استانا اكىمدىگى ۇلەستىك قۇرىلىس كارتاسىن ازىرلەدى

ۇلەستىك قۇرىلىس تۋرالى جاڭا زاڭدى ءتيىمدى ىسكە اسىرۋ جانە اتقارىلىپ جاتقان جۇمىستاردىڭ ترانسپارەنتتىلىگىن قامتاماسىز ەتۋ ماقساتىندا استانا قالاسىنىڭ اكىمدىگى ۇلەستىك قۇرىلىستىڭ بىرىڭعاي كارتاسىن ازىرلەدى, astana.gov.kz. كارتادا ءۇش اۋداندا ورنالاسقان ۇلەسكەرلىك قۇرىلىستىڭ 56 نىسانى كورسەتىلگەن. كارتا ەكى باعىتتان تۇرادى: پروبلەمالىق نىساندار جانە جاڭا زاڭنىڭ نورمالارىنا سايكەس سالىنىپ جاتقان نىساندار. ول وتە ىڭعايلى جانە كوپفۋنكتسيونالدى بولىپ تابىلادى. سونداي-اق, تۇرعىن ءۇي كەشەنىنىڭ مەكەنجايى مەن ورنالاسقان ورنى, سيپاتتاماسى, فوتو جانە بەينەكورسەتكىشتەر ۇسىنىلعان. ۇلەسكەرلەر نىساننىڭ مارتەبەسىمەن تانىسىپ, قۇرىلىس جۇمىستارىنىڭ بارىسى مەن كەزەڭدەرى, قۇرىلىس سالۋشى تۋرالى دۇرىس مالىمەت ۇسىنىلعان تولىق تەحنيكالىق قۇجاتتاما تۋرالى اقپارات الا الادى. ۇلەستىك قۇرىلىستىڭ بىرىڭعاي كارتاسىنىڭ باستى ارتىقشىلىقتارى - شىنايى اقپارات ۇسىنۋ, ايقىندىلىقتى قامتاماسىز ەتۋ, تك نىساندارى بويىنشا وزەكتى اقپاراتتىڭ قولجەتىمدىلىگى, بىرىڭعاي مالىمەتتەر بازاسىنا قولجەتىمدىلىك, بارلىق پايدالانۋشىلار ءۇشىن تۇسىنىكتى ينتەرفەيس. قازىرگى كەزدە 30-دان اسا پروبلەمالىق نىسان استانا اكىمدىگىنىڭ باقىلاۋىنا الىندى. نىسانداردىڭ ءتىزىمى رەسمي سايتتا جاريالانعان. ءار اپتا سايىن ۆەدومستۆوارالىق كوميسسيانىڭ وتىرىستارىندا قالعان نىساندار بويىنشا جاعداي تۋرالى ۇلەسكەر-ينۆەستورلاردىڭ باستاماشىل توپتارىنىڭ اقپاراتتارى تىڭدالادى. ۆەدومستۆوارالىق كوميسسيانىڭ مۇشەلەرى قولدانىستاعى زاڭنامانىڭ شەڭبەرىندە قۇرىلىس سالۋشىلارعا نىسانداردىڭ قۇرىلىسىن اياقتاۋدا قولداۋ كورسەتىپ وتىر. قۇرىلىس سالۋشى تاراپىنان ناقتى جۇمىس جۇرگىزىلمەسە, قۇرىلىستى ءوز بەتتەرىمەن اياقتاۋ ءۇشىن نىسانداردى تقك-گە بەرۋ بويىنشا سوت پروتسەدۋرالارىن جۇرگىزۋ ۇسىنىلادى. 2014-2016 جىلدارى كوميسسيا قىزمەتىنىڭ ارقاسىندا 20-عا جۋىق پروبلەمالىق نىساننىڭ قۇرىلىسىن اياقتاۋ ماسەلەلەرى شەشىمىن تاپقان.