«التاي» فۋتبول كلۋبىنداعى الاساپىران

اقپان ايىنىڭ باسىندا قازاقستان فۋتبول فەدەراتسياسى اتقارۋشى كوميتەتىنىڭ وتىرىسى ءوتىپ, شىعىس قازاقستان وبلىسىنىڭ «التاي» كومانداسى پرەمەر-ليگادان شىعارىلدى. بۇل جاڭالىق ءبىراز جانكۇيەردىڭ نارازىلىعىن تۋدىردى. دەگەنمەن, شەشىم قابىلداندى. ءتارتىپ بارىنە ورتاق. ەندى «التايدىڭ» ورنىنا پرەمەر-ليگادا «تاراز» فۋتبول كلۋبى ونەر كورسەتەتىن بولادى. ءسويتىپ, بىلتىر عانا ءبىرىنشى ليگادا ەكىنشى ورىن يەمدەنىپ, پرەمەر-ليگاعا جولداما العان كلۋبقا قاتاڭ جازا قولدانىلدى. سەبەبى, بۇل ۇجىمدا سەرتيفيكاتتاۋ شارتتارى مەن قاعيدالارى ورىندالماعان. ياعني, زاڭدى تۇلعانىڭ قۇرىلىمىندا فۋتبول ورتالىعى مەن ەكىنشى ليگا بىرىنشىلىگىنە قاتىساتىن جاستار اراسىنداعى كومانداسى جوق, سونداي-اق, ايماقتىق فۋتبول فەدەراتسياسىندا ءۇش جىلدىق مۇشەلىگى جوق. پرەمەر-ليگاداعى بوساعان ورىندى چەمپيونات رەگلامەنتىنىڭ تالاپتارىنا ساي, 2016 جىلعى ماۋ­سىمدا «وتپەلى ماتچتا» وي­ناعان «تاراز» فۋتبول كلۋبى باساتىن بولىپ بەكىتىلدى. «التاي» كومانداسىنىڭ جانكۇيەرلەرى وبلىس اكىمى دانيال احمەتوۆتەن كومەك سۇراعان ەدى. الايدا, ايماق باسشىسى مەملە­كەتتىك رەسۋرستاردى دۇرىس پايدالانبادى دەپ «التاي» فۋتبول كلۋبىنىڭ باسشىلىعىن ايىپتادى. – بىلتىرعى جىلى ءبىز ەكى كلۋبتى بىرىكتىردىك. جاڭادان كوماندا جاساقتاپ, جاقسى قارجىمەن قامتاماسىز ەتتىك. جوعارى بىلىكتى باپكەردى دە شاقىرعان بولاتىنبىز. الايدا, كەيىن قارجى جاعىن تەكسەرگەندە, تۇسىنىكسىز جايت­تاردى بايقادىق. مەملە­كەتتىڭ قارجىسى قايدا كەتىپ جات­قانى بەيمالىم. ءتىپتى, تولەۋ جۇيەسى دە تۇسىنىك­سىز. مەملەكەتتىك رەسۋرس­تاردى قالاي بولسا سولاي پاي­دا­لانعان. ءبىزدىڭ وسى جاعدايعا بايلانىستى تاعار كىنامىز دە بار. بۇل ماسەلەمەن اينالىسا باستادىق. ازىرگە كوماندانى كىمنىڭ باسقاراتىنى بەلگىسىز. وبلىستىق سپورت باسقارماسىنىڭ كەلىسىمىنسىز كوماندانى جەڭىسكە جەتەلەگەن باپكەردى اۋىستىرىپ تاستاعان. سوندىقتان قۇر­مەتتى جانكۇيەرلەر, الدىمەن فۋتبول كلۋبىمەن, ونىڭ باسشىلىعىمەن وزدەرىڭىز اينالىسىڭىزدار. ەگەر مەن كىرىسسەم, ءبارى باسقاشا بولادى, – دەيدى ءوڭىر باسشىسى. سەرجان ءشايجۇنىسوۆ باس­قاراتىن كلۋب باسشىلىعى قفف شەشىمىنە قارسىلىق تانىتىپ, سوڭىنا دەيىن كۇرەسەمىز دەگەن ەدى. بىراق, ازىرگە بۇل ارەكەتتەن ەشتەڭە شىقپايتىن ءتارىزدى. بۇگىنگى كۇندە كومان­داعا جاڭادان قوسىلعان وي­ىن­شىلاردىڭ كوبىسى وزگە كلۋبتارعا كەتە باس­تادى. مىسالى, سەمەي فۋتبولى­نىڭ تۇلەگى, 23 جاستاعى ەركە­بۇلان نۇرعاليەۆ «وق­جەتپەسپەن» ءبىر جىلدىق كەلىسىمشارتقا قول قويىپ ۇلگەردى. سول سەكىلدى شابۋىلشى جاسۇلان مولداقارەۆ قو­ستانايدىڭ «توبىل» كلۋ­بى­نىڭ جەيدەسىن كيدى. قازىر «تو­بىلدا» شابۋىل شەبى جوعارى باسە­كەلەستىككە يە. كو­ماندادا توق­تار جاڭعى­لىشباي, الەكسەي ششەتكين, دجوردجە دەسپو­تو­ۆيچ بار. ەندى ولارعا جاسۇلان قو­سىلىپ وتىر. كونستانتين زارەچنىي, ۆياچەس­لاۆ كوتليار, دميتري شميدت «اقجايىق» ساپىندا جاتتىعىپ ءجۇر. ەگەر اتال­عان ويىنشىلار ۆاحيد ماسۋدوۆپەن ءتىل تابىسا السا, ورالدىقتار ءۇشىن پايدالى بولارى انىق. ال 35 جاستاعى ارداگەر فۋتبولشى نۇربول جۇماس­قاليەۆ «توبىلدان» كەتكەن سوڭ, وسى «التايعا» كەلگەن ەدى. ءتىپتى, كەلىسىمشارت تا جاساسىپ ۇلگەرگەن بولاتىن. جاقىندا نۇربولدىڭ پاۆلوداردىڭ «ەرتىسى» ساپىندا جاتتىعىپ جۇرگەنى بەلگىلى بولدى. فرانتسۋز كلۋبى پسج-نىڭ تۇلەگى موحاممەد لا­مانە دياررا قازاقستاندا قالۋدى ءجون ساناعان ءتارىزدى. ول قازىر «قايسار» كومانداسىندا سىناقتان ءوتىپ جاتىر. 24 جاستاعى امبەباپ فۋتبولشى «التايمەن» ءبىر جىل­دىق كەلىسىمشارت جاساعان ەدى. وسى جاعدايدان كەيىن ونىڭ دا كەتۋىنە تۋرا كەلگەن سياق­تى. قىزىلوردا كلۋ­بى مۇ­نىمەن شەكتەلىپ قال­ماعان. «ال­تايدىڭ» تاعى ءبىر ويىن­شىسى ازات ەرسالىموۆ تە وسى ۇجىمدا سىناقتان ءوتىپ جاتىر. بۇدان ءبىراز بۇرىن بول­­­گاريالىق ءتورت مامان قازاقستاندا جۇمىس ىستەيتىن بولدى دەگەن اقپارات تاراعان بو­لاتىن. بىراق يليان يليەۆ­تىڭ كەلگەنىنەن كەت­كەنى تەز بولدى. «التاي» اتتاي قالاپ اكەلگەن تانىمال باپكەر ءبىرىنشى ليگادا جۇمىس ىستەۋ­گە ق ۇلىقتى ەمەس. كەيبىر ءمالى­مەتتەرگە سايكەس, ونىڭ ەلىنە قاي­تىپ كەتكەنى بەلگىلى بولدى. ەندى «التايدى» جاڭا ماۋسىمعا بوريس گلۋشكوۆ دايىندايدى. فۋتزالدان قا­زاقستان قۇراماسىنىڭ ەكس-باپ­كەرى كوماندانىڭ ۇڭ­عىل-شۇڭ­عى­لىن جاقسى بىلەدى. وتكەن جىلى «ءوت­پەلى ويىندا» «تارازدى» جە­ڭىپ, «ال­تايدى» پرەمەر-لي­گاعا ا­لىپ شىققان دا وسى گلۋشكوۆ ەدى. بەك تولەۋوۆ, جۋرناليست استانا