وڭتۇستىك قازاقستاندا جاڭا زاۋىت ىسكە قوسىلدى

شىمكەنتتە پوليۋرەتاندى ورتوپەديالىق بۇيىمدار جاسايتىن زاۋىت ىسكە قوسىلدى, دەپ حابارلادى 24.kz. كاسىپورىن مەديتسيناعا قاجەتتى 17 ءتۇرلى ءونىم شىعارادى. ماسەلەن, ءتۇرلى-ءتۇستى داكەدەن باستاپ, سۇيەكتى قوزعالتپاي ۇستاپ تۇراتىن قۇرساۋعا دەيىن ازىرلەيدى. ول گيپستەن 14 ەسە مىقتى ءارى جەڭىل, ەلاستيكالىق يىلگىش, سونداي-اق قۇرعاق جەردە تەز قاتاتىن قاسيەتى بار. جالپى قۇنى 300 ملن تەڭگەدەن اساتىن كاسىپورىندا 50 ادام جۇمىس ىستەيدى. وڭتۇستىككورەيالىق تەحنولوگيامەن جاسالىپ جاتقان وتاندىق ءونىمنىڭ تمد ەلدەرى اۋماعىندا بالاماسى جوق. «Marai E7 Group» زاۋىتى بيىل «سق-فارماتسيا» جشس-مەن 10 جىلعا ۇزاق مەرزىمدى كەلىسىمگە قول قويعان. بولاشاقتا وتاندىق ءونىمدى ىشكى نارىقپەن قاتار تۇركيا, وزبەكستان جانە قىرعىزستان ەلدەرىنە ەكسپورتتاۋ جوسپاردا تۇر. «سۋدان, ىلعالدان قورىقپايدى ءارى رەنتگەن ساۋلەسىن 100 پايىز وتكىزەدى. اللەرگيالىق قىشۋ دەنە قىشۋىنا اكەلىپ سوقتىرمايدى. سۋ بولماعان جەردە اۋادان ىلعال الىپ, ءوزى قاتاياتىن قاسيەتى بار», – دەدى كومپانيا باسشىسى گۇليا جۇزەنوۆا.