قىزىلوردادا ەكسپورتقا باعىتتالعان وندىرىستەر قۇرىلۋدا

«شيكىزات سەكتورىنا تاۋەلدىلىكتى ازايتۋ ماقساتىندا ءبىز باسەكەگە قابىلەتتى, ەكسپورتقا باعىتتالعان جاڭا وندىرىستەر قۇرۋ بويىنشا جۇمىستى جالعاستىرۋدامىز. بۇل تاپسىرمانى مەملەكەت باسشىسى ءوزىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى بيىلعى جولداۋىندا ءبىزدىڭ الدىمىزعا قويىپ وتىر, – دەدى وبلىس اكىمى ءوز سوزىندە. ماسەلەن, سالىنىپ جاتقان شىنى زاۋىتىنا قازىردىڭ وزىندە قوندىرعىلاردىڭ 90 پايىزدان استامى جەتكىزىلدى. بيىل قازان ايىندا ونى ىسكە قوسۋدى جوسپارلاپ وتىرمىز. ول ءوز كەزەگىندە 300-دەن استام ادامدى جۇمىسپەن قامتاماسىز ەتەدى. «بالا-ساۋىسقاندىق» ۆانادي كەن ورنىندا تاجىريبەلىك-وندىرىستىك زەرتتەۋلەر اياقتالدى. 2016 جىلى كاسىپورىن مەتاۆانادات امموني مەن ۆانادي توتىعىن تايۆان مەن رەسەيگە ەكسپورتتاي باستادى. مەتاۆانادات ءاممونيدىڭ سىناما توپتاماسى اقش-قا دا جىبەرىلدى. ەندى باسقا دا ەلدەر نارىعىنا شىعارۋ جولدارى قاراستىرىلۋدا. «مۇنان بولەك, 2016 جىلدىڭ قاراشاسىندا ساۋدا-ەكونوميكالىق, عىلىمي-تەحنيكالىق جانە مادەني بايلانىس جونىندەگى ۇكىمەتارالىق كوميسسيادا بريتانيالىق كومپانيا قارا تاقتاتاستى اۆتوكلاۆتى وڭدەۋ بويىنشا وسى اتالعان ينۆەستيتسيالىق جوبانى جۇزەگە اسىرۋعا ىنتىماقتاستىق تۋرالى كەلىسىمگە قول قويدى. جوبانىڭ ءىى جانە ءىىى كەزەڭىن 125 ملن دوللار كولەمىندە قارجىلاندىرۋ تۋرالى شەشىم قابىلداندى», – دەدى قىرىمبەك كوشەرباەۆ.