جارىستار كۇندەلىگى

كاسىپقوي بوكس. جۋىردا كا­سىپقوي بوكستان بۇكىلالەمدىك سەريا بويىنشا ءوتىپ جاتقان جارىستىڭ جارتىلاي فينال­دىق كەزدەسۋلەرى ءوتتى. كوپتەن بەرى جانكۇيەرلەر كۇت­كەن بۇل جەكپە-جەكتە ازيا ايما­عىنان «باكۋ فايەرس» پەن «استانا ارلاندارى», ەۋروپادان «پاريج يۋنايتەد», امەريكا قۇر­لى­عىنان «لوس-اندجەلەس ماتادورس» بوكسشىلارى كەزدەستى. مۇن­دا ءوز الاڭىندا امەريكالىق كوماندانى قابىلداعان «استانا ارلاندارى» قارسىلاستارىن 4:1 ەسەبىمەن ۇتسا, ازىربايجاندىق ۇج­ىم دا باكۋدە «پاريج يۋنايتەد» كومانداسىنان وسىنشاما ەس­ەپپەن باسىم ءتۇستى. «استانا ارلاندارى» ساپىندا ءمىر­جان را­قىمجانوۆتان (54 كگ.) باس­قالا­رى­نىڭ ءبارى تازا جەڭىسكە جەتتى. 61 كگ. سالماقتا مەرەي اق­شالوۆ برا­زيليالىق لەگيونەر لوپەس ەۆەرتوندى جەڭسە, قانات ءسى­لام (73 كگ.) لامۋر راسسەلدى تەح­ني­­كا­لىق نوكاۋتقا جىبەردى. 85 كگ. سال­ماقتا استانالىقتار ساپىن­داعى وزبەك لەگيونەرى رامزجون اح­مەدوۆ امەريكالىق كومان­دا­نىڭ قا­تا­رىنا قوسىلعان ۋكراين ۆياچەسلاۆ شابرانسكيدەن باسىم ءتۇس­سە, 91 كگ.-دەن جوعارى سال­ماق­تاعى رۋسلان مىرساتاەۆ دەۆيد يموەسەريدى قانات سياقتى نو­كاۋت­قا جىبەرىپ ۇتتى. «استانا ارلاندارىنىڭ» كەلەسى جەكپە-جەگى 16 ءساۋىر كۇنى لوس-اندجەلەس قالاسىندا وتەدى. وسى كۇنى پاريجدە «باكۋ الاۋ­لارى» الاڭ يەلەرىمەن قولعاپ ءتۇي­ىستىرەدى. جانكۇيەرلەردىڭ جو­را­مالى بويىنشا فينالدا تاعى دا «استانا ارلاندارى» مەن «باكۋ الاۋلارى» كەزدەسۋى مۇمكىن. تەننيس. حالىقارالىق تەننيس فەدەراتسياسىنىڭ شەشىمى بويىنشا دەۆيس كۋبوگى جو­لىن­داعى قازاقستان مەن ارگەن­تينا اراسىندا وتەتىن شيرەك فينال­دىق كەزدەسۋلەر ءبىر كۇن ەرتە وتەتىنى بەلگىلى بولدى. كۇنتىزبەگە سايكەس بۇل جا­رىس­تار 8-10 شىلدە كۇندەرى ءوتۋى ءتيىس بولاتىن. بىراق 10 شىلدە كۇنى بەل­گىلەنگەن بۋەنوس-ايرەس قالا­سى­نىڭ ۇكىمەتى مەن مەرىن ساي­لاۋعا بايلانىستى قازاقستان مەن ارگەنتينا اراسىنداعى ماتچ 7-9 شىلدە كۇندەرىنە اۋىستىرىلدى. ءسويتىپ, 7 شىلدە كۇنى 2 جەكەلەگەن كەزدەسۋ وتسە, كەلەسى كۇنى جۇپ­تاسۋ ويىنى, ال 9 شىلدە كۇنى ەكى جەكەلەگەن كەزدەسۋ وتەدى. داستان كەنجالين.