پرەزيدەنت نۇرسۇلتان نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»
اتتى قازاقستان حالقىنا جولداۋىن قولداۋ تۋرالى قازاقستان حالقى اسسامبلەياسىنىڭ
ۇندەۋى
قۇرمەتتى وتانداستار! پرەزيدەنت نۇرسۇلتان ءابىش ۇلى نازارباەۆتىڭ قازاقستان حالقىنا اسا ماڭىزدى جولداۋى جاريالاندى. مەملەكەت باسشىسى كۇن تارتىبىنە قازاقستاننىڭ ءۇشىنشى جاڭعىرۋى جونىندە مىندەت قويدى. ماقساتى – ەلدىڭ جاھاندىق ءباسەكەگە قابىلەتتىلىگىن قامتاماسىز ەتۋ, ەكونوميكالىق ءوسىمنىڭ جاڭا مودەلىن قۇرۋ. مەملەكەت باسشىسى, «بۇل جاڭعىرۋ – قازىرگى جاھاندىق سىن-قاتەرلەرمەن كۇرەس جوسپارى ەمەس, «100 ناقتى قادام» ۇلت جوسپارى نەگىزىندە «قازاقستان-2050» ستراتەگياسىنىڭ ماقساتتارىنا, بولاشاققا باستايتىن سەنىمدى كوپىر» دەدى. پرەزيدەنتتىڭ جولداۋى قازاقستاننىڭ ءاربىر ازاماتىنىڭ ءومىر ساپاسىن ارتتىراتىنى ءسوزسىز! پرەزيدەنت ءۇشىنشى جاڭعىرۋدىڭ نەگىزگى بەس باسىمدىعىن ايقىنداپ بەردى – ەكونوميكانىڭ جەدەلدەتىلگەن تەحنولوگيالىق جاڭعىرۋى; ءداستۇرلى بازالىق سالالاردى دامىتۋعا سەرپىن بەرۋ; ەڭبەك نارىعىن جاڭعىرتۋ, ماكروەكونوميكالىق تۇراقتىلىق; ادامي كاپيتال ساپاسىن جاقسارتۋ; ينستيتۋتسيونالدىق وزگەرىستەر, قاۋىپسىزدىك جانە سىبايلاس جەمقورلىقپەن كۇرەس. بۇل باسىمدىقتار ەكونوميكانىڭ الەمدىك ءوسىمىنىڭ ورتا دەڭگەيدەن جوعارى قارقىنىن جانە 30 وزىق ەلدىڭ قاتارىنا قاراي ىلگەرىلەۋدى قامتاماسىز ەتەدى. بۇل ماقساتتارعا جەتۋ ءۇشىن «قازاقستاننىڭ ۇلتتىق تەحنولوگيالىق باستاماسى» دەپ اتالاتىن دامۋدىڭ 2025 جىلعا دەيىنگى ستراتەگيالىق اۋقىمدى جوسپارى ازىرلەنەدى. حالىقتىڭ تۇرمىسىنا «تسيفرلىق قازاقستان», IT-ستارتاپتاردىڭ حالىقارالىق تەحنوپاركى سياقتى يننوۆاتسيالار قولدانىسقا ەنگىزىلەدى. ۇكىمەتتىڭ الدىنا 2025 جىلعا قاراي شيكىزاتتىق ەمەس ەكسپورتتى 2 ەسەگە ۇلعايتۋ مىندەتى قويىلدى. قازاقستاننىڭ اگروونەركاسىبى ەۋرازيا كونتينەنتىنىڭ «نان كارزەڭكەسىنە» اينالادى, 5 جىل ىشىندە 500 مىڭنان استام جەكە ءۇي شارۋاشىلىقتارى مەن شاعىن فەرمەرلەر كووپەراتيۆتەرگە بىرىكتىرىلەدى, سۋارمالى ەگىس الاڭدارى 5 جىل ىشىندە 40%-عا ارتىپ, 2 ميلليون گەكتارعا جەتەدى. ەڭبەك نارىعى جاڭعىرتىلىپ, جۇمىس كۇشى ارتىق وڭىرلەردەن باسقا جەرلەرگە, سونداي-اق, اۋىلداردان قالالارعا جۇمىس كۇشىن ۇتىمدى تارتۋعا قولداۋ كورسەتىلەدى. بيزنەس-ورتانى تۇبەگەيلى جاقسارتۋ جانە كەڭەيتۋ جۇزەگە اسىرىلادى, ەلدىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسى 2050 جىلعا قاراي كەم دەگەندە 50% بولۋى قامتاماسىز ەتىلەدى, ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى ىسكە اسىرىلادى. مەملەكەتتىڭ ەكونوميكاداعى ۇلەسى ىشكى جالپى ءونىمنىڭ 15%-ىنا دەيىن, ەكونوميكالىق ىنتىماقتاستىق جانە دامۋ ۇيىمى (ەىدۇ) ەلدەرى دەڭگەيىنە دەيىن تومەندەتىلەدى, «سامۇرىق-قازىنا» حولدينگىن ساپالى تۇردە ترانسفورماتسيالاۋ ءىسى جۇزەگە اسىرىلادى, مەملەكەت-جەكەمەنشىك سەرىكتەستىگى اياسىن كەڭەيتۋگە زور مۇمكىندىك بەرىلەدى. ءبىلىم بەرۋ ادامي كاپيتالدىڭ ساپاسىن جاقسارتۋ اياسىندا ەكونوميكالىق ءوسۋدىڭ جاڭا مودەلىنىڭ ورتالىق بۋىنىنا اينالادى, «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى ىسكە اسىرىلا باستادى. ءۇش ءتىلدى قوعامنىڭ نەگىزگى ءىرگەتاسى رەتىندە مەملەكەتتىك ءتىلدى دامىتۋعا تىڭ سەرپىن بەرىلەدى. الەۋمەتتىك قامسىزداندىرۋ سالاسىندا 2,1 ميلليون زەينەتكەر ءۇشىن زەينەتاقى 20%-عا دەيىن, ال 2018 جىلدان باستاپ بازالىق زەينەتاقى 1,8 ەسەگە ارتادى, سونداي-اق, بالا تۋىلعاندا بەرىلەتىن ءبىر رەتتىك جاردەماقى كولەمى 20%-عا وسەدى, ەڭ تومەنگى كۇنكورىس شەگى دە قايتا قاراستىرىلادى, دەنساۋلىق ساقتاۋدىڭ جاڭا مودەلى ەنگىزىلەدى. قازاقستان حالقىنىڭ قاۋىپسىزدىگىن قامتاماسىز ەتۋ ءۇشىن ءدىني ەكسترەميزم مەن تەرروريزمگە قارسى ارەكەت جونىندەگى 2017-2020 جىلدارعا ارنالعان جاڭا مەملەكەتتىك باعدارلاما دايىندالادى, «قازاقستان كيبەرقالقانى» جۇيەسى قالىپتاستىرىلادى. مەملەكەت باسشىسى قازاقستاننىڭ جاس, كوپۇلتتى, بولاشاعىنا سەنىمدى جانە قارقىندى دامىپ كەلە جاتقان مەملەكەت ەكەنىن, ءبىزدىڭ باستى كۇشىمىز – بىرلىكتە ەكەنىن ەرەكشە اتاپ ءوتتى! قازاقستان حالقى اسسامبلەياسى قازاقستاندى ءۇشىنشى جاڭعىرتۋ يدەياسىن تولىق قولدايدى! ءبىز ۇنەمى العا جىلجي جانە ۇلى ماقساتتاردى ىسكە اسىرا وتىرىپ, ماڭگىلىك ەلدىڭ بەرىك ىرگەتاسىن بىرگە قالايمىز! بولاشاعى ءبىرتۇتاس ەل ءبىزدىڭ ماقساتتارىمىزدىڭ, قۇندىلىقتارىمىزدىڭ بىرلىگىمەن, قوعامدىق كەلىسىمنىڭ كۇشىمەن قالىپتاسادى. قازاقستاننىڭ ءۇشىنشى جاڭعىرۋى ساياسي كونستيتۋتسيالىق رەفورمانىڭ قيسىندى جالعاسى بولىپ تابىلادى, ەلدى دەموكراتيالاندىرۋدىڭ سەنىمدى ىرگەتاسى, مەملەكەتتىڭ, قوعامنىڭ, قازاقستاننىڭ كوپۇلتتى حالقىنىڭ جاھاندىق تاريحي اۋقىمداعى ەكونوميكالىق جانە ساياسي دامۋىن سينحروندايدى. ءۇشىنشى جاڭعىرۋ – قازاقستان دامۋىنىڭ الدىڭعى ونجىلدىقتارعا ارنالعان باعدارلاماسى, بۇل – قازاقستاندىق بىرەگەيلىك پەن ءبىرلىكتى نىعايتۋ مەن دامىتۋدىڭ ەكونوميكالىق جانە الەۋمەتتىك الگوريتمى. تۇراقتىلىق, بىرلىك جانە كەلىسىم – قازاقستان دامۋىنىڭ نەگىزى, ءۇشىنشى جاڭعىرۋدىڭ نەگىزى. قازاقستان حالقى اسسامبلەياسى ۇلى دالا ەلىنىڭ بارشا حالقىن قازاقستاننىڭ ءۇشىنشى جاڭعىرۋىنىڭ بىرىڭعاي الەۋمەتتىك درايۆەرى بولۋعا شاقىرادى. ءبىزدىڭ ورتاق جەتىستىگىمىز ءار ازاماتتىڭ كۇش-جىگەرىنە, جوعارى ازاماتتىق بورىشى مەن جاۋاپكەرشىلىگىنە بايلانىستى. ءبىز قازاقستان حالقىن, ءبىزدىڭ ءبىرلىگىمىزدى, ءبىزدىڭ ورتاق ازاماتتىق باستاۋلارىمىزدى جانە ءبىزدىڭ اسىل قاسيەتتەرىمىز – جاۋاپكەرشىلىك, ەڭبەكقورلىق, سەنىم, اشىقتىق جانە ءوز كۇشىمىزگە دەگەن سەنىمدىلىكتى نىعايتۋعا شاقىرامىز. ءبىزدىڭ بالالارىمىز ءۇشىن, ءبىرتۇتاس بولاشاعىمىز, حالقىمىزدىڭ ءوسىپ-وركەندەۋى مەن باقىتى ءۇشىن قاجەتتى ءۇشىنشى جاڭعىرتۋ باعدارلاماسىندا ءاربىر ازامات ءوز ورنىن تاباتىنى ءسوزسىز. العا, قازاقستان! قازاقستان حالقى اسسامبلەياسىنىڭ كەڭەسى 2017 جىلعى 31 قاڭتار, استانا ق.
