بريتانيا ۇكىمەتىنىڭ ەۋرووداقتان شىعۋ تۋرالى شەشىم قابىلداۋى ءۇشىن الدىمەن ونى ەل پارلامەنتى ماقۇلداۋى كەرەك, دەگەن قاۋلى شىعاردى ەلدىڭ جوعارعى سوتى. بۇل تۋرالى BBC حابارلايدى.
وسى ارقىلى بريتانيا جوعارعى سوتى لوندون سوتىنىڭ قاراشاداعى شەشىمىن قولداپ وتىر. ول كەزدە لوندون سوتى دا بريتانيا ۇكىمەتى پارلامەنتتىڭ كەلىسىمىنسىز وداقتان شىقپاۋى كەرەكتىگىن ايتقان ەدى.
سونىمەن قاتار, جوعارعى سوت بريتانيا بيلىگى وداقتان شىعۋ ءۇشىن شوتلانديا, ۋەلس, سولتۇستىك يرلانديانىڭ وكىلدەرىنىڭ دە كەلىسىمىن الۋى كەرەكتىگىن ايتىپ وتىر.
دەگەنمەن, سوت بريتانيانىڭ ەو-دان شىعار-شىقپاسىن تالقىلامادى. ويتكەنى بۇل جازداعى رەفرەندۋمدا شەشىلىپ قويىلعان. تەك ەندى ۇكىمەت پارلامەنتتىڭ ماقۇلداۋىن الۋى كەرەك ەكەندىگى ايتىلۋدا.
