The Fight City: جۇكەمباەۆتىڭ جويقىن سوققىلارىنا شىداۋ مۇمكىن ەمەس

كانادالىق جۋرناليستەر قازاقستاندىق بوكسشى باتىر جۇكەمباەۆ (8-0, 7 كو) جايلى جىلى لەبىزدەرىن ءبىلدىردى. بۇل تۋرالى sports.kz حابارلادى. «باتىر جۇكەمباەۆ كورسەتكەن بوكس ەرىكسىز تاڭ قالدىرادى. جىلدام ءارى جويقىن سوققىلارى قارسىلاسىن ءبىرىنشى راۋندتىڭ سوڭىنا دا شىداتپادى», – دەپ جازدى RDS.ca ءتىلشىسى جان-ليۋك لەجاندر ءوزىنىڭ تۋيتتەرىندە. «بۇل نوكاۋت! جۇكەمباەۆتىڭ وڭ قولىمەن باعىتتاعان حۋك سوققىسى. مۇنداي سوققىعا شىداۋ دا وڭاي ەمەس. باتىر ارا قاشىقتىقتى ساقتاي وتىرىپ, جوسپارىن تولىقتاي جۇزەگە اسىرا ءبىلدى», – دەپ جازدى The Fight City سايتى تۋيتتەرىندە. «بۇل باتىر جۇكەمباەۆتىڭ ءبىرىنشى راۋندتا نوكاۋتپەن ۇتقان ايقىن جەڭىسى. داۆيد رانحەلگە وڭ قولىمەن اۋىر سوققى جاسادى», – دەپ جازدى كانادالىق جۋرناليست فرەدەريك گۋاي. ايتا كەتەيىك, كانادانىڭ كۆەبەك قالاسىندا وتكەن ستيۆەن باتلەر جانە برەندون كۋكتىڭ اندەركارتىندا قازاقستاندىق بوكسشى مەكسيكالىق داۆيد رانحەلمەن جۇدىرىقتاستى. ايقاستىڭ 2-مينۋتىندا ول قارسىلاسىن نوكاۋتپەن جەڭدى.