىسقا نەگىزىنەن ال­ماتى مەن اقمولا وڭىرلەرىنىڭ قىز-جىگىتتەرى قاتىستىرىلماق. دە­­سە دە, نيەت بىلدىرگەن كەز كەلگەن وزگە ايماقتاعى ايتىسكەر قىز-جىگىت ءوتىنىش ءبىلدىرىپ جاتسا, قۇپ الۋعا بولادى, دەيدى نۇرتىلەۋ. ىرىكتەۋدەن ءوتىپ, ايتىسقا قاتىسقان سارا­نىڭ سىڭلىلەرى مەن ءبىرجاننىڭ ىنىلەرى قازاق ونەرىنىڭ بەلگىلى تۇلعالارى ءبىرجان مەن سارا اتىنداعى جانە اقسۋ اۋدانى­نىڭ سۋىرىپ- سالما شايىرلارى ءىلياس جانسۇگىروۆتەن باستاپ, قارت تولعامباي, قۋات تەرىباەۆ, يمان­عالي قالياسقار ۇلى, قانيپا بۇ­عى­­باەۆا جانە تاعى باسقا اقىندار اتىنداعى سىيلىقتارمەن ماراپات­تالاتىن بولادى. كۇمىسجان بايجان. الماتى وبلىسى.