بەلسەندىلىك – وركەندەۋ بەلەسى

قازاقستان رەسپۋبليكاسى پرەزيدەنتتىگىنە كانديدات, «تابيعات» ەكولوگيالىق وداعىنىڭ توراعاسى مەلس ەلەۋ­سى­زوۆ­تىڭ قوعامدىق ومىردەگى بەلسەندى ءىس-قىزمەتى قاراعان­دى­لىقتارعا دا جاقسى تانىس. ءوندىرىس ورىندارى كوپ شو­عىر­لانعان ايماقتىڭ تابيعاتىنا باس جاناشىر رەتىندە بىلەدى. كەشە جەرگىلىكتى جۇرت ۇمىتكەرمەن كەزدەسۋلەردە كوڭىلىن تولعاندىرعان وي-ماقساتىنا تەرەڭىرەك بويلاي ءتۇستى. مەلس ەلەۋسىزوۆ قاراعاندىعا ساپارىندا الدىمەن «قازاق­مىس» كورپوراتسياسى» جشس-گە قاراس­تى قۇيۋ-ماشينە جاساۋ زاۋىتىنا كەلدى. ۇجىم مۇشەلەرىمەن ءجۇز­دەسۋ كاسىپورىننىڭ 1-تسەحىندا ءوتتى. بۇرىننان دا ورتالارىنان تابىلىپ جۇرەتىن تانىمال ازا­ماتتى جۇمىسشىلار جىلى شى­رايمەن قارسى الدى. ءوزىنىڭ دە ۋاقىتى تىعىز, قاتىسۋشى­لار­دىڭ دا ۋاقىتىن الماۋ ءۇشىن بىردەن باستالعان اڭگىمە قىسقا دا نۇسقا بولدى. ەلىمىزدىڭ باسقا دا ايماق­تارى­نا ءتان كوڭىل الاڭداتارلىق ەكولوگيالىق جاعداي باس ەكو­لوگ­قا بەلگىلى ءجايت. بالقاش كولىنىڭ ءوندىرىس قالدىقتارىنان ودان ساي­ىن لاستانۋى, نۇرا وزەنىن­دەگى سىناپتىڭ شوگىندىسى, ارقا­نىڭ وسى باستى ارناسى تازا­لى­عىن ساقتاۋعا ازىرگە تالاپتىڭ بوساڭدىعى, جەكە مەنشىك يەلىگىندەگى سۋ قويمالارىنىڭ قاراۋسىز قالۋى, تەمىرتاۋ مەن بالقاشتىڭ تۇتىنگە بۋلىعۋدان ارىلماۋى جەرگىلىكتى تۇرعىندارداي ءوز جا­نىنا دا قاتتى باتاتىنى تۋرالى تولعانا توقتالعان پرەزيدەنتىككە كانديدات بارلىق جەرلەرگە ورتاق وسىنداي ماسەلەلەردىڭ مەملەكەتتىك دەڭگەيدە شەشىلۋگە ءتيىستى كەزى كەلگەندىگىن اتادى. ءسوز وراي­ىن­دا ورتاعا سالعانداي, سايلاۋالدى باعدارلاماسى ارقىلى قوعامنىڭ ەكولوگيالىق جاعدايعا بارىنشا نازار اۋدارۋىن كۇشەيتە ءتۇسۋ مۇمكىن بولسا, ماقساتىنىڭ نەگىزگى جەڭىسى سول بولماق ەكەن. قور­شاعان ورتانىڭ جىلدان-جىلعا ءبۇ­لىنىپ بارا جاتۋىنا كوزجۇم­بايلىقپەن قاراۋعا ەندى توزە بەرۋگە بولمايدى, جاعدايدى تۇزە­تەر­لىك تىڭعىلىقتى ءىس-شارالار قولعا الىنۋى قاجەت. بۇل رەتتە قولدان كەلگەنشە كۇش-قابىلەتىن ايانبايتىندىعىن سەزدىردى. مەلس حامزا ۇلى, سونىمەن بىرگە, كەزدەسۋگە قاتىسۋشى­لار­مەن اڭگىمەلەسۋ بارىسىندا ال­دا­عى وتەتىن سايلاۋدىڭ ەلىمىزدىڭ دامۋىنا جاڭا جول اشاتىن ماڭىزى اسا زور ساياسي وقيعا ەكەنىن ايتتى. سوندىقتان ازامات­تار­دىڭ وعان بەلسەندىلىكپەن قا­تى­سىپ, داۋىس بەرۋى قاجەتتىگىن اتاپ ءوتتى. «بارلىعىمىز قوعامدىق ومىرگە بەلسەنە قاتىسقاندا عانا ءبىز وركەندەۋدى ورىستەتە الامىز» دەدى. جينالعاندار تاراپىنان قوي­ىل­عان ساۋالدارعا جاۋاپتار قايتارىلىپ, بىرقاتار وزەكتى جاي­لاردى ءتيىستى ورىندار الدى­نا قويىپ, ورىندالۋىن باقىلاۋدا ۇستايتىندىعىن ءبىلدىردى. بۇدان سوڭ پرەزيدەنتتىكتەن ۇمىتكەر قالاداعى قۇيۋ زاۋىتى ەڭبەككەرلەرىمەن كەزدەستى.وتپەلى كەزەڭدە ءوندىرىسى توقىراپ, بۇگىن­دە قايتا ورلەگەن بايىرعى كاسىپ­ورىن تاۋ-كەن شاحتا جابدىق­تارىن, حالىق تۇتىناتىن تاۋارلار شىعارۋمەن شۇعىلدانادى. مۇندا م.ەلەۋسىزوۆ ءوزىنىڭ ساي­لاۋالدى باعدارلاماسىنىڭ ما­ڭىز­دى تۇستارىنا توقتالىپ, ونى جان-جاقتى ءتۇسىندىردى. سايلاۋشىلارمەن وسىنداي سۇح­بات قاراعاندى مەملەكەتتىك تەح­نيكالىق ۋنيۆەرسيتەتى وقىتۋ­شى­لارى مەن شاكىرتتەرى اراسىن­دا جالعاستى. قاتىسۋشىلارعا مەلس حامزا ۇلى ءبىلىم بەرۋدى جەتىلدىرۋ, جاستار ساياساتىنا باي­لا­نىستى تۇعىرناماسىنا قوسىمشا تۇسىندىرمەلەر جاسادى. ايتىل­عان ۇسىنىس-پىكىرلەر نازاردا ۇستالاتىندىعى ايتىلدى. م.ەلەۋسىزوۆ كەزدەسۋشىلەرگە وي ءورىسى بيىك, مادەنيەتتىلىك تا­عىلىمى تەرەڭ, قوعامدىق ۇستا­نىمى بەرىك ازامات تۇرعىسىندا جىلى اسەر قالدىردى. ايقىن نەسىپباي, «ەگەمەن قازاقستان», نۇرلان امان ۇلى, جۋرناليست. قاراعاندى.