• 23 اقپان, 2017

ءومىردى ۇزارتۋ ءۇشىن كۇنىنە 800 گر جەمىس جەۋ كەرەك - عالىمدار

385 رەت

كورسەتىلدى

1 مين

وقۋ ءۇشىن

Egemen Qazaqstan

لوندونداعى Imperial college عالىمدارىنىڭ ايتۋىنشا, كۇنىنە 10 رەت ءار بولىگى 80 گرامنان تۇراتىن جەمىس پەن كوكونىس جەۋ ءومىردى ۇزارتۋعا سەپتىگىن تيگىزەدى, دەپ جازادى ۆۆس.

كۇنىنە 200 گرامم كوكونىس پەن جەمىس-جيدەك:

جۇرەك-قان تامىرى اۋرۋلارىن 13%-عا,
قاتەرلى ىسىك اۋرۋلارىن 4%-عا,
سەبەپسىز ءولىم قاۋپىن 15%-عا تومەندەتەدى.

800 گرامموۆ كوكونىس پەن جەمىس-جيدەك:

جۇرەك-قان تامىرى اۋرۋلارىن 28%-عا,
قاتەرلى ىسىك اۋرۋلارىن 13%,
سەبەپسىز ءولىم قاۋپىن 31%-عا تومەندەتەدى.

ءبىر ايتا كەتەرلىگى, عالىمدار بۇل قورىتىندىعا كەلمەس بۇرىن 95 ءتۇرلى زەرتتەۋلەر جۇرگىزىپ, 22 ملن ادامنىڭ تاماقتانۋ راتسيونىن ەسكەرگەن. ال زەرتتەۋ قورىتىندىلارى International Journal of Epidemiology جۋرنالىندا جاريالاندى. سونىمەن قاتار عالىمدار كەيبىر اۋرۋلاردىڭ الدىن الاتىن جەمىس-جيدەكتەردى اتاعان. مىسالى, جاسىل نەمەسە سارى كوكونىستەر, بۇرىش پەن ساۋمالدىق, گۇلدى قىرىققابات قاتەرلى ىسىكتى بولدىرمايدى. ال جۇرەك-قان تامىرى اۋرۋلارىن بولدىرماس ءۇشىن الما, المۇرت, تسيترۋس پەن سالاتتار كوپ تۇتىنعان ءجون. زەرتتەۋ ناتيجەلەرى تاعى ءبىر مارتە كورسەتكەندەي, جەمىستەر مەن كوكونىستەر حولەستەريننىڭ دەڭگەيىن تومەندەتىپ, قان قىسىمىن بولدىرماۋعا, ادامنىڭ يممۋنيتەتىن ارتتىرۋعا كومەكتەسەدى. ەستەرىڭىزگە سالا كەتسەك, دۇنيەجۇزىلىك دەنساۋلىق ساقتاۋ ۇيىمى كۇنىنە 5 رەت جەمىس-جيدەك پەن كوكونىس جەۋدى ۇسىنادى.