سوت ساراپتاماسى قىزمەتى تولىقتاي ادىلەت مينيسترلىگىنە بەرىلەدى

قر پارلامەنتى سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى جونىندەگى كوميتەتىنىڭ كەڭەيتىلگەن وتىرىسىندا «سوت-ساراپتاما قىزمەتى تۋرالى» زاڭ جوباسى قارالدى, دەپ xابارلايدى قازاقپارات. تالقىلاۋلار بارىسىندا اتاپ وتىلگەنىندەي, اتالعان زاڭ جوباسى قر قۇقىق قورعاۋ جۇيەسىن دامىتۋدىڭ 2014-2020 جىلدارعا ارنالعان مەملەكەتتىك باعدارلاماسىن جەتىلدىرۋگە باعىتتالعان «جاڭا زاڭ جوباسى اتالمىش سالاداعى زاڭنامانى جەتىلدىرۋ بويىنشا مەملەكەتتىك باعدارلامانى جۇزەگە اسىرۋ اياسىندا جاساقتالىپ وتىر. بىرىنشىدەن, بارلىق ساراپشىلىق فۋنتسيالاردى ادىلەت مينيسترلىگىنىڭ قۇزىرىنا شوعىرلاندىرۋ. ءبىز اتالعان زاڭ جوباسىندا ادىلەت مينيسترلىگىنىڭ قىزمەتىن تولىق جازىپ كورسەتتىك. بۇرىن ساراپشىلىق قىزمەت دەنساۋلىق ساقتاۋ جانە ادىلەت مينيسترلىكتەرىنىڭ قۇزىرەتىندە بولىپ كەلسە, قازىر ول فۋنكتسيالار ءبىر مينيسترلىككە بەرىلەدى. ەكىنشىدەن, ءبىز زاڭ جوباسىندا جاڭا تالاپتارعا ساي كەلەتىن, جاڭا تۇسىنىكتەر ەنگىزدىك. ۇشىنشىدەن, زاڭ جوباسى جاڭا قىلمىستىق-پروتسەسسۋالدىق كودەكسپەن, ازاماتتىق كودەكسپەن, اكىمشىلىك قۇقىق بۇزۋشىلىق تۋرالى كودەكسپەن سايكەستەندىرىلدى. سەبەبى قولدانىستاعى سوت-ساراپتاماسى تۋرالى زاڭدا كەيبىر نورمالار وزگە جاڭا زاڭدارعا قايشى كەلەدى», - دەدى قر ادىلەت مينيسترلىگى سوت ساراپتاماسى ورتالىعىنىڭ ديرەكتورى يسيدور بورچاشۆيلي. ونىڭ ايتۋىنشا, زاڭ جوباسىنىڭ باستى ماقساتى - سوت-ساراپتاماسى قىزمەتىن جەتىلدىرۋ, ونى xالىقارالىق دەڭگەيگە جەتكىزۋ.