دەموكراتيالىق ۇدەرىستەردىڭ زاڭدى جالعاسى

مەملەكەت باسشىسى نۇرسۇلتان ءابىش ۇلى نازارباەۆ­تىڭ وتكەن اپتاداعى بيلىك تارماقتارى اراسىن­دا وكىلەتتىكتەردى قايتا ءبولۋ جونىندەگى قازاقستان حالقىنا جاريالاعان ۇندەۋى, وندا كوتەرىپ وتىرعان ماسەلەسى وتە ورىن­دى. ول كوپتەن بەرى ءپىسىپ-جەتى­لىپ كەلە جاتقان ساياسي-عالامدىق ءمانى بار زور ماسەلە ەدى. ايتۋلى ماسە­لەنىڭ شەشىمىن قالاي بولعاندا دا پرەزي­دەنتىمىزدىڭ ءوز باستاماسىمەن شەشۋدىڭ دە ماڭىزى زور ەدى. ال ەلباسىمىزدىڭ باستامانى ءوزى كوتەرىپ, دەموكراتيالىق ۇدەرىستەردى اياعىنا دەيىن دامىتا تۇسۋگە ىقپال ەتكىسى كەلگەنىن وتە دۇرىس ءارى ءدال ۋاقىتىندا قولعا الىنعان تۇجىرىم دەپ ويلايمىن. ءاربىر مەملەكەت ورگانى وكىلەتتىگىنىڭ قۇقىقتارى بولسىن, پارلامەنتتىڭ نەمە­سە پرەزيدەنتتىڭ قۇقىق­تارى بولسىن, نەمەسە ودان تومەنگى ورگانداردىڭ قۇقىق­تارى بولسىن, ءبارى دە زامان­نىڭ اعى­مىنا, قوعامنىڭ وركە­ن­دەۋىنە, ۋاقىت تالابىنا باي­لانىس­تى قايتا قارالىپ, وزگەر­تىلىپ, تولىق­تىرىلىپ, العا قادام باسىپ وتىرۋى ءتيىس. سوندىقتان دا پرەزي­دەنتى­مىزدىڭ بۇگىنگى كوتەرىپ وتىرعان يدەيا­سىن مەن ەڭ قارت قوعامدىق-ساياسي قاي­­راتكەر رەتىن­دە وتە ورىندى دەپ ساناي­مىن. ءبىز بۇل ماسەلەنى قايتكەندە دە قولداپ, ءارى قاراي وركەندەتە تۇسۋگە ءتيىسپىز. كونستيتۋتسيا, ياعني ەلىمىزدىڭ اتا زاڭى – قاتىپ-سەمىپ قالعان زاڭ ەمەس. كونستيتۋتسيا دا, كونستيتۋتسيانىڭ ءاربىر تاراۋى دا زامان تالابىنا, مەملەكەتىمىز الدىنا قويىپ وتىرعان ماقساتتارىنا, بيلىك شەشىمىنە ساي مەزگىلى جەتكەن كەزدە تولىقتىرىلىپ, قاجەتتى وزگەرىستەرىن ەنگىزىپ وتىرۋى كەرەك. ال ەلباسىمىز نۇرسۇلتان نازارباەۆتىڭ كەشەگى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» دەپ اتالاتىن قازاقستان حالقىنا جولداۋىندا ايتىلعان «بەس نەگىزگى باسىمدىق», «ماڭىزدى كەشەندى ءۇش مىندەت» سياقتى باعىتتاردىڭ ءبارى دە كوڭىلىمىزدەن شىعىپ وتىر. تەك ەڭ باستىسى, سول باعىتتاردى جۇزەگە اسىرۋدا اسىعىستىققا سالىنباۋىمىز قاجەت. اسىعىس ىستەلگەن ءىس ولقىلاۋ بولىپ قالماق. سوندىقتان بەدەلدى دە بىلىكتى ازاماتتاردى پرەزيدەنتتىڭ اينالاسىنا شوعىرلاندىرىپ, سول جەردە ءبىراز ماسەلەنى شەشىپ بارىپ, ءارى قاراي دامىتا بەرگەن ءجون دەپ ويلايمىن. پارلامەنت راسىمەن دە مەملەكەت قالاۋىنداعى ماسەلەلەردى شەشىپ, ماڭىزدى ىستەرگە ارالاسىپ وتىرۋى ءتيىس. پارلامەنتتىڭ ەلىمىزدى, مەملەكەتتى وركەندەتۋ ماقساتىندا پرەزيدەنتپەن كۇش جۇمىلدىرا جۇمىس ىستەۋى – زامان تالابى. سوندىقتان پرەزيدەنتىمىزدىڭ بۇل باستاماسىن بارىنشا قول­داي­مىن ءارى ورىندى, ءورىستى باستاما دەپ ويلايمىن. سۇلتان سارتاەۆ, زاڭ عىلىمدارىنىڭ دوكتورى, ۇلتتىق عىلىم اكادەمياسىنىڭ اكادەميگى