ءماسليحات دەپۋتاتتارى بەلسەندىلىك تانىتاتىن بولادى

«قازاقستان ماسليحاتتارى دەپۋتاتتارىنىڭ بىرلەستىگى»  رەسپۋبليكالىق قوعامدىق بىرلەستىگى بيۋروسىنىڭ كەڭەيتىلگەن وتىرىسى بولىپ وتتى. وتىرىس بارىسىندا مەملەكەت باس­شىسى ن.نازارباەۆتىڭ بيلىك تار­ماقتارى اراسىنداعى وكىلەتتىكتەردى قاي­تا ءبولۋ جونىندەگى ۇندەۋى تال­قى­لاندى. جيىنعا قاتىسۋشىلار ەلباسىنىڭ ۇسىنىستارىن قولداپ, ەلىمىزدىڭ ءارى قارايعى دامۋىندا مۇنداي شارالاردىڭ ماڭىزدى ورىن الاتىندىعى ءجو­نىن­دە ءبىراۋىزدى بايلامعا كەل­دى. تالقىلاۋ ۇستىندە كەيبىر وكى­لەت­­تىكتەردىڭ ۇكىمەتتىڭ قۇزىرىنا بە­رى­­لۋى الەۋمەتتىك-ەكونوميكالىق ءمىن­­د­ەتتەردى ءتيىمدى جۇزەگە اسىرۋعا قو­سىمشا سەرپىن بەرەتىندىگى ايتىلدى. ۇكىمەت مەملەكەت باسشىسى العا قوي­عان ستراتەگيالىق مىندەتتەردى تو­لىق كولەمدە جۇزەگە اسىرۋعا, قازىرگى زاماننىڭ سىن-قاتەرلەرىنە دەر كەزىندە ءۇن قاتۋعا, ماڭىزدى مەملەكەتتىك باع­دارلامالاردىڭ ورىندالۋىن با­قى­لاۋ­دى قامتاماسىز ەتۋگە قابىلەتتى بول­ماق. تالقىلاۋ كەزىندە حالىق ءۇشىن ماڭىزدى شەشىمدەردى ازىرلەۋ مەن قابىلداۋ جولىندا بارلىق دەڭگەيدەگى ءماسليحاتتاردىڭ قىزمەتىن ودان ءارى دامىتۋ ماسەلەلەرىنە دە تيىسىنشە كوڭىل ءبولىندى. وتىرىستا ءسوز سويلەگەندەر مەملە­كەت باسشىسىنىڭ ۇندەۋى ەلدىڭ دامۋىن­دا­­عى جاڭا كەزەڭگە جول اشاتىن, حا­لىق­­تىڭ ءال-اۋقاتىن جاقسارتۋعا با­عىت­­تالعان ماڭىزدى قادام ەكەندىگىن اي­­رىقشا اتادى. بيۋرونىڭ كەڭەيتىلگەن وتىرىسى­نىڭ قورىتىندىسى بويىنشا بار­لىق دەڭگەيدەگى ءماسليحاتتار دەپۋتات­تا­رى­نىڭ سايلاۋشىلارمەن  كەزدەسۋ ۇيىم­داستىرىپ, كونستيتۋتسيالىق رەفورمالار باعدارلاماسىنا قاتىستى كەڭىنەن ءتۇ­سىن­دىرۋ جۇمىستارىن جۇرگىزۋگە جانە ۇسى­نىستار جيناقتاۋعا شەشىم قابىل­داندى. اسحات رايقۇل, «ەگەمەن قازاقستان»