وقو-عا تارتىلاتىن ينۆەستيتسيا 25 پايىزعا ارتادى

ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى – الداعى ماقساتتارىمىزدى ءتۇسىندىرۋدىڭ ەڭ باستى قۇجاتى بولىپ تابىلادى. بۇل تۋرالى وڭتۇستىك قازاقستان وبلىسىنىڭ اكىمى ج.تۇيمەباەۆ پرەزيدەنتتىڭ جازباشا تۇردە جارىققا شىققان جولداۋى بويىنشا وتكەن وبلىس اكتيۆىنىڭ جيىنىندا ايتتى, دەپ حابارلادى وقو اكىمىنىڭ ءباسپاسوز قىزمەتى. «مەملەكەت باسشىسى ەلىمىزدىڭ ءبىرىنشى جاڭعىرۋىندا ءوز جولىمىزدى قالاي باستاعىنىمىزدى جانە مەملەكەتتىڭ ىرگەتاسىن قالاي قالاعانىمىزدى ايتسا, سول جىلدارى جوسپارلى ەكونوميكادان نارىقتىق ەكونوميكاعا كوشۋ جۇزەگە اسىرىلدى. ءبارىمىز بىرلەسىپ, ەلىمىزدى العا جىلجىتۋعا باعىتتالعان جۇمىستاردى اتقاردىق. ەكىنشى جاڭعىرۋ «قازاقستان-2030» ستراتەگياسىنىڭ قابىلدانۋىمەن جانە جاڭا ەلوردا – استانانىڭ سالىنۋىمەن باستالدى. ەلىمىز ەكونوميكالىق تۇرعىدان ارتتا قالعان ايماقتان شىعىپ, الەمدەگى ەكونوميكاسى باسكەكەگە قابىلەتتى 50 ەلدىڭ  قاتارىنا ەندى. تابىستى وتكەن ەكى جاڭعىرۋ ارقىلى باعا جەتپەس تاجىريبە جيناقتادىق. ەلباسىمىزدىڭ قازاقستاندى دامىتۋدىڭ ءۇشىنشى جاڭعىرۋ بويىنشا جاساعان جولداۋى الەمدىك داعدارىس كەزىندە العا باتىل قادام باسۋعا باعىتتايتىن ساياسي قۇجات بولىپ تابىلادى», - دەدى اكىم. سونىمەن قاتار, ماجىلىستە اكىم وڭىرىمىزدە ەكسپورتقا باعىتتالعان كاسىپورىنداردىڭ سانىن ارتتىرۋ ماقساتىندا جەرگىلىكتى تاۋار وندىرۋشىلەردىڭ باسەكەلىك قابىلەتتىلىگىن جوعارلاتىپ, ءوڭىرىمىزدىڭ بۇگىنگى 1,1 ملرد. اقش دوللارىن قۇرايتىن ەكسپورتتىق اينالىمدى 2 ەسەگە ارتتىرۋ قاجەتتىگىن مىندەتتەدى. سونداي-اق, ايماق باسشىسى ەلباسىنىڭ جەكە جانە شەتەلدىك ينۆەستيتسيا كولەمىن ەكونوميكاداعى ۇلەسىن ارتتىرۋ تاپسىرماسى بويىنشا وبلىستا 14,5 پايىز كولەمىندەگى شەتەلدىك ينۆەستيتسيانى 2020 جىلعا دەيىن 25 پايىزعا ۇلعايتۋ قاجەتتىگىنە توقتالدى. «بۇل ءۇشىن بىزدەر ينۆەستورلارمەن تىعىز جۇمىس جۇرگىزىپ, ولارعا ءتيىمدى جاعدايلارلدى جاساۋىمىز قاجەت. اتالعان باعىتتا وڭىرىمىزدە ءتيىستى جۇمىستار ءوز دەڭگەيىندە اتقارىلىپ وتىر. اتاپ ايتقاندا, وبلىستىڭ بارلىق اۋداندارىندا  ينۆەستورلارمەن جۇمىس ىستەيتىن ارنايى موبيلدىك توپتار قۇرىلعان»,- دەپ مالىمدەدى ج.تۇيمەباەۆ. پرەزيدەنت جولداۋىنىڭ ورىندالۋ بارىسى تالقىلانعان جيىندا ايماق باسشىسى اگرارلى ءوڭىر وڭتۇستىك - ەكونوميكانىڭ جاڭا درايۆەرىنە اينالۋ ءبىز ءۇشىن ەرەكشە مىندەت ەكەنىن ايتتى. ياعني, وبلىس ەلىمىزدىڭ كوكونىس جانە باقشا ونىمدەرىن وندىرەتىن باستى جەتكىزۋشى بولۋى قاجەت. بۇگىنگى كۇنگە وبلىسىمىزدا جىلىجايلاردىڭ ۇلەسى رەسپۋبليكادا 87 پايىز كولەمدى قۇرايدى, سول سياقتى تامشىلاتىپ سۋارۋ, ينتەنسيۆتى باۋلار بويىنشا دا الدىڭعى قاتاردا. وسى ايتىلعان قارقىندى كورسەتكىشتەردى جوعارلاتۋ ماقساتىندا, وبلىس ديحانشىلارى وتاندىق الدىڭعى قاتارلى عىلىمي زەرتتەۋ ينستيتۋتتارىمەن تىعىز جۇمىس ىستەۋى قاجەت. بۇل ءۇشىن بىزدەر ۇساق شارۋا قوجالىقتاردى ىرىلەندىرىپ بىرىكتىرۋىمىز كەرەك»,- دەدى اكىم. ايتىلعان مىندەتتەر مەن ماقساتتاردى ورىنداي وتىرىپ, وڭتۇستىك قازاقستاننىڭ 2025 جىلعا دەيىن جالپى وڭىرلىك ءونىم كولەمىندەگى ۇلەسى 9 پايىزدان 15 پايىزعا ۇلعايتىلماق.