ىقىلاستى قۇتتىقتاۋلار, ىزگى تىلەكتەر

قازاقستان پرەزيدەنتى نۇرسۇلتان نا­زار­­باەۆ­­تىڭ اتىنا مەملەكەت, ۇكىمەت باس­شى­لا­رى­نان, حالىق­ارا­لىق ۇيىم­دار­دىڭ جەتەكشى­لە­رىنەن سايلاۋداعى جەڭىسىنە باي­لا­نىستى قۇتتىقتاۋلار كەلىپ تۇسۋدە. * * * مەملەكەت باسشىسى نۇرسۇلتان نازار­باەۆ­تى سايلاۋداعى تاماشا جەڭىسىمەن ۆەنگريا رەس­پۋ­بليكاسىنىڭ پرەزيدەنتى پال شميدت قۇت­تىق­تادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدى قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزبەن قۇتتىقتاۋعا رۇقسات ەتىڭىز. مەن بولاشاقتا قازاقستان ايماقتىق قاۋىپ­سىزدىك پەن تۇراقتىلىقتىڭ ەڭ باستى كەپىلى بولۋدى جالعاستىرا بەرەدى دەپ سەنەمىن. ءسىزدىڭ باسشىلىعىڭىزبەن ەلدەرىمىز اراسىنداعى ەكىجاقتى ىن­تىماقتاستىق الداعى ۋاقىتتا دا دامي تۇسەدى دەپ سەنەمىن جانە مەن ىنتىماقتاستىعىمىز جەمىستى بولۋى ءۇشىن بارلىق كۇش-جىگەرىمدى سالۋعا دايىنمىن.   مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى تاماشا جەڭىسىمەن بولگاريا رەسپۋبليكاسىنىڭ پرەزيدەنتى گەورگي پىرۆانوۆ قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدىڭ ايىرىقشا جەڭىسپەن قازاقستان رەسپۋب­ليكاسىنىڭ پرەزيدەنتى بولىپ قايتا سايلانۋى­ڭىز­عا وراي مەنىڭ شىن جۇرەكتەن جولداعان قۇت­تىق­تاۋىمدى قابىل الۋىڭىزدى وتىنەمىن, سىزگە دەنساۋلىق, ساتتىلىك پەن ءسىزدىڭ جاۋاپتى قىز­مەتىڭىزدە جاڭا جەتىستىكتەر تىلەيمىن. الەمدەگى تۇراقتىلىق پەن بەيبىتشىلىكتى مۇددە ەتكەن ەكى ەل حال­قى­نىڭ يگىلىگىنە بولگاريا رەسپۋبليكاسى مەن قازاقستان رەسپۋب­لي­كاسى اراسىنداعى ىنتىماقتاستىق تەرەڭدەي ءتۇسۋى ءۇشىن ءبىزدىڭ ارامىزدا ورناعان جاقسى بايلانىس پەن دوستىق, سونىمەن قاتار, بىرلەسكەن قىزمەت بولاشاقتا دا ماڭىزدى بولادى دەگەن سەنىمىمدى جەتكىزگىم كەلەدى.   مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى تاماشا جەڭىسىمەن يسلام كونفەرەنتسياسى ۇيىمىنىڭ باس حات­شى­سى ەكمەلەددين يحسانوگلۋ قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا! ءسىزدىڭ پرەزيدەنت قىزمەتىنە قايتا ساي­لا­نۋى­ڭىزعا بايلانىستى, جوعارى مارتەبەلى, سىزگە ءوز ەلىن ساياسي جانە ەكونوميكالىق رەفورمالار جولى­مەن الىپ كەلە جاتقان باسشى رەتىندە سىزگە كورسە­تىلگەن قازاقستان حالقىنىڭ سەنىمىنە بايلانىستى ءوزىمنىڭ شىنايى قۇتتىقتاۋىمدى جولداعىم كەلەدى. جوعارى مارتەبەلى, ءسىزدىڭ دانالىعىڭىز بەن تاجىريبەڭىز وزىڭىزگە قازاقستان حالقىنىڭ كەلەشەكتە الەۋمەتتىك-ەكونوميكالىق دامۋ مەن گۇلدەنۋ, سونداي-اق قازاقستاننىڭ حالىقارالىق ارەناداعى بەدەلىنىڭ بيىك بولۋىنا دەگەن ۇمتىلىسىن جۇزەگە اسىرۋعا مۇمكىندىكتەر بەرەتىنىنە سەنەمىن. قازاقستان رەسپۋبليكاسى مەن يسلام كونفەرەنتسياسى ۇيىمى اراسىنداعى قارىم-قاتىناستاردىڭ دامۋى تۇراقتىلىق سيپاتىمەن ەرەكشەلەنەدى. وسى مۇمكىندىكتى پايدالانىپ, سىزگە ءوزارا ءتيىمدى ىنتىماقتاستىقتىڭ ودان ءارى دامي بەرەتىندىگىنە ءوزىمنىڭ سەنىمىمدى, نيەتىمدى بىلدىرگىم كەلەدى.   مەملەكەت باسشىسى نۇرسۇلتان نازارباەۆ­تى حورۆاتيا رەسپۋبليكاسىنىڭ پرەزيدەنتى يۆو يوسيپوۆيچ سايلاۋداعى تاماشا جەڭىسىمەن قۇتتىقتادى. قۇتتىقتاۋدا بىلاي دەلىنگەن: ءسىزدىڭ دوستاس قازاقستان رەسپۋبليكاسىنىڭ پرەزيدەنتى بولىپ قايتا سايلانۋىڭىزعا وراي ءسىزدى بۇكىل حورۆاتيا رەسپۋبليكاسى ازامات­تارىنىڭ اتىنان جانە ءوز اتىمنان شىن جۇرەكتەن قۇت­تىقتاعىم كەلەدى. وسى جاۋاپتى قىزمەتتە ەلىڭىز بەن بارلىق ەل ازاماتتارىنىڭ جاقسى ءومىر ءسۇرۋى ءۇشىن ورتاق ىلگەرىلەۋشىلىككە جەتۋدەگى ءسىزدىڭ جۇمىسىڭىزعا بارىنشا جەتىستىكتەر تىلەيمىن. مەن بولاشاقتا دا ءبىزدىڭ ەلدەرىمىز اراسىنداعى دوستىق قارىم-قاتىناستى ويداعىداي جالعاستىرا الامىز دەپ ۇمىتتەنەمىن جانە سوعان سەنەمىن. مەنىڭشە, حورۆاتيا مەن قازاقستان اراسىنداعى پەرس­پەكتيۆالىق ىنتىماقتاستىق قارىم-قاتىناستارىمىزدى تەرەڭدەتە ءتۇسۋ ءۇشىن ونى قوسىمشا مازمۇندى باستامالارمەن تولىقتىرىپ, جاڭا ساياسي سەرپىن بەرۋ قاجەت دەپ ەسەپتەيمىن.   مەملەكەت باسشىسى  نۇرسۇلتان نازار­باەۆ­تى پرەزيدەنتتىك سايلاۋداعى   سەنىمدى جە­ڭى­سىمەن پولشا رەسپۋبليكاسىنىڭ پرەزيدەنتى برونيسلاۆ كوماروۆسكي قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, قازاقستان  رەسپۋبليكاسىنىڭ پرەزيدەنتى بولىپ قايتا سايلانۋىڭىزبەن قۇتتىقتاۋعا  رۇق­­سات ەتىڭىز. پولشا   قازاقستان  رەسپۋبليكاسىنىڭ   سوڭ­عى جىلدارداعى  جان-جاقتى  دامۋىن  ايرىقشا   ىقىلاسپەن  باقىلاپ   وتىر جانە  بىلتىر ەقىۇ-داعى توراعا­لىق­پەن  مازمۇندالعان ءسىزدىڭ ەلىڭىزدىڭ   حالىقارالىق   ساحناداعى  ءوسىپ وتىرعان   بەلسەندىلىگىن  قاناعاتتانارلىقپەن اتاپ   كورسەتەدى. ءبىزدىڭ ەكىجاقتى  قارىم-قاتىناستارىمىزدىڭ  قارقىنى  ارتا تۇسەدى دەگەن  ۇمىتتەمىز.   مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى سەنىمدى جەڭىسىمەن پاكستان يسلام رەسپۋبليكاسىنىڭ پرەزيدەنتى اسيف ءالي زارداري قۇتتىقتادى. قۇتتىقتاۋدا بىلاي دەلىنگەن: جوعارى مارتەبەلى, ءسىزدىڭ كوشباسشىلىعىڭىزبەن قازاقستان بيىك بەلەستەرگە جەتتى. ءسىزدىڭ جەڭىسىڭىز – ءسىزدىڭ باسشىلىعىڭىزداعى ەلدىڭ, قازاقستان حالقىنىڭ زور سەنىمىنىڭ كورىنىسى. پاكستان قازاقستانمەن ەكى جاقتى قارىم-قاتىناستارىنا ۇلكەن ءمان بەرەدى. مەن ءبىزدىڭ ەلدەرىمىز اراسىنداعى دوستىق بايلانىستاردىڭ ودان ءارى دە تەك نىعايا تۇسەتىنىنە سەنەمىن.   مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن يراك رەسپۋبليكاسىنىڭ پرەزيدەنتى دجاليال تا­لاباني قۇتتىقتادى. قۇتتىقتاۋدا بىلاي دەلىنگەن: سايلاۋ قورىتىندىسى ءسىزدىڭ باسشىلى­عى­ڭىز­بەن ەلدەگى قول جەتكىزىلگەن الەۋمەتتىك-ەكونو­ميكالىق جانە مادەني جەتىستىكتەرگە قازاقستان حالقىنىڭ بەرگەن جوعارى باعاسى دەپ ەسەپتەيمىز. ءبىز حالىقتارىمىزدىڭ ىزگىلىگى مەن مۇددەسى ءۇشىن ەكى ەل اراسىنداعى مادەني, ەكونوميكالىق جانە ساياسي سالالارداعى قارىم-قاتىناستى كەڭەيتۋگە دايىن ەكەندىگىمىزدى قۋاتتاعىمىز كەلەدى.