باستى نەگىزدەمە – جاڭا ەكونوميكالىق ءوسىم

مۇحتار قۇل-مۇحاممەد «نۇر وتان» پارتياسىنىڭ وبلىستىق فيليالدارى مەن قۇرىلىمدىق بولىمشەلەرىنىڭ باسشىلارىمەن كەڭەيتىلگەن وتىرىس وتكىزدى. بۇل باسقوسۋ ەلباسىنىڭ قازاقستان حالقىنا جولداۋىنا ارنالدى. «نۇر وتان» پارتياسى توراعاسىنىڭ ءبىرىنشى ورىن­باسارى ەلباسى جاڭا سترا­تەگياسىنىڭ باستى باسىم­دىعى ساپالى جاڭا ەكو­نو­ميكالىق ءوسىمنىڭ نەگىزىندە ۇلتتىڭ زياتكەرلىك دامۋى ەكەنىنە توقتالدى. اتالعان فاكتور جاڭعىرۋدىڭ بەس نەگىزگى باسىمدىقتارىنىڭ ءىر­گەتاسى بولىپ تابىلادى. ول – ەكونوميكانىڭ جە­­دەل­­دەتىلگەن تەحنو­لو­گيا­­لىق جاڭعىرۋى, ادامي كاپيتالدىڭ ساپاسىن جاق­سارتۋ جانە ينستي­تۋ­تسيو­نال­دىق وزگەرىستەر. دامۋ­دىڭ بۇل باعىتتارى قازاق­ستاندىق ەكونوميكا قار­قىنىنىڭ ءوسۋىن ورتاشا الەمدىك دەڭگەيدەن جوعارى­لاتىپ, قازاقستاننىڭ جەتەكشى 30 ەلدىڭ قاتارىنا قاراي تۇراقتى ىلگەرىلەۋىن قامتاماسىز ەتۋى ءتيىس. «پرەزيدەنت جاريا ەتكەن ءۇشىنشى جاڭعىرۋ – ەلى­مىزدىڭ جاھاندىق باسەكەگە قا­بى­لەتتىلىگىن قامتاماسىز ەتە­تىن, قازاقستاننىڭ ەكونو­ميكالىق ءوسىمىنىڭ جاڭا ءۇل­گى­سىن قۇرۋداعى سىندارلى پاراد­يگماسى», – دەگەن مۇح­تار قۇل-مۇحاممەد, ەلبا­سى­نىڭ حالىققا جولداۋ­ىن­­داعى قويىلعان بارلىق ءمىن­دەتتەردىڭ ساپالى, ۋاقى­تىندا جانە تابىس­تى ورىن­دالۋىنىڭ بۇكىل ەلىمىز, ءار وتباسى, بارلىق قازاقستان­دىقتار ءۇشىن جاڭا مۇمكىن­دىكتەر اشاتىنىن اتاپ ءوتتى. اتاپ ايتساق, «نۇرلى جەر» باعدارلاماسى وسى ايتىلعان سوزدەرىمىزدىڭ ايقىن دالەلى بولا الادى. الداعى 15 جىل­دىڭ ىشىندە ول 1,5 ميلليون وتباسىن تۇرعىن ۇيمەن قام­­تاماسىز ەتۋى ءتيىس. ياعني, كەلە­­شەكتە كەم دەگەندە 5-6 ميل­ليون ادام باسپانالى بو­لادى. «بۇگىنگى كۇندەگى «نۇر وتان» پارتياسىنىڭ جانە ءار­بىر نۇروتاندىقتىڭ ءبىرىن­شى جانە باستى مىندەتى – مەم­لەكەت باسشىسى جول­­- داۋىنىڭ سىندارلى, جا­سام­­پاز جانە بىرىكتىرۋشى ءمانىن قازاقستاندىقتارعا جەت­­كى­زۋ», دەپ تۇيىندەدى ءسوزىن «نۇر وتان» پارتياسى ءتور­اعا­­سىنىڭ ءبىرىنشى ورىنباسارى. كەڭەيتىلگەن وتىرىستىڭ قورىتىندىسى بويىنشا مۇح­تار قۇل-مۇحاممەد پارتيا­نىڭ قۇرىلىمدىق ءبولىم­شەلەرى مەن ايماقتىق فيليال­دارىنىڭ باسشىلارىنا ەل كوشباسشىسى بەلگى­لەپ بەرگەن ەكونوميكالىق وزگە­رىس­تەردىڭ جاڭا باعىتى­نىڭ حالىقتىق تالقىلاۋىن قام­تاماسىز ەتۋگە تاپسىرما بەردى. قازىرگى كەزدە قازاقستان بويىنشا «نۇر وتان» پارتيا­سى بەلسەندىلەرىنىڭ حالىق­پەن پرەزيدەنت جولداۋىنا ار­نالعان بۇقارالىق كەزدە­سۋلەرىنىڭ باستالىپ كەتكەنىن اتاپ وتكەن ءلازىم. ءلايلا ەدىلقىزى, «ەگەمەن قازاقستان»