بيىك بەدەلىمىز – بۇگىنگى بەلسەندى ءىس-قيمىل نەگىزى

استانا, ءبىرىنشى كەزەكتە, سيرياارالىق كەلىسسوزدەرگە قاتىسۋشى تاراپتاردىڭ ناقتى ۇستانىمدارىن تال­قى­لاۋ ءۇشىن تاپتىرماس ورىن رەتىندە ۇسىنىلىپ وتىر جانە ءىس جۇزىندە تاراپ­تار­دىڭ بەلگىلى ءبىر شەشىمدەرگە قول جەتكىزۋ ءۇشىن ەرىك-جىگەرلەرىن كورسەتۋلەرى مەن سوعان دايىن ەكەندىكتەرىن بىلدىرۋلەرىنە بەرىلەتىن ۇلكەن ءمۇم­كىندىك الاڭى بولىپ تابىلادى. استانا پروتسەسى جە­نەۆا ءپىشىمىنىڭ ديناميكاسىن بەلگىلى ءبىر دەڭگەيدە جاقسارتاتىنى قازىردىڭ وزىندە ايقىن بولىپ وتىر. بۇل كەلىسسوزدەردىڭ باستاماشىلارى رەسەي جانە تۇركيا پرەزيدەنتتەرى بولعانىن دا ءبىز جاقسى بىلەمىز. ولار ءبىزدىڭ پرەزيدەنتىمىزگە استانانى كەلىسسوزدەر الاڭى رەتىندە بەرۋ تۋرالى ۇسىنىسپەن قايىرىلعان بولاتىن. استانا بارشاعا ءوزىنىڭ بىتىمگەرشىلىك كۇش-جىگەرىمەن تانىمال بولىپ ۇلگەرسە, سوڭعى جىلدارى ونىڭ ءتۇرلى جانجالداردى رەتتەۋدەگى ءرولى كۇشەيە تۇسكەنى ايقىن. سونىمەن ءبىر مەزگىلدە, قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازىرگى مارتەبەسى استانانى الەمدىك اۋقىمداعى جانە ماڭىزداعى وقيعالارعا بەلسەندى قاتىسۋعا يتەرمەلەيدى. نۇرسۇلتان احمەديا, «پاراسات» جۇيەلى زەرتتەۋلەر ينستيتۋتىنىڭ ديرەكتورى