اكىمشىلىك ايىپپۇل تولەمەگەندەر قاماۋعا الىنۋى مۇمكىن

استانا قالاسى ىشكى ىستەر دەپارتامەنتىنىڭ قىزمەتكەرلەرى 2016 جىلدىڭ قورىتىندىسى بويىنشا 374 مىڭنان اسا اكىمشىلىك قۇقىق بۇزۋشىلىق انىقتاعان, سونىڭ ىشىندە اكىمشىلىك ىستەر بويىنشا 2 ملرد تەڭگەدەن استام سومانىڭ ايىپپۇلدارى تۇرىندە قاۋلىلار شىعارىلعان. قازىرگى ۋاقىتتا ەلوردادا اكىمشىلىك ايىپپۇلداردى تولەمەۋشىلەردى انىقتاۋ جانە تاركىلەۋ بويىنشا رەيد شارالارى جۇرگىزىلۋدە. اكىمشىلىك ايىپپۇلدارىن ەرىكتى تۇردە تولەمەگەن قۇقىق بۇزۋشىلارعا قاتىستى قر اقبك 669 بابى بويىنشا اكىمشىلىك ءوندىرىس قوزعالادى. سوت ۇكىمىن, سوت شەشىمىن نەمەسە باسقا سوت اكتىن جانە ورىنداۋ قۇجاتىن ەلەمەگەنى جانە ورىنداماعانى ءۇشىن بەس تاۋلىككە دەيىن قاماۋعا الۋ قاراستىرىلعان. ەلوردانىڭ مامانداندىرىلعان اكىمشىلىك سوتىندا العاشقى سوت پروتسەسى ءوتىپ, اكىمشىلىك ايىپپۇلدارىن وتەمەگەندەرگە قاماۋعا الۋ جازاسىن قولدانۋ تۋرالى شەشىم شىعاردى,  ال بۇرىن اتالعان قۇقىق بۇزۋشىلىق ءۇشىن ايىپپۇل تۇرىندە سانكتسيا قاراستىرىلاتىن. ەلوردا ءىىد اكىمشىلىك پوليتسياسىنىڭ قىزمەتكەرلەرى قر قك 430-بابىنا سايكەس, بورىشكەردىڭ زاڭدى كۇشىنە ەنگەن ۇكىمدى, سوت شەشىمىن نەمەسە باسقا سوت اكتىن نەمەسە ورىنداۋ قۇجاتىن التى ايدان ارتىق ۋاقىت بويى ورىنداماۋ 3-5 جىلعا دەيىن باس بوستاندىعىن شەكتەۋمەن نەمەسە سول مەرزىمگە باس بوستاندىعىنان ايىرۋمەن جازالانادى.