استانانىڭ قالا قۇرىلىسى كەڭەسى ساياباقتار مەن گۇلباقتار سالۋ, ەلوردا كوشەلەرىن جارىقتاندىرۋ, كوگالداندىرۋ جانە اباتتاندىرۋ ماسەلەلەرىن قارادى, دەپ حابارلادى قالا اكىمدىگى.
كەڭەس مۇشەلەرى ءىرى جاسىل القاپتار جاساۋ ارقىلى ەكوجۇيەنى جاقسارتۋ ءۇشىن قازىرگى كوگالداندىرۋ باعدارلاماسىن دامىتۋدى ۇسىندى.
«كرەاتيۆتى جوبالار» باعدارلاماسى اياسىندا ەلوردانىڭ ءتۇرلى بولىگىندە 17 ساياباق پەن گۇلباق جاساۋ بويىنشا جوبا بەلسەندى ازىرلەنۋدە. ولاردىڭ ۇشەۋى بويىنشا جوبالاۋ جۇمىستارى اياقتالدى.
ايتا كەتەيىك, استانانىڭ قالا قۇرىلىسى كەڭەسى بىرىڭعاي ساۋلەتتىك جانە قالا قۇرىلىسى ساياساتىن ىسكە اسىرۋ, قولعا الىنعان جوبالاردىڭ ساپاسىن ارتتىرۋ ءۇشىن قۇرىلدى. كەڭەس قۇرامىنا قالالىق اكىمدىكتىڭ وكىلدەرى, ساۋلەت, قالا قۇرىلىسى جانە قۇرىلىس ىستەرى بويىنشا جەرگىلىكتى اتقارۋشى ورگانداردىڭ, مسقب باسقارماسىنىڭ باسشىلارى, سونداي-اق جەتەكشى ساۋلەتشىلەر كىرەدى.
