بۇل – ەسەلى ەڭبەك ەتەتىن ۋاقىت

ەلباسى تاعى ءبىر كەلەشەككە سەنىممەن قارىشتى قادام باستىراتىن جاڭا باستاما ۇسىندى. «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋداعى حالىق يگىلىگى ءۇشىن اتقارىلار اۋقىمدى شارالار, جۇزەگە اسىرىلار كەشەندى جوبالار كوڭىلدى قۋانتتى. بۇعان دەيىنگى جالپىۇلتتىق ءمانى بار ستراتەگيالىق باعدارلامالاردىڭ جالعاسى ىسپەتتى بۇل جولداۋدا دا كەم-كەتىگىمىز ساراپتالىپ, كەمشىن تۇستارىمىزدى تولىقتىرار ءىس-شارالار ايقىندالعان. اتالعان جولداۋ – وراسان جاڭا مۇمكىن­دىكتەر, ەلبا­سىنىڭ ءوز سوزىمەن ايتار بولساق, «ءومىر ساپاسىنىڭ قازاق­ستاندىق ۇلگى-قالىبىن قالىپ­تاستىرۋعا» اپا­رار داڭ­عىل جول. ماڭىزدى كەشەندى ءۇش مىندەت پەن بەس نەگىزگى باسىمدىق اتاپ كورسەتىلگەن جولداۋدىڭ ماقساتى – قازاقستاننىڭ كۇن ساناپ بوي كوتەرىپ, جاڭاشىلدىقپەن جارىسىپ كەلە جاتقان ەلدەردىڭ كورىكتى كوشىنەن قالماي, الەم كوگىندە ماڭگىلىك ەل بولۋ. بۇگىندە قازاقستان بۇرىن-سوڭدى باستان كەشپەگەن مامىرا­جاي تىرلىكتىڭ, كوڭىلگە شاتتىق ۇيالا­تار شۋاقتى دا جارقىن كۇن­دەر­دىڭ كۋاسىنە اينالدى. شار­تاراپقا قازاق ەلىن تانىتىپ, شيرەك عاسىر بويى الەم جۇرتشى­لى­عىن كەمەلدىگىمەن ءھام كەمەڭ­گەرلىگىمەن مويىنداتقان ەلباسى­نىڭ الدىمىزعا قويىپ وتىرعان باستى مىندەتى – «جۇرتىم» دەپ جۇمىلىپ, «ەلىم» دەپ ەسەلى ەڭبەك ەتەتىن ۋاقىتتىڭ كەلگەندىگى. ەلباسى بيىلعى جولداۋىندا باستى باسىمدىقتاردىڭ ءبىرى رەتىندە تسيفرلى يندۋستريانى دامىتۋدى اتادى. اتالعان سالانى وركەندەتۋ ارقىلى باسقا دا سالا­لارعا تىڭ سەرپىن بەرۋگە ءمىن­دەتتەدى. ەڭبەك ونىمدىلىگىن ارت­­تىرا وتىرىپ, الەمدىك سۇر­انىس­تاعى جاڭا نارىقتارعا شىعۋ, ەكس­پورتتى تولىقتىرۋ, ەكونو­مي­كا­لىق تۇراقتىلىق پەن جاڭا جۇمىس كوزدەرىن اشۋ, قولدا بار قارا­جاتتى ۇنەمدەپ, حالىق يگىلى­گىنە جۇمساۋ, قازىنانى مەيلىن­شە جاۋاپ­كەرشىلىكپەن يگەرۋ دە ما­ڭىزدى باعىتتار رەتىندە ايتىلدى. ەڭبەك نارىعىن جاڭعىرتۋ ارقىلى مەملەكەت-جەكەمەنشىك باسقارۋ قۇرىلىمىن قولداۋ جولعا قويىلسا, حالىقتىڭ ءال-اۋقاتىن ارتتىرۋ, الەۋمەتتىك سالا­لار­دىڭ قارقىندى دامۋى سىن­دى وزەكتى ماسەلەلەردىڭ شەشى­مىن تابا­تىندىعىن تىلگە تيەك ەتتى. ناق­ت­­ى­لانعان باعدارلامالار شەڭ­­بەرىندە ءار ءوڭىر­دە كاسىبىن ءناسىپ­­كە اي­نالدىرار «وتبا­سىلىق كاسىپ­­كەر­لىكتى» دامىتۋ ءۇشىن دە قول­داۋ حالىق الەۋە­تىن كوتەرەرى حاق. بارلىق ءوڭىر­دەگى بوس جۇمىس ورىن­دارى كور­سەتىلگەن بىرىڭعاي ون­لاين پلات­فورما – جۇيەلىلىگى ايقىن­دالعان اشىق قوعامنىڭ كورىنىسى. وركەنيەت كوشىندەگى ەلدەر ءۇشىن «ەڭبەك» پەن «ءبىلىم» ۇعىم­دارى – ءبىر-بىرىنەن اجىراعىسىز قۇن­دىلىقتار. اشىعىن ايتۋ كەرەك, جولداۋدا باسىمدىققا يە بول­­عان ادامي كاپيتالدىڭ ساپالىق ءوسۋى بو­يىنشا مەملەكەت تاراپىنان كور­سەتىلىپ جاتقان قولداۋ ۇشان-تەڭىز. وعان بارشا­مىز دا كۇندەلىكتى ومىردە كۋا بولىپ ءجۇرمىز. بۇعان دەيىن دە ءبىلىم بەرۋ سالاسىن باستى ورىنعا قويىپ, نازارىنان تىس قالدىرماعان ەلباسى ءوزىنىڭ جاڭا جولداۋىندا دا ەلىمىزدەگى ءبىلىم بەرۋ جۇيەسىن جاڭعىرتۋدىڭ قاجەتتىلىگىن جانە ونى جۇزەگە اسىرۋدىڭ ءىس-شارالارىن دا اتاپ كورسەتىپ بەردى. الەمدىك تاجىريبە ەكونو­ميكا­لىق تۇرعىدان جان-جاقتى دامۋ كورسەتكىشتەرىنە قول جەت­كىزۋدە تەحنيكالىق جانە كاسىپتىك ءبىلىم­نىڭ وتە قاجەتتىلىگىن دالەل­دەدى. ءوندىرىستىڭ ءارتۇرلى سالا­لارى دا كاسىبي بىلىكتى ماماندار تاپ­شىلىعىن سەزىنۋدە. سوندىقتان, بۇگىنگى ەڭبەك نارىعى مەن قوعام­نىڭ قاجەتتىلىكتەرىن قاناعات­تان­دىرۋدا تەحنيكالىق جانە كاسىپ­تىك ءبىلىم بەرۋدىڭ بەدەلى مەن ماڭىزىن جوعارىلاتاتىن ەلباسى باستاماسى – «بارشاعا ارنالعان تەگىن كاسىپتىك-تەحنيكالىق ءبىلىم بەرۋ جۇيەسى» جوباسى ەلىمىزدەگى مىڭداعان ازامات ءۇشىن ومىرگە جولداما بولماق. مەملەكەتتىك تىلگە باسىمدىق بەرە وتىرىپ, جاڭا ەكونوميكا ءتىلى – اعىلشىن تىلىمەن ساۋاتتانۋ قاجەتتىلىگى جولداۋدا اشىق تا انىق ايتىلدى. راسىندا دا, جاھاندىق كوشتەن قالماۋدىڭ ءبىر شارتى – «وزگە ءتىلدىڭ ءبارىن ءبىلىپ, ءوز ءتىلىڭدى قۇرمەتتەۋ» ەمەس پە؟! 2017 جىلدان باستاۋ الاتىن الەۋمەتتىك قامتاماسىز ەتۋ سالا­لارىنا بەرىلىپ وتىرعان باسىم­دىق – زەينەتكەرلەر مەن از قام­تىلعان توپتارعا, جاس انا­لارعا بولىنەتىن قاراجات-كومەكتىڭ باسى بولماق. تاۋەلسىزدىك تۇعىرى – تىنىش­تىق پەن بىرتۇتاستىق. بۇل قا­سيەتتى ۇعىمداردىڭ سالماعىن ەل­باسى قازاقستاندىقتارعا عانا ەمەس, بارشا الەم جۇرتشىلى­عى­نا سەزىندىرىپ, تىڭ باستامالارى­­مەن ناسيحاتتاپ-اق كەلەدى. بيىل­عى جولداۋدا دا ەل تۇتاستىعى­نا ايرىقشا ءمان بەرىلگەن. «ءدىننىڭ تۇتاستىعى – ەلدىڭ تۇتاستىعى» دەگەن ۇستانىمداعى ەلباسى جول­داۋدا ەلدىڭ ەرتەڭى مەن بولا­شا­عى­نا كەسەل كەلتىرەتىن ءدىني ەكست­رەميزمنىڭ جولىن كەسىپ, اداس­قانداردى ساۋاتتاندىرۋ كەزەك كۇتتىرمەيتىن ماسەلە ەكەندىگىن اتاپ وتكەن. سايىپ كەلگەندە, بۇل – تاۋەلسىز ەلدىڭ ءار تۇرعىنىنىڭ جانە, تۇتاستاي العاندا, بەيبىت ەلىمىزدىڭ قاۋىپسىزدىگى. نەگىزگى قاعيداسى ناپاقانى ەڭبەك­تەن عانا ىزدەۋگە, باستى ورىن­عا ادىلدىك پەن ادالدىق, ساپا ۇعىم­دارىن قويۋعا شاقىراتىن بۇل جول­داۋدا قامتىلماي قالعان سالا جوق. اسقان كورەگەندىكپەن, ناق­تى دالدىكپەن اتقارىلار جۇ­مىس­تىڭ تەتىكتەرى دە ۇسىنىلىپ وتىر. ەلباسى العا قويعان بيىك ماق­ساتتاردى بىرلەسە جۇزەگە اسىرۋ – ءبىزدىڭ ەنشىمىزدەگى مەرەيلى مىندەت ءارى ازاماتتىق پارىزىمىز. ءۇشىنشى جاڭعىرۋ جولىنا نىق سەنىممەن قادام باسقان ەلىمىزدىڭ كوك بايراعى الەمنىڭ ەڭ مىقتى مەملەكەتتەرى كوز تىككەن اسقار بيىكتەردە جەلبىرەي بەرەتىندىگىنە ەش كۇمان جوق. باقىتگۇل حامەنوۆا, پارلامەنت ءماجىلىسىنىڭ دەپۋتاتى, «نۇر وتان» پارتياسى فراكتسياسىنىڭ مۇشەسى