سىر وڭىرىندە وڭدەۋ ونەركاسىبى مەن ەڭبەك ونىمدىلىگى ءوستى

بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆ 15 اقپاندا تۇرعىندارمەن ەسەپتى كەزدەسۋىندە مالىمدەدى. ايماق ءوندىرىسىنىڭ نەگىزگى تىرەگى مۇناي ءوڭدىرۋ تومەندەگەنىمەن, دامۋدىڭ بىرقاتار كورسەتكىشتەرىندە وڭ ديناميكا بار دەپ اتاپ ءوتتى. «اتاپ ايتقاندا, وتكەن جىلى وڭدەۋ سەكتورىنداعى ءوسىم 15 پايىزدى قۇرادى. ەگەر, ۇزاقمەرزىمدى ديناميكاعا كوز جۇگىرتسەك, ماسەلەن, 2012 جىلمەن سالىستىرعاندا وبلىستىڭ شيكىزاتتىق ەمەس ءوندىرىس سەكتورىنداعى ءونىم كولەمى 52 پايىزعا ءوستى, وسى كەزەڭدە رەسپۋبليكا بويىنشا ول بار بولعانى 4 پايىز بولدى», – دەدى ق.كوشەرباەۆ وڭدەۋ سالاسىنداعى ەڭبەك ونىمدىلىگى 6 ەسەگە دەيىن ءوستى (قر بويىنشا – 2,4 ەسە), ال وڭدەۋ ونەركاسىبىنىڭ جالپى وڭىرلىك ءونىمى قۇرىلىمىنداعى ۇلەسى وسى جىلدارى 3,5 ەسە ءوستى (2012 جىلى 2,2 پايىزدان 2016 جىلعى 7,8 پايىزعا دەيىن). «شيكىزاتتىق ەمەس سەكتوردىڭ دامۋ قارقىنى بويىنشا ءبىزدىڭ وبلىس رەسپۋبليكا ايماقتارىنىڭ اراسىندا كوشباسشىلار قاتارىندا. وڭدەۋ سالاسىنىڭ وزىق قارقىنى سوناۋ 2014 جىلدىڭ قىركۇيەگىندە باستالعان بولاتىن», – دەپ مالىمدەدى وبلىس اكىمى.