قىزىلوردا وبلىسى اكىمىنىڭ كەڭەسشىسى تاعايىندالدى

قىزىلوردا وبلىسىنىڭ اكىمى قىرىمبەك كوشەرباەۆ ارىپتەستەرىنە مەملەكەتتىك ءتىل ساياساتىن جۇزەگە اسىرۋ, عىلىمي ورتامەن بايلانىستاردى نىعايتۋ,  الەۋمەتتىك-ساياسي پروتسەستەر مەن ۇلتارالىق قاتىناستاردى زەرتتەۋ جانە بولجاۋ جونىندەگى كەڭەسشىسى ساعىمباي ايگۇل كەمالبەكقىزىن تانىستىردى. ايگۇل كەمالبەكقىزى 1974 جىلى تۋعان. قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىن «فيلولوگ, قازاق ءتىلى مەن ادەبيەتى ءپانىنىڭ وقىتۋشىسى» ماماندىعى بويىنشا بىتىرگەن. فيلولوگيا ماگيسترى. ەڭبەك جولىن 1996 جىلى اتالعان ۋنيۆەرسيتەتتىڭ وقىتۋشىسى رەتىندە باستاعان. 1998 جىلدىڭ اقپان ايىنان وبلىستىق اقپارات جانە قوعامدىق كەلىسىم باسقارماسىندا قىزمەت ەتتى. 2004 جىلدىڭ اقپان ايىنان قىزىلوردا وبلىسى بويىنشا اقپارات باسقارماسىنىڭ ۇيىمداستىرۋ جۇمىستارى جانە الەۋمەتتىك تەحنولوگيالار ءبولىمىنىڭ باس مامانى. 2004 جىلدىڭ شىلدە ايىنان  قىزىلوردا وبلىستىق مادەنيەت جانە  تىلدەردى دامىتۋ باسقارماسىنىڭ ءبولىم باستىعى. 2010 جىلدىڭ تامىز ايىنان وبلىس اكىمى اپپاراتىنىڭ ۇيىمداستىرۋ-ينسپەكتورلىق جۇمىس جانە ايماقتىق دامۋ ءبولىمى تالداۋ توبىنىڭ باس ينسپەكتورى. 2010 جىلدىڭ قاراشاسىنان قازاقستان حالقى اسسامبلەياسى وبلىستىق حاتشىلىعىنىڭ باس ينسپەكتورى.