بيىل شقو-دا 360 كم جول جوندەلمەك

بيىل دا ءبىرىنشى كەزەكتە وڭىردەگى وبلىستىق جانە رەسپۋبليكالىق جولداردى جوندەۋگە باسىمدىق بەرىلمەك, دەپ حابارلادى وبلىس اكىمدىگىنىڭ ءباسپاسوز قىزمەتى. بىلتىرعىداي, جولداردى قالپىنا كەلتىرۋ جۇمىستارى الدىمەن ورتا جوندەۋگە باعىتتالادى. جالپى العاندا, بۇگىندە وبلىسىمىزداعى جولداردىڭ 76,5 پايىزى قاناعاتتانارلىق جاعدايدا. «2016 جىلى جالپى ۇزاقتىعى 389 شاقىرىمدى قۇرايتىن اۆتوموبيل جولدارىنا اسفالت توسەلگەن, ونىڭ 221 شاقىرىمى – وبلىستىق ماڭىزداعى جولدار. اسىرەسە, جىلدار بويى جوندەۋ كورمەگەن جولداردىڭ قالپىنا كەلتىرىلۋى تۇرعىندار ءۇشىن جاقسى جاڭالىق بولعانى راس. ونىڭ ىشىندە الاكول كولىنە اپاراتىن, سونداي-اق, وسكەمەن قالاسىنان «نۇرتاۋ» شاڭعى بازاسىنا دەيىنگى جولدار, سونىمەن قاتار, كۇرشىم-قالجىر, وسكەمەن-تارعىن-سامار, بورودۋليحا-شەمونايحا باعىتتارىنداعى تراسسالار جوندەۋدەن ءوتتى. بۇعان قوسا, اياگوز قالاسى مەن اقسۋات اۋىلى ارالىعىنداعى 78 شاقىرىمدى قۇرايتىن جول ۋچاسكەسىندە جانە سىبە كولدەرىنە اپاراتىن تاس جولدا ورتا جوندەۋ جۇرگىزىلدى», - دەلىنگەن حابارلامادا.