قىتايعا تاۋار ەكسپورتتاۋ جەڭىلدەي تۇسەدى

«اتامەكەن» ۇلتتىق كاسىپكەرلەر پالاتاسىندا «JUMORE» كومپانياسى ەلەكتروندى ساۋدا الاڭىن تانىستىردى, دەپ جازادى palata.kz. «اتامەكەن» پالاتاسىندا «JUMORE» دەلەگاتسياسى كومپانيا باسشىسى ليۋ حونگسيانگپەن بىرگە كەلەشەكتە ىنتىماقتاستىقتى دامىتۋ تۋرالى, سونداي-اق بولاشاقتا قىتايعا ەكسپورتتاۋ ماقساتىندا قازاقستاندىق تاۋارلار تۋرالى اقپاراتتى «JUMORE» الاڭىنا تەگىن ورنالاستىرۋ ماسەلەسىن تالقىلاۋعا ءۇشىن باس قوستى. 2016 جىلدىڭ 3 قىركۇيەگىندە شانحاي قالاسىندا قازاقستان مەن قىتاي اراسىندا ەكىجاقتى ينۆەستيتسيالاۋ مەن ساۋدانى دامىتۋعا جاردەمدەسۋ ماقساتىندا «اتامەكەن» قر ۇكپ مەن «JUMORE» ەلەكتروندى ساۋدا الاڭى اراسىنداعى ءوزارا قارىم-قاتىناس تۋرالى مەموراندۋمعا قول قويعان. «كومپانيانىڭ نەگىزگى قىزمەتى ترانسشەكارالىق ەلەكتروندى ساۋدا ءۇشىن شيكىزاتتان باستاپ, وڭدەلگەن ونىمگە دەيىن اۋقىمدى تاۋار سۇرىپتالىمىنا «B2B» فورماتىندا الاڭ بەرۋ. ونىڭ كومەگىمەن ءتۇرلى ەلدەردەن كەلەتىن ساتىپ الۋشىلار مەن جەتكىزۋشىلەر ءبىرىن-ءبىرى تاۋىپ, اۋىل شارۋاشىلىعى, مۇناي ونىمدەرىن, مينەرالداردى, رۋدالاردى جانە تاعى باسقا تاۋارلاردى كوتەرمە باعادا ساتىپ الۋعا مۇمكىندىك بار. كومپانيا پلاتفورماسىندا لوگيستيكالىق جانە قارجىلىق قىزمەت كورسەتىلەدى. بۇل ەكسپورتتىق كەلىسىمدەردە تولىق قىزمەت كورسەتۋدى قامتاماسىز ەتەدى», – دەپ اتاپ ءوتتى «اتامەكەن» ۇكپ باسقارما توراعاسىنىڭ ورىنباسارى نۇرجان التاەۆ. JUMORE ترانسشەكارالىق ەلەكتروندى ساۋدا الاڭىندا كانادا, رەسەي, اقش, مەكسيكا سەكىلدى ەلدەردىڭ ۇلتتىق پاۆيلوندارى قويىلعان. نۇرجان التاەۆتىڭ ايتۋىنشا, جۇمىس ىستەپ تۇرعان جانە الەۋەتتى ەكپورتتاۋشى-كاسىپورىندار مەن ولاردىڭ ونىمدەرى تۋرالى اقپارات تەگىن سالىناتىن قازاقستاننىڭ ۇلتتىق پاۆيلونى JUMORE ونلاين-الاڭىنا شىعارىلدى. «اتامەكەن» ۇكپ مەن قر اۋىل شارۋاشىلىعى مينيسترلىگى 2016 جىلدىڭ كۇز مەزگىلىندە وتاندىق ءونىم كولەمىن ارتتىرۋ جانە ولاردى الەمدىك باعامەن وتكىزۋ ماقساتىندا «قىتايعا ەكپورت!» قوزعالىسىن ىسكە قوسقان. ال JUMORE ينتەرنەت-الاڭى دا قازاقستاندىق تاۋرالاردى قىتايعا ەكپورتتاۋدى دامىتۋعا ارنالعان ۇلكەن مۇمكىندىك دەپ ويلايمىن, سەبەبى دايىن ونىمگە نەمەسە شيكىزاتقا مۇددەلى قىتايلىق كاسىپورىنداردىڭ كوتەرمە تاپسىرىستارىن شوعىرلاندىرادى. كوممەرتسيالىق ينتەرنەت-الاڭداردى قولدانۋ وتاندىق وندىرۋشىلەردىڭ حالىقارالىق نارىققا شىعۋىنا جانە يمپورتتاۋشىلارمەن از ۋاقىتتا, دەلدالسىز بايلانىس ورناتۋىنا مۇمكىندىك بەرەدى», – دەپ اتاپ ءوتتى باسقارما توراعاسىنىڭ ورىنباسارى. «JUMORE» كومپانياسى بارلىق سالالاردا, ياعني حيميا, ءتۇستى مەتالل, پايدالى قازبالار, ەنەرگەتيكا, بولات قۇيۋ, اوك جانە ت.ب. «B2B» فورماتىندا ترانسشەكارالىق ەلەكتروندى ساۋدامەن اينالىسادى. ەلەكتروندى ساۋلا الڭىنىڭ پورتالىندا تىركەلۋ تەگىن. اتالعان رەسۋرستى قولدانۋدا تاۋارلاردىڭ ساپاسى جوعارى بولۋى جانە قاجەتتى كولەمدە ۋاقىتىلى جەتكىزۋ سەكىلدى باستى تالاپتاردى ورىنداۋ قاجەت. JUMORE ەلەكتروندى ساۋدا الاڭىندا 3 ونلاين پاۆيلون قويىلعان. ءبىرىنشىسى ­– ۇلتتىق پاۆيلون. ول حالىقارالىق نارىققا شىعۋعا, ەكونوميكالىق جانە تاۋارلىق بايلانىستى كەڭەيتۋگە مۇمكىندىك بەرەدى. بۇگىندە كازاحستان, بوليۆيا, كوستا-ريكا, مەكسيكا مەن پەرۋدىڭ ۇلتتىق پاۆيلوندارى قويىلعان. بىراق قازاقستاننىڭ پاۆيلونى قازىرگى تاڭدا بوس. سونداي-اق برەندىك جانە پروۆينتسيالىق پاۆيلوندار بار. برەندىك پاۆيلوندارعا الەمنىڭ ءتۇرلى سالاداعى ءىرى, ۇزدىك كاسىپورىندارى شىعادى. «قازىردە الەمنىڭ 126 ەلىمەن جانە قىتايدىڭ بارلىق پروۆينتسيالارىمەن سەرىكتەسپىز. 2017 جىلى ترانزاكتسيا بويىنشا جاسالعان كەلىسىمدەردىڭ جالپى سوماسى 50 مىڭ يۋان بولادى دەپ ويلايمىز. بۇل جىل ءبىز ءۇشىن وتە ماڭىزدى. كوپتەگەن كومپانيالار ءبىزدىڭ ونلاين-ساۋدا الاڭىمىزعا كىرۋگە دايىن. قازاقستان كاسىپورىندارى ءۇشىن ەكپورتقا شىعۋعا تاماشا مۇمكىندىك دەپ ويلايمىن. قىتاي ۇكىمەتى «ءبىر بەلدەۋ – ءبىر جول» باعدارلاماسىن دامىتۋعا, ساۋدا-ەكونوميكالىق بايلانىستى نىعايتۋعا ەرەكشە ىقىلاستى. قىتاي مەن قازاقستان باسشىلارىنىڭ كەلىسىمدەرى ­– ىسكەرلىك بايلانىستى دامىتۋدىڭ نەگىزى», ­– دەيدى JUMORE كومپانياسىنىڭ باسشىسى ليۋ حونگسيانگ JUMORE باسشىسى قازاقستاننىڭ ونىمدەرىنىڭ, اسىرەسە اۋىل شارۋاشىلىعى ونىمدەرىنىڭ ساپاسى جوعارى ەكەنىن, قىتايدا سۇرانىس جاقسى ەكەنىن ەرەكشە اتاپ ءوتىپ, ونلاين-ساۋدا الاڭى قازاقستاندىق كاسىپكەرلەردىڭ قىتايدىڭ, سونداي-اق الەم ەلدەرىنىڭ كومپانيالارىمەن بايلانىس ورناتۋىناا سەبەپكەر بولاتىنىن جەتكىزدى. سونىمەن قاتار, كەزدەسۋ بارىسىندا كاسىپكەرلەر تاراپىنان قويىلعان ءتۇرلى ساۋالدارعا جاۋاپ بەردى.