قولادان جۇلدە جينادىق

كۇنشىعىس ەلىنىڭ ساپپورو قالاسىندا ءوتىپ جاتقان VIII قىسقى ازيا ويىندارىنىڭ كورىگى قىزا ءتۇستى. ءتورتىنشى جارىس كۇنى قازاقستان قۇراماسىنىڭ قورجىنىنا ءۇش بىردەي قولا مەدال سىيلادى. سونىمەن قاتار, شايبالى حوككەي سىنىن باستاپ كەت­كەن ەل قۇراماسى وڭتۇستىككورەيالىق قار­سى­لاستارىن 4:0 ەسەبىمەن كۇيرەتە جەڭدى. شاڭعىمەن تۇعىردان سەكىرۋ جارىسىندا ەلىمىزدىڭ نامىسىن قورعاعان سەرگەي تكاچەنكو 238.0 مەتر ناتيجەمەن ءۇشىنشى ورىنعا تابان تىرەدى. بۇل ءبا­سەكەدە بارىنەن الىس سەكىرگەن جاپون جىگىتى يۋكيا ساتو (254.0) التىن جۇلدە يەگەرى اتاندى. ەكىنشى جۇلدە – كۇمىس مەدال چەمپيوننىڭ جەر­لەسى يۋكەن يۆاساعا (251.0) بۇيىردى. قىزدار اراسىنداعى شورت-ترەك­شىلەر سايىسىندا قا­زاقستان قۇراما كو­مانداسى ءتاپ-ءتاۋىر ناتيجەگە قول جەت­كىزدى. قۇرامىندا كيم يونگ ا, اناستاسيا كرەستوۆا, ءمادينا جان­بوسىنوۆا جانە ولگا تيحونوۆا بار جەلاياق قىز­دارىمىز 4:20.034 مينۋت ناتيجەمەن قولا جۇلدەگە يە بولدى. ءبىزدىڭ شورت-ترەك­شى ارۋلا­رىمىزدىڭ جولىن وڭ­تۇستىك كو­رەيا (4:10.515) جانە قىتاي (4:10.980) قۇرامالارى وراپ كەتتى. بۇل كۇنى كونكيشى جىگىتتە­رىمىز دە كوڭىلدى كوتەرىپ تاستادى. ەرلەر اراسىنداعى قۋدالاۋ ءبا­س­ەكەسىندە قۇرامىندا دمي­ت­ري بابەنكو, دەنيس كۋزين جانە فەدور مەزەنتسەۆ ونەر كورسەتكەن قازاقستان كومانداسى قولا مە­دالعا قول جەتكىزدى. بۇل جارىس­تا وڭتۇستىك كورەيا مەن جاپونيا كوماندالارى ۇزدىك ناتيجە كورسەتتى. قازاقستان حوككەيشىلەرى ازيا­دا سىنىنداعى العاشقى كەز­­دەسۋىن وڭتۇستىك كورەيا قۇرا­­ما­سىمەن وتكىزدى. سەرگەي ستا­رىگيننىڭ شاكىرتتەرى سەنىمدى ويىن ورنەگىن كورسەتىپ, 4:0 (0:0, 2:0, 2:0) ەسەبىمەن جەڭىسكە جەتتى. كوماندالار ماتچتىڭ ءبى­رىنشى بولىگىندە تەڭ تارقاستى. ەكىنشى كەزەڭنىڭ 34-مينۋتىندا ماكسيم ۆولكوۆ قارسىلاس قاقپادان ساڭىلاۋ تاۋىپ, ەسەپ اشتى. ارادا ەكى مينۋت وتكە­نىندە نيكيتا ميحايليس ەسەپتى ەسەلەدى. شەشۋشى كەزەڭنىڭ 47-ءشى مينۋتىندا نۇرسۇلتان بەلگىباەۆ ەسەپتى 3:0-گە جەتكىزدى. ال سوڭعى – ءتورتىنشى شايبانى ويىننىڭ 54-مينۋتىندا كونستانتين سا­ۆەن­كوۆ سالدى. ەندى ءبىزدىڭ حوككەيشىلەر كەلەسى ويىندى 24 اقپان كۇنى قىتاي قۇراماسىمەن وتكىزەدى. ازىرگە قازاقستان قۇرا­ماسى­­نىڭ ەنشىسىندە جەتى ءجۇل­دە بار. ونىڭ بىرەۋى التىن, ەكەۋى كۇمىس جانە تورتەۋى قولا. مەدال سانى بو­يىن­شا جالپىكوماندالىق ەسەپتە ءتورتىنشى ورىندا تۇرمىز. بۇل باسەكەدە 30 مەدالمەن (12 التىن, 11 كۇمىس جانە 7 قولا) وڭتۇستىك كورەيا قۇراماسى كوش باستاپ كەلەدى. ەكىنشى ورىنداعى جاپونيا قورجىنىندا 34 مەدال (10, 11, 13) بار. ال ءۇشىنشى ورىندا 16 مەدالمەن (6,5,5) قىتاي قۇراماسى كەلەدى. قايرات ءابىلدينوۆ, «ەگەمەن قازاقستان»,