ءۇندىستان پرەمەرى رەسمي ساپارمەن كەلەدى

كەشە ەلىمىزدىڭ سىرتقى ساياسات ۆەدومستۆوسىنىڭ رەسمي وكىلى اس­قار ابدراحمانوۆ بۇقارالىق اقپا­رات قۇرالدارى وكىلدەرىنە كەزەكتى بريفينگ وتكىزىپ, اپتاداعى ءىس-شارالار بارىسىمەن تانىستىردى. رەسمي وكىلدىڭ حابارلاعانىنداي, قازاقستان ۇكىمەتى جاپونياداعى ءزىلزالا مەن تسۋناميدەن ورىن العان اپات سالدارىن قالپىنا كەلتىرۋگە قارجىلاي جانە گۋمانيتارلىق كو­مەك رەتىندە وسى ەلگە 1 ميلليون اقش دوللارىن بەرۋ جانە 33 توننا ەت كونسەرۆىلەرىن جەتكىزۋ ءجونىن­دە شەشىم قابىلداعان. «قازاقستان رەسپۋبليكاسىنىڭ توتەنشە جاع­داي­لار مينيسترلىگىنىڭ ۇشاعى وسى جۇكپەن بۇگىن جاپونياعا اتتانا­دى», دەدى رەسمي وكىل. ال 1 ميلليون اقش دوللارى كولەمىندەگى قار­جى جاپونيانىڭ قىزىل كرەست قو­عا­مىنىڭ ەسەپ-شوتىنا اۋدارىلادى. تاعى ءبىر بەلگىلى بولعانى – ءتا­جىكستان استاناسى دۋشانبەدە قا­زاق­ستان ديپلوماتىنا شابۋىل جا­سالعاندىعى. اسقار ابدراحما­نوۆ­­­تىڭ دۋشانبەدەگى قازاقستان رەس­پۋب­لي­كاسى ەلشىلىگىنىڭ مالىمە­تىنە ءسۇ­يە­نىپ كەلتىرگەن دەرەكتەرىنە قارا­عاندا,  كەشە كەشكىسىن ساعات 5.00  كەزىندە دۋشانبەنىڭ ايني كو­شە­سىنىڭ بويىندا ەلشىلىكتىڭ ەكىنشى حات­شى­سى ءامىر جاناەۆقا شامامەن 6-7 (25-30 جاس ارالىعىنداعى) جەرگىلىك­تى ۇلت وكىلى تاراپىنان شابۋىل جاسال­عان.  ءا. جاناەۆتىڭ جانىندا بۇل وقيعا كەزىندە جۇبايى مەن 4 جاسار بالاسى بولعان. سونىڭ سا­ل­دا­رىنان ەلشىلىك قىزمەتكەرى ءبىر­قا­تار جارا­قات العان. قازىرگى كەزدە ونىڭ دەن­ساۋلىق جاعدايى قالپىنا كەلۋدە. رەسمي وكىل مىناداي دا ءما­لىمەتتەردى كەلتىرە كەتتى. وكى­نىشتىسى سول, جەرگىلىكتى پوليتسيا وك­ىل­دەرى وقيعا ورنىنا تەك 20 مي­نوت­تەن كەيىن عانا كەلگەن. جاپا شەككەن قازاقستاندىق ديپلوماتقا كو­شە­نىڭ بويىنداعى جەرگىلىكتى تۇر­عىندار  تاراپىنان ەشقانداي كو­مەك كور­سەتىلمەگەن. رەسمي وكىلدىڭ ايتۋ­ىنشا, قر ەلشىلىگى بۇل ءجونىن­دە تاجىكستاننىڭ بيلىك ورىن­دارىنا ءتيىستى مالىمدەمە جاسادى. اتالعان مالىمدەمەدە  ۇلتشىلدىق جانە شو­ۆينيستىك ارەكەتتەردىڭ ۇلت­ارا­لىق ارانداتۋعا سوقتىرۋى ءمۇم­كىن ەكەنىنە الاڭداۋشىلىق بىلدىرىلگەن.  ال تاجىكستان بيلىك ورگان­دارى  بۇزاقىلاردى تەز ارادا انىق­تاپ, ولاردى ۇستايتىنىنا سەنىم ءبىل­دىرىپ وتىر. دۋشانبەنىڭ قۇقىق قور­عاۋ ورگاندارى وسى ماسەلەگە باي­لانىستى قىلمىستىق ءىس قوزعادى. سونىمەن قاتار, ا.ابدراحمانوۆ 15-16 ساۋىردە قازاقستان پرەزيدەنتى نۇرسۇلتان نازارباەۆتىڭ شاقىرۋىمەن ءۇندىستان پرەمەر-ءمينيسترى مانموحان سينگحتىڭ استاناعا رەسمي ساپارى بولاتىنىن حابارلادى. ەلىمىز سىرتقى ىستەر مينيسترلىگىنىڭ رەسمي وكىلى: «جو­عارى دەڭگەيدەگى كەلىسسوزدەر ءنا­تيجەسى بويىنشا بىرلەسكەن ءما­لىم­دەمە قابىلدانادى دەپ كۇتىلۋدە. سونداي-اق, ساپار اياسىندا ەكى­جاق­تى ەكونوميكالىق ىنتىماقتاستىق بوي­ىنشا بىرقاتار كەلىسىمدەرگە قول قويۋ جوسپارلانۋدا», – دەدى. قا­زاق­ستان تارابى الداعى ساپار ەكى مەملەكەت اراسىنداعى ستارتەگيالىق ارىپتەستىكتىڭ دامۋىنا ەلەۋلى ۇلەس قوساتىنىنا, سونداي-اق ساۋدا-ەكو­نوميكالىق ىنتىماقتاستىقتا بىرلەسكەن جوبالاردى جۇزەگە اسىرۋعا جاڭا سەرپىن بەرەتىنىنە سەنىم ارتۋدا. اسقار تۇراپباي ۇلى.