باسقارۋدىڭ جاڭا دەڭگەيىنە كوتەرىلەدى

مەن قازاقستان رەس­­پۋب­­ليكاسىنىڭ پرە­زي­­دەنتى نۇرسۇلتان نازارباەۆتىڭ ءوز حال­قىنا ارناعان ءۇن­­دەۋىمەن ۇلكەن قىزىعۋ­شى­لىقپەن تانىستىم. سىزدەردىڭ ەل­دەرى­­ڭىزدى پرەزي­دەنت ءوز حالقىنا ۇسىنعان ماڭىزدى كونس­­تيتۋتسيالىق رەفورما باعدار­لاما­سىنا وراي قۇتتىقتايمىن. ارنايى جۇمىس توبى تاراپىنان ۇسىنىلعان, بيلىكتىڭ جال­عىز يەسى حالىق دەگەن قاعي­داعا سۇيەنگەن بارلىق ۇسىنىستار مەن ۇسىنىمدار پارلامەنتتىك باسقارۋ جۇيەسىن ەنگىزۋگە باعىتتالعان. دەمو­كراتيالىق مەملەكەتتە بيلىكتىڭ زاڭ شىعارۋشى جانە اتقارۋشى ورگاندارى ناقتى وكىلەتتىكتىڭ ءبولىسۋ قاعيداتتارىن ساقتاي وتىرىپ, ءوزارا ىنتىماقتاستىق اسپەكتىلەرى بار تولىق تاۋەلسىزدىككە يە بولۋعا ءتيىس. پارلامەنت پەن ۇكىمەتتىڭ قارىم-قاتىناسى ءوزارا تەڭ دارەجەدە بولۋى كەرەك, ولاردىڭ بىرەۋى ەكىنشىسىنەن باسىم بولماۋعا ءتيىس. بۇل پارلامەنت ءرولىنىڭ نىعايۋىن تالاپ ەتەدى, ال ۇكىمەتتىڭ بارلىق قىزمەتى پارلامەنتتىڭ باقىلاۋى اياسىندا جۇزەگە اسىرىلعانى ءجون. وسىن­­داي كونستيتۋتسيالىق قاتىناستار بارى­سىندا بيلىك تارماقتارىنىڭ ارا­سىندا قايشىلىق تۋىنداعان جاع­دايدا پرەزيدەنت تورەشى بولادى. ۇلتتىق كونستيتۋتسيانى قايتا قاراس­تىرۋ ۇدەرىسىندە وسى جاڭا قاعيدات­تاردى جۇزەگە اسىرۋ دەموكراتيا مەن ادام قۇقىقتارى قاعيداتتارىن ىلگەرى­لەتۋگە ىقپال ەتەدى, سونداي-اق ازاماتتاردىڭ ەركىندىگىنە قوسىمشا قورعان بولادى ءارى سىزدەردىڭ ەلدەرىڭىزدى باسقارۋدىڭ جاڭا ساپالىق دەڭگەيىنە كوتەرەدى. بۇل – زاماناۋي باسقارۋ قاعيدالارىن قولدانىپ, بيلىك جۇيەسىندە تۇراقتىلىقتى قامتا­ماسىز ەتۋگە ۇم­تىلعان كەز كەلگەن ەل ءۇشىن شەشۋشى شارت. مەن جاڭعىرۋ ماقساتىنا تالپىنعان سىزدەردىڭ ەلدەرىڭىزگە بار جاقسىلىقتى تىلەيمىن. ەل تاۋەلسىزدىگىنىڭ 25 جىل­دى­عىنا وراي تاعى دا مەنىڭ شىنايى قۇت­تىقتاۋىمدى قابىل الىڭىزدار. تاحەر حيكمەت يوردانيا كونستيتۋتسيالىق سوتىنىڭ پرەزيدەنتى