جولداۋ جاۋاپكەرشىلىگى جۇكتەلدى

ۇكىمەت ەلباسىنىڭ بيىلعى جول­داۋىن جۇزەگە اسىرۋعا كىرىسىپ تە كەتتى. مينيستر­لىكتەر وزدەرىنە تيەسىلى ءمىن­دەتتەردى ءبولىسىپ, ءتيىستى تاپسىر­مالارىن الدى.   كەشە پرەمەر-مينيستر باقىت­­جان ساعىن­تاەۆتىڭ توراعا­لى­عىمەن وتكەن ۇكىمەت وتىرى­­سىندا جولداۋداعى تاپسىرما­لار جايى تال­قىلاندى. ب.ساعىن­تاەۆ پرەزيدەنت نۇرسۇلتان نازارباەۆتىڭ ۇكىمەت الدىنا قازاق­ستاننىڭ ءۇشىنشى جاڭعىر­تىلۋىن جۇرگىزۋ تۋرالى مىندەت قوي­عانىن اتاپ ءوتتى. ونى جۇزەگە اسىرۋ ءۇشىن ەلىمىزدىڭ باسەكەگە قابى­لەت­تىلىگىن ارتتىراتىن ەكونو­مي­كالىق ءوسىمنىڭ جاڭا ۇلگىسىن قۇرۋ قاجەت. مەملەكەت باسشىسى جولداۋدا ەكونومي­كا­نىڭ جەدەلدەتىلگەن تەحنولوگيالىق جاڭعىر­تىلۋىنا باسىمدىق بەرىپ, تسيفرلىق تەح­نو­لو­گيانى قولدانۋ ارقىلى قۇرى­لاتىن جاڭا يندۋس­تريالاردى ءور­كەن­دەتۋ قاجەتتiگiن اتاپ وتكەن بولاتىن. وسىعان وراي, ۇكىمەت­كە «تسيفر­لىق قازاقستان» جەكە باع­دارلاماسىن ازىرلەۋدى جانە قابىل­داۋدى تاپسىردى. پرەمەر-مينيستر اقپارات جانە كوممۋني­كا­تسيالار مينيسترلiگi­نiڭ الدىنا مۇددەلi مەملەكەتتiك ورگاندارمەن بiر­لەسiپ وسى باعدارلامانى دايىن­داۋ مiندەتiن قويدى. «يننوۆاتسيالاردى قولداپ, ولار­­دى جەدەل وندiرiسكە ەن­گi­زۋ ما­ڭىزدى. سوندىقتان ەكسپو-2017 نىساندارىنىڭ ءبىرى­­نىڭ بازاسىن­دا IT-ستارتاپتار حا­لىق­­ارا­­لىق تەحنوپاركىن قۇرۋ كەرەك. وسى­عان وراي اقپارات جانە كوم­مۋ­ني­كاتسيالار, ۇلتتىق ەكونوميكا, قارجى مينيسترلiكتەرiنە ءمۇد­­دەلi مەملەكەتتiك ورگاندارمەن بiرگە تەحنوپارك قۇرۋ جانە سا­لىق جەڭىلدىكتەرى, وڭايلاتىلعان ۆيزا مەن ەڭبەك رەجىمi تۇرiندە زاڭ­­نا­­مالىق قولداۋ كورسەتۋدi پىسىق­تاۋدى تاپسىرامىن», دەدi ۇكىمەت باسشىسى. سونىمەن قاتار, ءبىلىم جانە عىلىم مينيستر­لىگىنە جوو-لار, نازارباەۆ ۋنيۆەر­سيتەت­تىڭ استانا بيزنەس كامپۋسى جانە «الاتاۋ» اق­پاراتتىق تەحنولوگيالار پاركى بازاسىندا وتان­­دىق عىلىمي جانە يننوۆاتسيالىق الەۋەتتى دامى­تۋ بويىنشا قاجەتتى شارالاردى قولعا الۋ تاپسىرىلدى. جاڭا يندۋستريالار قۇرۋ­مەن قاتار ءداستۇرلى بازالىق سالا­لار­دى دامىتۋعا سەرپىن بەرۋ كەرەك. وسىعان وراي جاۋاپتى مي­نيستر­لiكتەر 2025 جىلعا دەيiن نەگiز­گi سالالاردى تەحنولوگيالىق تۇرعى­­دان قايتا جاراقتاندىرۋ بويىنشا كەشەندi شارالار ازiرلەيدi. ۇكىمەت الدىندا قازىردىڭ وزىندە 2025 جىلعا قاراي شيكىزاتتىق ەمەس ەكسپورتتى 2 ەسە ۇلعايتۋ ءمىن­دەتى تۇر. بۇل باعىتتاعى جۇمىستى جان­دان­دىرۋ ءۇشىن ەكسپورتتى دامى­تۋ مەن ىلگەرىلەتۋ تە­تىك­­تەرىن ءبىر ۆە­دوم­ستۆوعا شوعىرلاندىرۋ قاجەت. «ينۆەستيتسيالار جانە دامۋ مينيسترلiگiنە ەكسپورت ساياساتى جونىندەگى كەڭەس قۇرۋ بويىنشا ۇسىنىستار ەنگiزۋدi تاپسىرامىن. سونداي-اق, 1 قىركۇيەككە دەيىن بىرىڭعاي ەكسپورت ستراتەگياسىن قابىلداۋ كەرەك», دەدى پرەمەر-مينيستر. بۇل جۇمىستاردى ۇيلەستىرۋدى ءوزىنىڭ ورىنباسارى اسقار مامينگە تاپسىردى. بۇدان بولەك, 1 قىركۇيەككە دەيiن ين­ۆەس­تيتسيالىق ستراتەگيا قابىلدانادى. سونىمەن بiرگە, ۇكىمەت باسشىسى ەنەرگەتيكا مينيسترلiگiنە جىل سوڭىنا دەيiن جاڭا جەر قويناۋى كودەكسiن قابىلداۋدى قامتاماسىز ەتۋدi تاپسىردى. پرەزيدەنت جولداۋىندا قۇرى­لىس سەك­تورىن دامىتۋ قاجەتتىگىن العا تارتتى. بۇل رەتتە «نۇرلى جەر» تۇرعىن ءۇي باعدارلاماسىن تولىق­قاندى ىسكە اسىرۋدى باستاۋ كەرەك. ەڭبەك نارىعىن جاڭعىرتۋ اسا ماڭىزدى. ۇكى­مەت باسشىسى وسىعان بايلانىستى دا ءتيىستى ورگان­دارعا تاپسىرما جۇكتەدى. «جاڭا تەحنولوگيالاردىڭ ەنگىزىلۋى­نە باي­لانىستى ءداستۇرلى سالالاردا ەڭبەك رەسۋرس­تارى بوساپ قالاتىن بولادى. بۇل جەردە جۇيە قۇراۋشى كاسiپورىندارمەن ىنتى­ماقتاستىقتى قاراستىرۋ كەرەك. اكiمدiكتەر ءىرى كاسىپورىن­دارمەن بىرلەسە وتىرىپ, ءتيىستى جول كارتالارىن ازىرلەۋى قاجەت. ەڭبەك جانە الەۋمەتتiك قورعاۋ مينيسترلiگi اكiمدiكتەر­مەن بiرگە جۇمىسپەن قامتۋ ورتالىقتارىن رەفور­مالاپ, بارلىق بوس جۇمىس ورىندارى مەن بۇكىل ەلدى مەكەن­دەردە بىرىڭعاي ونلاين پلات­فورما قالىپتاستىرۋدى قول­عا الۋى كەرەك», دەدi ۇكiمەت باسشىسى. پرەزيدەنت جولداۋىندا سون­داي-اق, بيزنەس-ورتانى تۇبەگەي­لى جاقسارتۋ جانە كەڭەيتۋ جايى ايتىلعان بولاتىن. وسىعان وراي, ۇكىمەت پەن اكىمدەر 1 شىلدەگە دەيىن بيزنەستى قايتا رەتتەۋ جونىندەگى جۇيەلى شارالار ازىرلەيدi. پرەمەر-مينيستر كەن-مەتال­لۋرگيا جانە مۇناي-گاز كەشەنىن ودان ءارى دامىتۋ ءۇشىن وتاندىق ءونىمدى جەتكىزۋ گەوگرافياسىن كەڭەي­تىپ, گەولوگيالىق بارلاۋ جۇ­مىس­تارىن بەلسەندى دامىتۋ قاجەت ەكەنىن ايتتى. وسىعان وراي, ەنەر­گەتيكا مينيسترلىگىنە جىل سوڭىنا دەيىن جەر قويناۋى تۋرالى جاڭا كودەكستى قابىلداپ, سالىق زاڭناماسىنا قاجەتتى تۇزەتۋلەر ەنگىزۋ تاپسىرىلدى. سونىمەن قاتار, ب.ساعىنتاەۆ مەملەكەت باسشىسىنىڭ تاپسىر­ماسىنا سايكەس, وتاندىق اۋىل شارۋا­شىلىعى ەل ەكونومي­كاسى­نىڭ نەگىزگى كۇشىنە اينالۋى ءتيىس ەكەنىن ايتىپ ءوتتى. «ءبىز ەكولوگيالىق تازا ازىق-ت ۇلىك شىعارۋ ارقىلى الەمدىك ازىق-ت ۇلىك نارىقتارىندا ءوز ورنى­مىزدى تابا الامىز. «Made in Kazakhstan» برەندىنىڭ ءوزى ەكو­لوگيالىق تازا ونىممەن بايلانىس­تىرىلۋى كەرەك. بۇگىندە ءبىز سۋبسي­ديا­لاردى ءبولۋ مەن جەكە قوسالقى شارۋاشىلىقتاردىڭ الەۋەتىن پايدالانا وتىرىپ كووپەراتيۆ قۇرۋدىڭ, سونىمەن قاتار, ەڭبەك ونىمدىلىگىن اتتىرۋدىڭ جاڭا قاعي­دالارى بويىنشا تاسىلدەردى ازىرلەدىك. بارلىق مىندەتتەر كەشەنى اوك دامىتۋدىڭ جاڭا مەملەكەتتىك باعدارلاماسى اياسىن­دا ىسكە اسىرىلۋى ءتيىس», دەدى ب.ساعىنتاەۆ. بۇدان وزگە, پرەمەر-مينيستر مەملەكەت باسشىسىنىڭ جاڭا ەۋر­ازيا­­لىق لوگيستيكالىق ينفرا­قۇرى­­لىمدى دامىتۋ تۋرالى ءمىن­دەت قويعانىن ايتتى. «بۇل ءۇشىن ءبىز جۇك تاسىمالىنا ەركىندىك بەرىپ, ازيا مەن ەۋروپا اراسىندا قۇر­لىق­ارالىق حاب بولۋعا مۇمكىندىك بەرەتىن, كولىك دالىزدەرىن قۇرىپ, ولاردى جاڭعىرتۋىمىز قاجەت. ناتيجەسىندە ءبىز 2020 جىلعا قاراي كونتەينەرلىك جۇكتەر ءۇشىن ترانزيتتىك تاسىمال كولەمىنىڭ كور­سەتكىشتەرىن جەتى ەسەگە, جولاۋ­شىلار تاسىمالىنىڭ كولەمىن ءتورت ەسەگە ارتتىرۋىمىز كەرەك», دەدى ب.ساعىنتاەۆ. وسى ورايدا, ينۆەستيتسيالار جانە دامۋ, سىرتقى ىستەر, ۇلتتىق ەكونوميكا مينيستر­لىكتەرىنە العا قويىلعان مىندەتتەردىڭ شەشىمىن تابۋعا بايلانىستى قاجەتتى شارا­لاردى قابىلداۋعا تاپسىرما بەرىلدى. بۇدان بولەك, باقىتجان ساعىن­تاەۆ «سامۇرىق-قازىنا» حولدينگىن ساپالى تۇردە تران­سفورماتسيالاۋ, «بايتەرەك» جانە «قازاگرو» حولدينگتەرىن قايتا قۇرۋ, ەلiمiزدiڭ قارجى سەكتورىن جاڭعىرتۋ مەن قور نارىعىن ودان ءارى دامىتۋ بو­يىنشا تيiستi تۇلعالارعا مiن­دەتتەر جۇكتەدi. «ءتورتىنشى باسىمدىق – ادامي كاپيتال ساپاسىن جاقسارتۋ. بiلiم مينيسترلiگiنە بiلiم ساپاسىن, اسiرەسە اۋىلدا جاقسارتۋ بويىن­شا ۇسىنىستار دايىنداۋدى تاپسى­رامىن. پرەزيدەنت اعىلشىن تiلiن كەزەڭ-كەزەڭiمەن ەنگiزۋ مiندەتiن قويدى. ەلباسىنىڭ تاپسىرماسى بويىنشا تەگiن كاسىپتىك-تەحني­كالىق ءبىلىم بەرۋ جوباسى ىسكە اسىرىلا باستايدى. جوعارى بiلiم سالاسىندا دا ماڭىزدى مiندەتتەر تۇر», دەدi ۇكiمەت باسشىسى. ەڭبەك جانە الەۋمەتتiك قورعاۋ مينيسترلiگi 1 شiلدەدەن زەينەتاقى مەن بالا تۋعاندا بەرىلەتىن ءبىر رەتتىك جاردەماقى كولەمىن 20 پايىزعا ءوسىرۋدi قامتاماسىز ەتۋi تيiس. سونداي-اق, 2018 جىلدان باستاپ اتاۋلى الەۋمەتتىك كومەك كور­سەتۋ شەگى ەڭ تومەنگى كۇنكورىس دەڭگەيىنىڭ 50 پايىزىنا دەيىن ارتادى. ال بەسىنشى باسىمدىق – ينس­تيتۋتتىق وزگەرىستەرگە, قاۋىپ­سىزدىككە جانە سىبايلاس جەم­قور­لىققا قارسى كۇرەسكە قاتىستى. وسى رەتتە ۇكىمەت باسشىسى Iشكi iستەر مينيسترىنە ناقتى تاپسىرما بەردى. «ۇكىمەت ءۇشىنشى جاڭعىرتۋ اياسىندا ەىدۇ-نىڭ وزىق ءتاجىري­بەلەرى مەن ۇسىنىمدارىن يمپ­لە­مەنتاتسيالاۋ جۇمىسىن قام­تاماسىز ەتۋى ءتيىس. بۇل باعىتتا جۇمىس باستالدى جانە ءار مينيستر جوسپارلانعان ناتيجەگە قول جەتكiزۋi تيiس. ەكىنشى, جەكەمەن­شىكتى قورعاۋعا, زاڭ ۇستەمدىگىنە جانە بارشانىڭ زاڭ الدىندا تەڭ­دىگىن قامتاماسىز ەتۋگە بايلانىس­تى. ادiلەت مينيسترلiگi مۇددەلi مەملەكەتتiك ورگاندارمەن بiرلەسە تيiستi جۇمىستاردى جۇرگiزۋi كەرەك. تەرروريزممەن كۇرەستi نىعايتۋدى زاڭنامالىق قامتاماسىز ەتۋدi جالعاستىرۋ كەرەك. دiن iستەرi جانە ازاماتتىق قوعام مينيسترلiگiنە دiني ەكسترەميزمدi ناسيحاتتاۋدىڭ الدىن الۋ بويىنشا شارالاردى قولعا الىپ, قوعامدا ءتۇسiندiرۋ جۇمىستارىن جۇرگiزۋدi تاپسىرا­مىن. تۇرمەلەردە تەولوگيالىق وڭالتۋ قىزمەتتەرiنiڭ جۇمىسىن ۇيىمداستىرۋ كەرەك», دەدi باقىتجان ساعىن­تاەۆ. «قازاقستان كيبەرقالقانى» جۇيەسىن قالىپتاستىرۋ مەن سى­بايلاس جەمقور­لىق دەڭگەيىن تومەن­دەتۋ بويىنشا دا تيiستi تاپ­سىرمالار بەرiلدi. «ەلباسى بiزدiڭ الدىمىزعا قازاقستاندى ءۇشiنشi جاڭعىرتۋ­دىڭ جاھاندىق دەڭگەيدەگi ماقسات-مiندەتiن ايقىنداپ بەرiپ وتىر. ونىڭ iشiندە ۇكiمەت­كە «قازاقستاننىڭ ۇلتتىق تەح­نولوگيالىق باستاماسى» دەپ اتالا­تىن 2025 جىلعا دەيiنگi سترا­تە­گيالىق دامۋ جوسپارىن دايىن­داۋدى تاپسىردى. ۇلت­تىق ەكونوميكا مينيسترلiگi جوس­پاردى دايىنداۋ جۇمىسىنا دەرەۋ كiرiسۋi قاجەت. سونداي-اق, پرە­زي­دەنتتiڭ ءاربiر تاپسىرماسىنىڭ مەرزiمدەرiن, وعان جاۋاپ­تى لاۋا­زىمدى تۇلعالاردى بەلگiلەپ, جول­­داۋدىڭ دەر كەزiندە ورىن­دالۋىن قاتاڭ باقىلاۋعا الۋ كەرەك. ال جالپىۇلتتىق جوسپار­دى 7 اقپان كۇنگi ۇكiمەت وتىرىسىندا تالقىلاپ, قابىلداۋىمىز قاجەت», دەدi ب.ساعىنتاەۆ. دينارا بىتىكوۆا, «ەگەمەن قازاقستان»