وڭتۇستىك قازاقستان وبلىسىندا ەلباسى نۇرسۇلتان نازارباەۆتىڭ بيىلعى جىلعى حالىققا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن تالقىلاۋعا ارنالعان وبلىس اكتيۆىنىڭ وتىرىسى ءوتتى. شاراعا وبلىس, اۋدان, قالالاردىڭ باسشىلارى, وبلىستىق ءماسليحات دەپۋتاتتارى, ۇكىمەتتىك ەمەس ۇيىم وكىلدەرى مەن جاستار ۇيىمدارى قاتىستى, دەپ حابارلادى وقو اكىمىنىڭ ءباسپاسوز قىزمەتى.
جيىندا وبلىس اكىمى جانسەيىت تۇيمەباەۆ بيىلعى جىلعى ستراتەگيالىق قۇجاتتىڭ مەملەكەتتىڭ وركەندەۋىنە نەگىز قالايتىنىن ايتا كەلە, ونىڭ ىشىندە ايماقتىڭ دامۋىنا جول اشاتىن باسىم باعىتتارعا كەڭىنەن توقتالدى.
ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا جاڭارۋ مەن جاڭعىرۋدىڭ داڭعىل جولىنا تۇسكەن قازاقستان شيرەك عاسىردىڭ ىشىندە بۇكىل الەمگە قۋاتتى, دامىعان, ىنتىماعى جاراسىپ, ىرىسى ارتقان مەملەكەت رەتىندە تانىلدى. ەندىگى كەزەكتە ءاربىر قازاقستاندىق وسى بەرەكە-بىرلىك پەن ساياسي تۇراقتىلىقتى ودان ءارى نىعايتىپ, ەلىمىزدىڭ ىرگەسىن بەكىتە ءتۇسۋى قاجەت.
«بيىلعى جولداۋ ەل ەكونوميكاسىن نىعايتۋمەن قاتار, حالىقتىڭ ءال-اۋقاتىن جاسقارتۋ بويىنشا جاڭا مىندەتتەر جۇكتەيدى. وسى ورايدا وڭىرىمىزدە ەكسپورتقا باعىتتالعان كاسىپورىنداردىڭ سانىن ارتتىرۋ ماقساتىندا جەرگىلىكتى تاۋار وندىرۋشىلەردىڭ باسەكەلىك قابىلەتتىلىگىن جوعارلاتىپ, وبلىسىمىزداعى 1,1 ملرد. اقش دوللارىن قۇرايتىن ەكسپورتتىق اينالىمدى 2 ەسەگە ارتتىرۋىمىز قاجەت. ەلباسىمىزدىڭ بىزگە ءاردايىم قوياتىن باستى تالابى - جەكە جانە شەتەلدىك ينۆەستيتسيا كولەمىنىڭ ەكونوميكاداعى ۇلەسىن ارتتىرۋ. وڭىرىمىزدەگى بۇگىنگى تاڭداعى 14,5 پايىز كولەمىندەگى شەتەلدىك ينۆەستيتسيانى 2020 جىلعا دەيىن 25 پايىزعا ۇلعايتۋىمىز كەرەك. بۇل ءۇشىن بىزدەر ينۆەستورلارمەن تىعىز جۇمىس جۇرگىزىپ, ولارعا ءتيىمدى جاعداي جاساۋعا ءتيىستىمىز. بۇگىننىڭ وزىندە وبلىستىڭ بارلىق وڭىرلەرىندە ينۆەستورلارمەن جۇمىس ىستەيتىن ارنايى موبيلدىك توپتار قۇرىلعان»,- دەدى جانسەيىت قانسەيىت ۇلى.
ەلباسىمىزدىڭ بيىلعى جولداۋىندا بيزنەس-ورتانى تۇبەگەيلى جاقسارتۋ جانە كەڭەيتۋ, ەلىمىزدە ينۆەستيتسيالىق كليماتتى نىعايتۋ, جاپپاي كاسىپكەرلىكتى قولداۋ تەتىكتەرىن ودان ءارى جەتىلدىرۋ كەرەكتىگى سونىڭ ىشىندە وتباسىلىق كاسىپكەرلىكتى دامىتۋ باعىتىندا كەشەندى شارالار جۇرگىزۋ قاجەتتىگىن باسىمدىق بەرىلىپ وتىر. بۇل تۇرعىدا وڭىردە دامىعان ەلدەردىڭ وزىق ستاندارتتارى مەن تاجىريبەسىن ەنگىزۋ ارقىلى جۇيەلى جۇمىستاردى قولعا الىنۋى قاجەتتىگى ناقتىلاندى.
بۇدان بولەك, وڭىرىمىزدەگى اگرارلىق سەكتوردى دامىتىپ, ەكسپورتتىق ءونىم كولەمىن ارتتىرۋ مىندەتى جۇكتەلىپ وتىر. سوندىقتان ءبىرىنشى كەزەكتە وبلىستاعى ءىرى كانالداردى قالپىنا كەلتىرىپ, سۋارمالى جەرلەردىڭ كولەمىن 900 مىڭ عەكتارعا جەتكىزۋىمىز قاجەت. مىنە, وسى ايتىلعان مىندەتتەر مەن ماقساتتاردى ورىنداي وتىرىپ, بىزدەر 2025 جىلعا وبلىسىمىزدىڭ جالپى وڭىرلىك ءونىم كولەمىندەگى ۇلەسىن 9 پايىزدان 15 پايىزعا ۇلعايتا الامىز.
كەڭەستە ەلباسى جۇكتەگەن مىندەتتەردى جۇزەگە اسىرۋدىڭ باعىتتارى بەلگىلەندى. اتاپ ايتساق, ءىت سالاسىن دامىتۋ, اگرارلى-يندۋستريالدى ايماقتا يننوۆاتسيالىق يندۋستريالاندىرۋ ترەندىن ءتۇزۋ جانە كۇشەيتە تۇسۋگە باسا نازار اۋدارىلدى. ونەركاسىپ, اگروونەركاسىپتىك كەشەن, كولىك پەن لوگيستيكا, قۇرىلىس سەكتورى جانە باسقا سالالار جۇمىستارىن جانداندىرۋ نەگىزگە الىندى.
كەلەلى كەڭەستە ءسوز العان م. اۋەزوۆ اتىنداعى وقمۋ حالىقارالىق قاتىناستار جانە ساياساتتانۋ كافەدراسىنىڭ مەڭگەرۋشىسى ساكەن ماجىنبەكوۆ ەلباسى جولداۋىنداعى ساياسي ۇتىمدى ۇسىنىستار مەن باسىم باعىتتاردى اتاپ ءوتتى. ال, وبلىستىق ءماسليحات دەپۋتاتى ومىرزاق مەلدەحانوۆ جولداۋدا ايتىلعان بىرنەشە باسىم باعىتتاردى تىلگە تيەك ەتتى. سونداي-اق, جيىندا وبلىستىق وزبەك ەتنومادەني ورتالىعىنىڭ توراعاسى يكرام حاشيمجانوۆ, وبلىستىق «اتامەكەن» كاسىپكەرلەر پالاتاسىنىڭ توراعاسى اسقار ابۋباكىروۆتەر ءسوز الىپ, ەلباسى جولداۋىنىڭ ۇتىمدى ۇسىنىستارى تۋرالى پىكىرلەرىن ورتاعا سالدى.
جيىن سوڭىندا جولداۋدى حالىققا ءتۇسىندىرۋ جانە ىسكە اسىرۋ شارالارىن بەكىتكەن قارار قابىلداندى. ەندى ۇگىت-ناسيحات توپتارى حالىق اراسىندا جولداۋدى كەڭىنەن ءتۇسىندىرۋ جۇمىستارىن جۇرگىزەدى.
