استانادا جەدەل احۋال بىرقالىپتى

ەلوردادا جەدەل احۋال بىرقالىپتى جاعدايدا. بۇل تۋرالى استانا ق. ءىىد باسشىسى امانتاي اۋباكىروۆ استانا قالاسى ءىىد-دە قازاقستان رەسپۋبليكاسى ىشكى ىستەر ءمينيسترى پوليتسيا گەنەرال- پولكوۆنيگى قالمۇحانبەت قاسىموۆ پەن استانا قالاسىنىڭ اكىمى اسەت يسەكەشەۆتىڭ قاتىسۋىمەن وتكەن جەدەل كەڭەس وتىرىسى بارىسىندا مالىمدەدى, دەپ حابارلادى استانا قالاسى اكىمدىگىنىڭ ءباسپاسوز قىزمەتى. اتالعان جيىندا 2016 جىلدىڭ جەدەل-قىزمەتتىك جۇمىس قورتىندىلارى جانە استانا قالاسى ىشكى ىستەر دەپارتامەنتىنىڭ بولاشاققا جوسپارلاعان ماڭىزدى ماقساتتارى تالقىلاندى. ءوز كەزەگىندە, جەكە قۇرام الدىندا سويلەگەن سوزىندە استانا قالاسىنىڭ اكىمى اسەت يسەكەشەۆ ەلوردالىق پوليتسيا مەن جەرگىلىكتى اتقارۋشى ورگانداردىڭ قارىم-قاتىناسى الگوريتىمىنە توقتالدى. استانا قالاسى دامىپ, پوليتسيا قىزمەتى جەتىلدىرىلۋدە. قازىرگى تاڭدا «smart-استانا» باعىتىندا ەڭ وزىق تەحنولوگيالار قولدانىستا. استانا كوشەلەرىندە زامانۋي كامەرالار ورناتىلعان جانە ولاردىڭ سانى ارتۋدا. سونىمەن قاتار, قالا باسشىسى جەرگىلىكتى پوليتسيا قىزمەتىندە قوعامدىق جەرلەر مەن قالا كوشەلەرىندە جاسالاتىن قۇقىق بۇزۋشىلقتاردىڭ الدىن الىپ, باسىمدى ءىس-شارالار اتقارۋدى قاداپ ايتتى. ەلوردالىق پوليتسيا قىزمەتكەرلەرىنە «ەكسپو-2017» حالىقارالىق كورمەسىن وتكىزۋ جانە دايىندىق كەزەڭىندە ءىىد ەلوردالىق ستاتۋسقا ساي, تۇرعىنداردىڭ قاۋىپسىزدىگىن جانە قوعامدىق قۇقىقتىق ءتارتىپ جاعدايىن قۇرۋدا بارلىق باعىت بويىنشا ۇلگىلى, كورسەتكىشى مەن رەيتىنگى جوعارى بولۋ كەرەك ەكەندىگىن, قالا تۇرعىندارى مەن قوناقتارىنىڭ قاۋىپسىزدىگىن جانە قوعامدىق قاۋىپسىزدىكتى قامتاماسىز ەتۋدە ولارعا ۇلكەن جاۋاپكەرشىلىك جۇكتەلگەندىگىن اتاپ ءوتتى.