بيىلعى جولداۋ – مازمۇنى ەرەكشە قۇجات

پارلامەنت سەناتىنىڭ توراعاسى قاسىم-جومارت توقاەۆ جوعارعى پالاتانىڭ بيۋرو وتىرىسىندا پرەزيدەنت نۇرسۇلتان نازارباەۆتىڭ قازاقستان حالقىنا جولداۋىن ىسكە اسىرۋعا بايلانىستى بىرقاتار مىندەتتەردى العا قويدى, دەپ حابارلادى سەناتتىڭ ءباسپاسوز قىزمەتى. ق.توقاەۆ مەملەكەت باسشى­سىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جول­داۋى ءوزىنىڭ مازمۇنى جاعىنان ەرەكشە قۇجات ەكەنىن اتاپ ءوتتى. توراعا جول­داۋدى «ەكونوميكانى قۇرى­لىمدىق جاڭار­تۋدىڭ نەگىز­گى باعىتتارى ءدال, ءارى جان-جاق­تى كورىنىس تاپقان, ۇكىمەت, پار­لامەنت جانە جالپى قوعام­عا ارنالعان جول كارتاسى», دەپ اتاپ ءوتتى. سەنات توراعاسى دەپۋ­تات­تاردىڭ ال­دىنا جولداۋدى ىسكە اسىرۋ ءجونىن­دە ماڭىزدى ءمىن­دەتتەر قويدى. ءبىرىن­شى مىندەت – دەپۋتاتتاردىڭ 2-10 اقپان­داعى ايماقتارعا ساپارى بارىسىندا, جۇرتشىلىققا قۇجاتتىڭ نەگىزگى ەرە­جەلەرىن ءتۇسىندىرۋ بولىپ تابىلادى. توراعانىڭ پىكىرىنشە, جولداۋدى زاڭ­نا­مالىق قامتاماسىز ەتۋ تۇر­عى­سىنان سەناتورلارمەن اڭگى­مەلەسۋ جۇرتشىلىق ءۇشىن وتە پايدالى بولادى. توراعا جولداۋدا بەل­گى­لەنگەن با­سىم­دىقتار بويىنشا پالاتا جۇمىسىنىڭ جوسپارىن ءۇي­لەستىرۋدى  ەكىنشى مىندەت رەتىن­دە اتاپ ءوتتى. بيزنەس قۇقىق­تارى مەن مۇددەلەرىن زاڭنا­ما­لىق تۇرعىدا قامتاماسىز ەتۋگە جانە وسى سالاداعى «اتامەكەن» ۇلتتىق كاسىپكەرلەر پالاتاسى مەن مەملەكەتتىك ءوزارا ءىس-قيمىلىنا ارنالعان, 24 اقپانعا جوسپارلانعان پارلامەنتتىك تىڭداۋعا ەرەكشە نازار اۋدارىلادى. «بۇل تىڭداۋدىڭ تاقى­رىبىنىڭ وزىندە پرە­زي­دەنتتىڭ جول­داۋىندا ايتىلعان ءمىن­دەتتەر تولىق كو­لەمدە كورى­نىس تاۋىپ وتىر. شارا كەزىن­دەگى ۇسى­نىمدار مەن سويلەنەتىن ءسوز­­دەر جولداۋدىڭ نەگىزگى ماسە­لە­لەرىن ىسكە اسىرۋ تۇرعى­سىنان ەگجەي-تەگجەيلى پى­سىق­تاۋ قاجەت بولادى», – دەدى ق.توقاەۆ. ءۇشىنشى مىندەت – قۇجاتتى ىسكە اسىرۋدى زاڭنامالىق تۇر­عىدا قامتاماسىز ەتۋ. «بۇل جول­داۋدا كاسىپكەرلىكتى قولداۋ, بيز­نەس-قوعامداستىقتاردى ودان ءارى دامىتۋ ءۇشىن قاجەتتى جاع­داي جاساۋ تۋرالى كوپ ايتىلادى. قازىرگى زاڭنامانى تال­داۋعا جانە ۇكىمەتپەن باي­لا­نىسقا ءدال وسى تۇرعىدان قاراۋ كەرەك», – دەدى سەنات ءتور­اعاسى. ق.توقاەۆ دەپۋتاتتار جۇ­مى­سىنىڭ نەگىزگى باعىتتارىن بەلگىلەدى. پرەزيدەنت جىلدىڭ سوڭىنا دەيىن جەر قويناۋى تۋرالى جاڭا كودەكس قابىلداۋدى جانە سالىق زاڭناماسىنا تۇزە­تۋ­لەر ەنگىزۋدى تاپسىردى. سون­داي-اق, بانك سەكتورىن ساۋىق­تىرۋ مەن كورپوراتيۆتىك باسقا­رۋدى جاقسارتۋ جونىندەگى شارا­لار زاڭ­نامالىق تۇردە بەكەم­دەۋدى تالاپ ەتەدى. ودان باسقا, اكىمشىلىك جانە قىلمىستىق زاڭنامانى ىزگىلەندىرۋ قاجەت. جولداۋدىڭ ماڭىزدى تۇجى­رىم­دارى قاتارىندا توراعا مەملەكەت باس­شى­سىنىڭ «ءبىز جەكەمەنشىكتى قورعاۋعا, قۇقىق ۇستەمدىگىنە جانە بارشانىڭ زاڭ الدىندا تەڭدىگىن قامتاماسىز ەتۋگە با­عىتتالعان رەفورمالار جۇرگىزۋدەمىز», دەگەن ءسوزىن ەرەكشە اتاپ ءوتتى. «پرەزيدەنت جولداۋىندا العا قويىل­عان مىندەتتەردى ۇتىمدى ىسكە اسىرۋ ءۇشىن بىزگە, دەپۋتاتتارعا بۇل جۇمىسقا شى­عار­ماشىلىقپەن ءارى ىسكەر­لىكپەن كىرىسۋ كەرەك», – دەپ اتاپ ءوتتى ق.توقاەۆ.