قازاقستاندا جەكە سوت ساراپشىلارىنىڭ پالاتاسى قۇرىلادى

قازاقستاندا جەكە سوت ساراپشىلارىنىڭ پالاتاسى قۇرىلادى. بۇل تۋرالى بۇگىن قر پارلامەنتى سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى جونىندەگى كوميتەتتىڭ كەڭەيتىلگەن وتىرىسىندا «سوت-ساراپتاما قىزمەتى تۋرالى» زاڭ جوباسىن قاراۋ بارىسىندا قر ادىلەت مينيسترلىگى سوت ساراپتاماسى ورتالىعىنىڭ ديرەكتورى يسيدور بورچاشۆيلي ايتتى. «ءبىز بۇل زاڭ جوباسىندا جەكە سوت ساراپشىلارى قىزمەتىنىڭ دامۋىنا ۇلكەن كوڭىل بولدىك. جەكە سوت ساراپشىلارىنىڭ پالاتاسىنىڭ قۇرىلۋىن ەسكەردىك. بۇل باسەكەلەستىك تۇرعىدا وڭ اسەرىن بەرەدى, ەرتەڭ مۇددەلى تاراپ نەمەسە بەلگىلى ءبىر ورگان ساراپتامانى سوت ساراپتاماسى ورتالىعىندا عانا ەمەس, جەكە ليتسەنزياسى بار تاۋەلسىز ساراپشىعا جۇگىنۋ قۇقىعىنا يە بولعانى دۇرىس», - دەپ اتاپ ءوتتى ول. سوت ساراپتاماسى ورتالىعىنىڭ باسشىسى, زاڭ جوباسىندا جەكە سوت ساراپشىلارىنىڭ قۇزىرەتى مەن مىندەتتەرى ناقتى بەلگىلەنگەندىگىن ايتۋدا. بۇل ءوز كەزەگىندە قىزمەت كورسەتۋ ساپاسىن جاقسارتۋ ءۇشىن جاسالىپ وتىر. «بۇگىندە ساراپتاما جۇرگىزۋگە 402 ادام ليتسەنزيا العان. ال شىن مانىندە سوت ساراپتاماسىن 132 جەكە ساراپشى جاساي كەلەدى. مەنىڭشە, جاڭا نورمالار ءبىزدىڭ وتاندىق ساراپشىلىق قىزمەتتى ودان دا بيىك دەڭگەيگە كوتەرەدى», - دەدى يسيدور بورچاشۆيلي. ونىڭ ايتۋىنشا, قازاقستاندا, سونىمەن قاتار, 714 ساراپشى-مەديك بار. «بۇلار سوت-مەديتسينالىق ساراپشىلار, ناركولوگتار مەن پسيxياترلار. سوت ساراپتاماسى ورتالىعىندا 609 قىزمەتكەر بار, ال ساراپشىلىق قىزمەتتى 570 ادام اتقارادى», - دەپ ءتۇيدى ويىن يسيدور بورچاشۆيلي.