ىسكەرلەر ءۇشىن كەرەمەت مۇمكىندىك

ەلباسىمىزدىڭ جول­داۋ­لارى ءوزىنىڭ جۇيەلىلىگىمەن ەرەكشەلەنەدى. بيىلعى جولداۋ ەل دامۋىنداعى ۇلكەن ءبىر جوسپاردىڭ كەزەكتى ايتۋلى ساتىسىن مەڭزەيدى. پرەزيدەنت ونى «قازاقستاننىڭ ءۇشىنشى جاڭعىرۋى» دەپ اتادى. جولداۋدىڭ نەگىزگى باعىتى – ەكو­نوميكالىق ءوسىم. ويتكەنى, قازاقستان زامان كوشىنەن قالماۋى ءتيىس. بيزنەستە, ونەركاسىپتە, اۋىل شارۋاشىلىعىندا جوعارى تەحنولوگيالاردى ەنگىزۋ, ولاردى يگەرۋ, سونداي-اق, ساندىق سالادا ءوز ستارتاپ­تارىمىزدى دامىتۋعا جاعداي جاساۋ تاپسىرىلدى. بۇل ورايدا, ەندى تۇتاستاي مەملەكەتتىك باعدارلاما دا قابىلدانادى, حالىقارالىق تەح­نو­پارك­­تەر دە قۇرىلادى. مەملەكەت باسشىسى ەلدىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسىن 2050 جىلعا قاراي كەم دەگەندە 50 پايىزعا جەتكىزۋدى ستراتەگيالىق ماقسات ەتىپ قويدى. وسىنداي بيىك ماقساتقا جەتۋدىڭ جوس­پارىن دا قولمەن قويعانداي ەتىپ, تاراتىپ ايتىپ بەردى. ەندى كاسىبىن ءدوڭ­گە­لەت­كىسى كەلەتىن كەز كەلگەن جان اۋىلدىق جەردە بولسا دا 16 ميل­ليون تەڭگەگە دەيىن نەسيە الا الادى. بۇل كەرەمەت ءمۇم­كىندىك دەپ ويلايمىن. بيزنەس­تىڭ دامۋىنا زيا­نىن تي­گى­زىپ وتىرعان اكىمشىلىك كەدەر­گىلەر­دى جويىپ, نورمالاردى رەتتەۋ دە «اتا­مەكەن» ۇلتتىق كاسىپكەرلەر پالاتاسىنا تاپسىرىلدى. ءبىزدىڭ قازاقستان باعىت العان الەمنىڭ ەڭ دامىعان 30 ەلى – ەكونوميكاسى مەن الەۋمەتتىك سالاسى مىقتى مەملەكەتتەر. وسىعان بايلانىستى ەلباسىنىڭ ءدال وسى ەكونوميكالىق دامۋدىڭ قوزعاۋشى كۇشى – شاعىن جانە ورتا بيزنەستى وركەندەتۋگە كوڭىل ءبولۋى وتە دۇرىس. سەبەبى, ەكونوميكامىز مىقتى, باسەكەگە قابىلەتتى بولعاندا عانا, ءبىز الەۋمەتتىك سالانى دا ءتيىستى دەڭگەيگە كوتەرە الامىز. پرەزيدەنت بيىلعى جولداۋىندا دا الەۋمەتتىك سالاعا تۇتاستاي ءبىر با­سىم­دىقتى ارناپ وتىر. سول ءتورتىنشى باسىمدىق ادامي كاپيتال ساپاسىن جاقسارتۋ دەپ اتالعان. بۇل باسىمدىق اتالعان سالانى جان-جاقتى قامتىعان. دەي­تۇرعانمەن, مەنىڭ ويىمشا, ول – الەۋ­مەتتىك قامتاماسىز ەتۋ سالاسىن دامىتۋ. ەشكىمگە دە قۇپيا ەمەس, قارجىلىق داعدارىس, الەمدىك ۆاليۋ­تالىق قور ساياساتى, مۇناي باعاسى سىن­دى فاكتورلار سالدارىنان دۇنيە ءجۇزىن­دە ينفلياتسيا كورسەتكىشى جىلدا ءوسىپ وتىر. ءبىز دە عالامدىق نارىقتىڭ ءبىر ءبول­شەگى بولعاندىقتان, وسى ءوز­گە­رىس­تىڭ «سۋىعىنان» تىسقارى قالماي­مىز. بىراق الەۋمەتتىك سالانىڭ تولەم­دەرى وسىمىنە ينفلياتسيانىڭ تيگى­زە­تىن اسەرى مەيلىنشە تومەندەتىلدى. سەبە­بى, ءبىزدىڭ ەلىمىزدە زەينەتاقى مەن ءجار­دەم­اقى جانە باسقا دا تولەمدەر كولەمى ءمۇم­كىندىككە قاراي جىلدا ءوسىپ وتىرادى. بۇل ءۇردىس بيىل دا جالعاسىن تاپ­قان. مۇحتار مانكەەۆ, «قازاقستان-2050» جالپىۇلتتىق قوزعالىسى كەڭەسىنىڭ توراعاسى