باعا قانشا قۇبىلسا دا...

دەپۋتاتتىڭ  ۋاجدەرى شىندىققا جاناسپايتىنىن جەرگىلىكتى جەردەگى جاعداي ايعاقتايدى وبلىستىق اۋىل شارۋا­شىلى­عى باسقارماسىنداعىلار «ەگەمەن قازاقستاننىڭ» وبلىستاعى تىلشىلەر قوسىنىمەن حابارلاسىپ, ءما­جى­لىس دەپۋتاتى پەتر دميت­ري­ەن­كونىڭ رەسپۋبليكالىق ءباسپاسوز ءماس­ليحاتى ارقىلى تاراتقان ءما­لىم­دەمەسىنىڭ كەي تۇستارىمەن ءۇز­ىلدى-كەسىلدى كەلىسپەيتىندەرىن ءبىلدىردى. «حالىق قالاۋلىسى باعانى تۇراقتاندىرۋدىڭ جولدارىن ۇسى­نىپ, ۇكىمەت نازارىن اۋدارعانى دۇرىس-اق. الايدا, سولتۇستىك قا­زاقستان وبلىسىنان كەلتىرگەن مى­سالدارى ەشقانداي شىندىقپەن ۇيلەسپەيدى. ونىڭ جەرگىلىكتى احۋ­الدى تەرەڭ زەرتتەمەگەنى كورىنىپ تۇر», دەپ قارا قازانداي وكپە­لە­رىن جايىپ سالدى. ولاردىڭ رەنجيتىندەي ءجونى بار. دەپۋتات «سولتۇستىك قازاق­ستان وبلىسىنىڭ اۋىلدىق وكرۋگتەرىندە سيىر ەتى 480 تەڭگە تۇرسا, كوتەرمە ساۋدا جاساۋشىلار ەت با­عاسىن 3000 تەڭگەگە دەيىن (استىن سىزعان – ءبىز) شارىقتاتىپ جىبەرگەن» دەپ ايدى اسپانعا ءبىر-اق شى­عارعان. دميتريەنكونىڭ ءسولتۇس­تىك­قازاقستاندىقتاردىڭ ءوڭى تۇگىل تۇسىنە ەنبەگەن باعانى قايدان ال­عانى تۇسىنىكسىز. باسقارما باستىعى نۇرلان بيبولاەۆ قول قويعان ان­ىقتاماعا سۇيەنسەك, سيىر ەتى ەلدى مەكەندەردەن 650-720 تەڭگەگە سا­تىپ الىنىپ, بازارلاردا 750-800 تەڭگەگە ساتىلۋدا. قوي ەتى دە وسى شامالاس. شوشقا, قۇس ەتىنىڭ با­عا­سى تومەن. سول سياقتى حالىق قا­لاۋ­لىسىنىڭ بيداي باعاسىنىڭ 40 مىڭ تەڭگەگە دەيىن كوتەرىلىپ كەتۋىنە بايلانىستى پەتروپاۆل نان ءپىسىرۋ كومبيناتىندا ناننىڭ باعا­سى 48 تەڭگەگە جەتىپ, ونىڭ سوڭى 5 فيرمالىق دۇكەنىنىڭ جابىلۋى­نا الىپ كەلدى دەگەن پايىم­داۋ­لا­رى اقيقات اۋىلىنان الىس جاتق­ا­نىن اتالمىش كاسىپورىننىڭ كوم­مەر­­تسيا­لىق ديرەكتورى سەرىك رامازانوۆ جوققا شىعاردى. ول بەرگەن انىقتامادا وبلىستىق اكىم­دىك­پەن جاسالعان مەموراندۋمعا ءساي­كەس بي­دايدىڭ ءار تونناسى 26 500 تەڭ­گەدەن بوساتىلىپ, ءبىر بولكە نان 45 تەڭگەدەن اسپايتىنى, ءدۇ­كەن­­دەر­دىڭ ءۇزىلىسسىز جۇمىس ىستەپ جات­قانى كەلتىرىلگەن. باعالاردىڭ قاي جەردە بولسىن سىناپتاي مىڭ قۇبىلىپ تۇرعانى راس. سول سەبەپتى كوپ تۇتىناتىن ت­ا­ۋارلار مەن ازىق-ت ۇلىكتى قىم­بات­تاتپاۋ – كوكەيتەستى ماسەلەلەر­دىڭ ءبىرى. قىزىلجار وڭىرىندە اسا قا­جەتتى ازىق-ت ۇلىك تۇرلەرى مەن تا­عام­داردىڭ باعاسىن تۇراقتان­دى­رىپ, قولجەتىمدى ەتۋدىڭ ءمۇم­كىن­دىك­تەرى جان-جاقتى قاراستىرىل­عان. ءبىر مىسال. قىرعىزستاننان جەمىس-كوكونىستى تىكەلەي جەتكىزۋ جۇمىستارىن جۇيەلى ۇيىمداس­تى­رۋ­دىڭ ناتيجەسىندە كارتوپ, ءسابىز, قىرىققابات ارزاندادى. قانت, كۇ­رىش, وسىمدىك مايى تۇراقتى باقى­لاۋدا. ەت-ءسۇت ونىمدەرىنىڭ باعاسى ەجەلدەن قولجەتىمدى. ايتپاعىمىز, باعالاردى تۇ­راق­تاندىرۋ ماقساتىمەن جەرگىلىكتى بيلىك ورىندارى تاراپىنان ات­قارىلىپ جاتقان كەشەندى شارا­لار­دى بىلە تۇرا پارلامەنت ءماجى­لىسىنىڭ دەپۋتاتى, جەرلەسىمىز پ.دمي­تريەنكونىڭ دەرەكتەردىڭ ءوڭ­­ىن اينالدىرىپ, وتىرىكتى شىن­داي, اقساقتى تىڭداي ەتۋى حالىق قا­لاۋ­لىسى دەگەن مارتەبەلى اتقا جا­را­سىپ تۇرعان جوق. ءومىر ەسقالي. سولتۇستىك قازاقستان وبلىسى.