ەلىمىزدىڭ ەڭ نەگىزگى دامۋ ۆەكتورلارىن ايقىنداعان

مەملەكەت باسشىسىنىڭ جولداۋى قازاقستاننىڭ بولاشاق دامۋىندا ماڭىزدى رولگە يە. ەل ۇكىمەتى پرە­زيدەنت جولداۋىن باسشى­لىققا الىپ, ەكونوميكانى ودان ءارى جاڭعىرتۋدا جانە جاڭا تەحنولوگيالىق تالاپتارعا وراي قوعامدى دامىتۋدا جاڭا تابىستارعا قول جەتكىزۋى ءتيىس. بۇگىندە كومىرسۋتەگى شيكى­زاتىنا جوعارى سۇرانىس السىرەڭكىرەپ, جاسىل تەحنولوگيالاردىڭ دامۋى باس­تالدى. الەم ۇلكەن تەحنولوگيالىق وزگەرىستەر قارساڭىندا تۇر, الداعى ۋاقىتتا ول قوعامنىڭ بارلىق قاتپارىن قامتىپ, ءومىرىمىزدىڭ بارلىق سالالارىنا ىقپال ەتەدى. ساراپشىلاردىڭ كوپشىلىگى بۇل وزگەرىستەر تەحنولوگيالار ينتەگراتسياسىمەن جانە فيزيكالىق, تسيفرلىق, بيولوگيالىق سالالاردىڭ بىرىگۋىمەن ەرەكشەلەنەتىن ءتورتىنشى ونەركاسىپتىك رەۆوليۋتسياعا الىپ كەلەدى دەگەن پىكىردە. مۇنداي جاعدايدا ءبىز قازاقستاندى جاڭا الەمدىك شىنايىلىققا بەيىمدەۋىمىز كەرەك. بۇگىندە وتاندىق ەكونوميكانىڭ باسەكەگە قابىلەتتىلىگىن ارتتىرۋ, باسەكەگە قابىلەتتى سالالاردى ودان ءارى جەتىلدىرۋ, ءسويتىپ, ءوسىم درايۆەرلەرىن قالىپتاستىرا وتىرىپ, ەلدىڭ ءۇشىنشى ەكونوميكالىق جاڭعىرۋى باستى نازارعا يە. جولداۋدا كورسەتىلگەن بارلىق بەس با­سىم­دىق الداعى جىلداردا ەلىمىز­دىڭ  باستى دامۋ ۆەكتورى بولادى دەپ ويلايمىن. ءبىرىنشى باسىمدىق – ەكو­­­نوميكانىڭ جەدەل تەح­نولوگيالىق جاڭعىرتىلۋىنا توقتالار بولساق, جۇيەلى ءارى تەرەڭ ءوز­گەرىستەر پايدا بولعان سوڭعى ونجىلدىقتا الەمدىك ەكونوميكادا جاڭا تەحنولوگيالاردىڭ دامۋى باستى رولگە يە بولدى. ءتورتىنشى ونەر­كاسىپتىك رەۆوليۋتسيانىڭ «قوزعاۋشى كۇشى» بولعان ينتەرنەت تەحنولوگيالارىن دامىتۋ جاھاندىق دەڭگەيگە شىقتى. جاڭا تەحنولوگيالار ادام ەڭ­بە­گىن جەڭىلدەتىپ, ەڭبەك ونىمدىلىگىن ارت­تىرۋعا, شىعىنداردى ازايتۋعا اسەر ەتەدى. قورشاعان ورتانىڭ لاستانۋىن, ەكونوميكانىڭ ەنەرگيا سىيىمدىلىعىن ازايتادى, رەسۋرستاردىڭ تيىمدىلىگىن ارتتىرادى. دامىعان ەلدەردە جاڭا ءداستۇرلى ەنەرگيا كوزدەرىنە يەك ارت­قان وندىرىستەردىڭ ازايۋى, «جاسىل» تەح­نولوگيالارعا سۇرانىستىڭ ءوسۋى سىندى قۇبىلىستار بايقالادى. سوندىقتان «تسيفرلىق قازاقستان» باعدارلاماسىن ازىرلەۋ جانە قابىلداۋ جاھاندىق تالاپتارعا بەرگەن جاۋابىمىز دەپ قابىلداعان ءجون. ەكىنشى باسىمدىق بيزنەس-ورتانىڭ تۇبەگەيلى جاقسارۋى جانە كەڭەيۋىنە قاتىستى. جالپى, الەمدەگى 30 دامىعان ەلدىڭ ونەركاسىپ ءوندىرىسىنىڭ نەگىزگى ۇلەسى شاعىن جانە ورتا بيزنەسكە تيەسىلى ەكەن. الەمدىك قوعامداستىقتىڭ ءبىر بولىگى رەتىندە  بۇل سەكتورعا كوڭىل ءبولىنۋى, ءسوز جوق,  كوكەيگە قونىمدى. ءۇشىنشى باسىمدىق – ماكروەكو­نو­ميكالىق تۇراقتىلىق. ەل ەكونومي­كاسىن قايتا جۇكتەۋ ەكونوميكانى قارجىلاندىرۋ ءۇشىن شەت ەل كاپيتالىن تارتۋ ءۇردىسىن ساقتاۋعا جانە كوبەيتۋگە مۇمكىندىك بەرەدى. بۇل الدىنعى قاتارلى تەحنولوگيالاردىڭ قوسىمشا ترانسفەرتىن قامتاماسىز ەتەدى. ءتورتىنشى – ادامي كاپيتال ساپاسىن جاقسارتۋدى نەگىزگى باسىمدىق دەپ قابىلداپ, ونىڭ دامۋىن ءجىتى نازاردا ۇستاۋ قاجەت. دامىعان ەلدەردىڭ بارلىعى ادامي كاپيتالدىڭ ساپاسىن ارتتىرۋعا باسىمدىق بەرەدى. قازاقستان دا «ساپالى ءبىلىم – ەكونوميكانىڭ قوزعاۋشى كۇشى» دەگەن قاعيدا بويىنشا, بىلىمگە ينۆەستيتسيا سالۋى كەرەك. بەسىنشى باسىمدىققا كەلەر بولساق, بۇل ورايدا قولعا الىناتىن رەفورمالار ەكونوميكاداعى تۇراقسىزدىقتى جويۋعا مۇمكىندىك بەرەدى.  سونىمەن قاتار, سىبايلاس جەمقورلىقپەن كۇرەس ەكونوميكالىق وسىمگە وڭ ىقپال ەتەتىن باستى فاكتورلاردىڭ ءبىرى سانالادى. قورىتا ايتقاندا, ەلباسىنىڭ قا­زاق­ستان حالقىنا جولداۋى مەملەكەتتىڭ الەۋمەتتىك جانە ەكونوميكالىق ءمىن­دەت­­تەرىنىڭ ودان ءارى تابىستى شەشىلۋىن قام­تاماسىز ەتەدى. سەرجان ماديەۆ, «ەكونوميكالىق زەرتتەۋلەر ينستيتۋتى» اق توراعاسى