ەلىمىزدىڭ التى وڭىرىندە كولىك قوزعالىسىنا شەكتەۋ قويىلدى

اۋا رايىنىڭ قولايسىزدىعىنا بايلانىستى ەلىمىزدىڭ التى وڭىرىندە ءتۇرلى باعىتتار بويىنشا اۆتوجولدار جابىلدى, دەپ حابارلايدى قر ءىىم توتەنشە جاعدايلار كوميتەتى. استانا قالاسىندا 24 قاڭتار ساعات 20:00-دەن باستاپ (بۇرقاسىن, كورىنۋدىڭ شەكتەلۋى) «استانا-كوكشەتاۋ» رەسپۋبليكالىق ماڭىزداعى ا/ج اۆتوكولىكتىڭ بارلىق تۇرلەرى ءۇشىن جابىق. اقمولا وبلىسىندا 24 قاڭتار ساعات 20:00-دەن باستاپ (قار, بۇرقاسىن, جولدىڭ ناشار كورىنۋى) «استانا-پەتروپاۆل» كۇرە جولى (18-230 شاقىرىم ارالىعى استانا قالاسى – ششۋچينسك قالاسى), «جاقسى-ەسىل-بۇز ۇلىق» اۆتوجولى (0-82 شاقىرىم ارالىعى, جاقسى اۋىلى - بۇز ۇلىق اۋىلى), «قوستاناي-اۋليەكول-سۋرگان» اۆتوجولى (232-260 شاقىرىم ارالىعى,  قوستاناي وبلىسىنىڭ اۋماعى – سۋرگان اۋىلى), «جەزقازعان-پەتروپاۆل» تاس جولى (377-595 شاقىرىم ارالىعى, قوستاناي وبل. اۋماعى – سقو), «ەكاتەرينبۋرگ-الماتى» اۆتوجولى (856-1006 شاقىرىم ارالىعى, سقو اۋماعى – اتباسار ق.) بارلىق اۆتوكولىك تۇرلەرىنە جابىلدى. پاۆلودار وبلىسىندا 23 قاڭتار ساعات 19:40-تان باستاپ «پاۆلودار وبلىسىنىڭ قۇرىلىس, جولاۋشىلار كولىگى جانە اۆتوموبيل جولدارى باسقارماسى» مم تەلەفونحاتىنا سايكەس, اۋا رايىنىڭ ناشارلاۋىنا بايلانىستى (بوران, كورىنبەۋ) وبلىستىق ماڭىزداعى «شاقات-ۆوستوچنوە-شالداي» (0-121,6) اۆتوجولىنىڭ ۋچاسكەسى بارلىق كولىك تۇرلەرى ءۇشىن جابىلدى. قاراعاندى وبلىسىندا 24 قاڭتار ساعات 11:35-تەن باستاپ (بۇرقاسىن, جولدىڭ ناشار كورىنۋى) « ۇلىتاۋ اۋدانى-قوستاناي وبل. شەكاراسى» (136-252 شاقىرىم ارالىعى, «جەزقازعان-پەتروپاۆل» اۆتوجولى) بولىگىندە بارلىق اۆتوكولىككە قوزعالىس شەكتەلدى. قوستاناي وبلىسىندا 24 قاڭتار ساعات 19:00-دەن باستاپ (بۇرقاسىن, جولدىڭ ناشار كورىنۋى) ر-36 «قوستاناي-اۋليەكول-سۋرگان» اۆتوجولى (108-232 شاقىرىم ارالىعى, اۋليەكول اۋىلىنان – اقمولا وبلىسىنىڭ شەكاراسىنا دەيىن), ا-16 "جەزقازعان-پەتروپاۆل" كۇرە جولى (252-377 شاقىرىم ارالىعى, قاراعاندى وبلىسىنىڭ - ارقالىق - اقمولا وبلىسىنىڭ شەكاراسىنا دەيىن) بارلىق اۆتوكولىككە جابىق. 24 قاڭتار ساعات 19:00-دەن باستاپ «جولاۋشىلار كولىگى جانە اۆتوموبيل جولدارى باسقارماسى» مم تەلەفونحاتىنا سايكەس, (بوران, كورۋ مۇمكىندىگىنىڭ شەكتەلۋى) وبلىستىق ماڭىزداعى «ارقالىق -تورعاي» (0-288 شاقىرىم ارالىعى, ا/ج «اۋليەكول -جولداما», 0-257 شاقىرىم ارالىعى, ا/ج «قويباعار-سەۆاستوپول» 0-124 شاقىرىم ارالىعى) اۆتوجول ۋچاسكەسىندە بارلىق كولىك ءۇشىن قوزعالىس توقتاتىلدى. سولتۇستىك قازاقستان وبلىسىندا 25 قاڭتاردان باستاپ (كۇشتى بۇرقاسىن, 25 م/س-قا دەيىنگى جەل) بارلىق باعىتتار بويىنشا وبلىستىق ماڭىزى بار جولدار جابىق.