كومپانيانىڭ مالىمەتىنشە, بۇل ادامزات تاريحىنداعى ەڭ ارزان باعا, دەپ جازادى BBC.
نورۆەگيالىق Norwegian Air Shuttle ASA اۋە كومپانياسى الداعى شىلدە ايىنان باستاپ ءبىر باعىتقا 65 دوللارعا ترانساتلانتتىق اۋە رەيستەرىن اشادى.
ناقتىراق ايتار بولساق 65 دوللاردىڭ بيلەتىمەن بەلفاست پەن ەدينبۋرگتەن نيۋ-يورك پەن بوستونعا دەيىن بارۋعا بولادى. 65 دوللار ەڭ ارزان تاريف, ال ستاندارتتى باعا 99 دوللار بولماق.
قازىرگى تاڭدا دۋبليننەن نيۋ-يورككە دەيىنگى ترانساتلانتتىق اۋە رەيسى 655 دوللاردان 2755 دوللارعا دەيىن جەتەدى. ايتا كەتەيىك, قازاقستاننىڭ كوپشىلىك ىشكى اۋە رەيستەرىنىڭ باعاسى 65 دوللاردان جوعارى.
"مەن وزىمە قاجەت نارسەلەر ءۇشىن عانا تولەيمىن, سىزدەر وزدەرىڭىزگە قاجەت ءۇشىن تولەيسىزدەر. ءبىز ۇشاقتاعى بارلىق جولاۋشىلاردىڭ قاجەتتىلىگىنە تولەمەيمىز", - دەلىنگەن ءتاريفتىڭ رەسمي جارناماسىندا.
