«استانا» فۋتبول كومانداسىنان روحەر كانياس كەتۋى مۇمكىن

«استانا» فۋتبول كلۋبىنىڭ جارتىلاي قورعاۋشىسى روحەر كانياس اپوەل كومانداسىمەن كەلىسسوزدەر جۇرگىزىپ جاتقانى بەلگىلى بولدى. جاقىن ارادا ول گرەكيالىق ۇجىمنىڭ ساپىنا اۋىسۋى مۇمكىن. بۇل تۋرالى اپوەل رەسمي تۇردە مالىمدەدى, دەپ حابارلايدى vesti.kz. بۇعان دەيىن كانياستىڭ جارتى جىلعا جالعا بەرىلەتىنى حابارلانعان ەدى. الايدا, كيپرلىك باق-تىڭ مالىمەتى بويىنشا, اپوەل ەلوردالىقتارمەن بۇل ماسەلەنى تۇبەگەيلى شەشىپ, فۋبولشىمەن تولىق كەلىسىمشارتقا وتىرعاندى ءجون كورىپ وتىر. «14:00 كەزىندە (استانا ۋاقىتىمەن 16:00) كيپرگە «استانانىڭ» جارتىلاي قورعاۋشىسى روحەر كانياس كەلەدى. ءبىزدىڭ كوماندانىڭ قاتىرىنا قوسىلۋ ءۇشىن كەلىسسوزدەر جۇرگىزەدى», – دەپ اقپارات تاراتتى بۇگىن اپوەل-ءدىڭ رەسمي تۋيتتەرى. ايتا كەتەيىك, روحەر كانياس «استانا» ساپىندا 2014 جىلدان بەرى ويناپ كەلەدى. ەلوردالىق ۇجىممەن ول ءۇش رەت قازاقستان چەمپيونى اتانعان. سونىمەن قاتار, چەمپيوندار ليگاسى مەن ەۋروپا ليگاسىندا ونەر كورسەتتى. «استانا» كلۋبىنا اۋىسارعا دەيىن ول ەكى جىل قاراعاندىنىڭ «شاحتەر» كومانداسىندا وينادى. قاراعاندىلىقتارمەن ول 2012 جىل ەل چەمپيونى اتانعان.. جالپى 26 جاستاعى جارتىلاي قورعاۋشى قازاقستان پرەمەر-ليگاسىندا 143 كەزدەسۋ وتكىزىپ, 19 گولدىڭ جانە 14 ناتيجەلى پاستىڭ اۆتورى اتانعان.