رەزەرۆ كادرلارىن دايارلاۋدىڭ كەزەكتى كۋرستارى اشىلدى

باس پروكۋراتۋرانىڭ جانىنداعى قۇقىق قورعاۋ ورگاندارىنىڭ اكادەمياسىندا قۇقىق قورعاۋ ورگاندارى باسشىلىعىنىڭ پرەزيدەنتتىك رەزەرۆىندە تۇرعان قىزمەتكەرلەردىڭ كاسىبي دەڭگەيىن ارتتىرۋدىڭ كەزەكتى كۋرستارىنىڭ اشىلۋى ءوتتى, دەپ حابارلادى باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ ءباسپاسوز قىزمەتى. بۇل كۋرستارعا تىڭداۋشىلار رەتىندە پروكۋراتۋرا مەن ىشكى ىستەر ورگاندارىنىڭ ورتالىق اپپا­راتى مەن وبلىستىق ءبولىم­شە­لەرىن­دە باس­شى­لىق لاۋازىم­داعى قىز­مەت­كەرلەر قاتىسا­دى. وقىتۋدىڭ نەگىزگى ماقساتى – تىڭداۋشىلاردىڭ باسشىلىق قىزمەتكە تاعايىندالۋى ءۇشىن قاجەت­تى كاسىبي داعدىلارى مەن باس­قارۋ قۇزىرەتىن  جەتىلدىرۋ. اكادەميا رەكتورى ۇلان باي­جانوۆ ءىس-شارانى اشا وتىرىپ, رەزەرۆتەگىلەردى بولاشاقتا بۇدان دا جاۋاپتى باسشىلىق قىزمەتكە دايارلاۋدا وقىتۋ كۋرستارىنىڭ ماڭىزدىلىعى مەن پراكتيكالىق پايدالىلىعىن اتاپ ءوتتى. وقىتۋدى جوعارى دەڭگەيدە ءوت­­كىزۋ ءۇشىن الدىڭعى كۋرستاردى ۇيىم­­داستىرۋ كەزىندە الىنعان ءتاجى­ريبەنى ەسكەرە وتىرىپ, ارنايى وقۋ باعدارلاماسى ازىرلەندى. العاش رەت وقۋ پروتسەسىنە باسشىلىق قىز­مەت­تەگى ساراپتامالىق جۇمىس نەگىز­دەرى بويىنشا جاڭا مودۋل ەن­گىزىل­دى. ول قىزمەت بابىن­دا­عى مىندەت­­تەر­دى شەشۋ كەزىندە ساراپ­تاما­­لىق قابىلەتتى جەتىلدىرۋگە باعىتتال­عان. سونداي-اق, باس پرو­كۋروردىڭ تاپسىرماسىن ورىنداۋ اياسىندا باسقارۋدىڭ ترانسفورماتسياسى ماسەلەلەرى بويىنشا ترەنينگتەر ەنگىزىلدى (Change programme). جوسپار بويىنشا كۋرس ۇزاق­تىعى ءبىر ايعا سوزىلادى جانە ول 145 اكا­دە­ميا­لىق ساعاتتى قۇراي­دى. ولار­دىڭ نە­گىزگى بولىگى كەيس­تىك تاپسىرما­لار­دى شەشۋگە جانە قۇقىق قورعاۋ قىز­مەتى­نە مەيلىنشە جاقىن­داتىلعان جوبالاردى جاساۋعا ارنالاتىن بولادى. جينالعانداردى كۋرس باعدار­لاماسىنىڭ ەرەكشە­لىكتەرىمەن تانىستىرىپ ءوتىپ, ۇ.بايجانوۆ بارلىق تىڭداۋشىلاردى ناتيجەلى جۇمىس جاساۋعا شاقىردى. ال وقىتۋ كۋرس­تارىن ۇيىمداستىرۋعا ەۋروپالىق وداقتىڭ  «قازاقستانداعى قىلمىس­تىق سوت تورەلىگىن جەتىلدىرۋ» جوبا­سى­نىڭ قاتىسۋشىلارى, مەملەكەت­تىك ورگاندار مەن ەلىمىزدىڭ جەتەكشى عىلىمي-ءبىلىم بەرۋشى مەكەمەلەرى بەلسەندى كومەك كورسەتۋدە.