كوپشىلىك مۇددەسى – كوكەيكەستى

قازاقستان كوممۋنيستىك حالىقتىق پارتياسىنان پرەزيدەنتتىككە كانديدات جامبىل احمەتبەكوۆتىڭ سايلاۋالدى كەزدەسۋلەرى بۇرناعى كۇنى قاراعاندىدا جالعاستى. قاراعاندىداعى ماشينە جاساۋ زاۋىتى – ايماققا ەرتەدەن ايان ءوندىرىس وشاعى. كەزىندە كومىر ءوندىرۋ تەحنيكاسىن قۇراستىرۋ بويىنشا اتاعى الىسقا تانىلعان كاسىپورىن بۇگىندە سول ءۇردىستى جا­ڭاشا جاڭعىرتۋعا ۇمتىلىپ كەلەدى. بۇل ەلىمىزدىڭ ءبىراز جەرىندە بولعان ۇمىتكەردىڭ ءوندىرىستى ءوڭىر جۇرتشىلىعىن دا قامتىعان جۇزدەسۋلەرىنىڭ ءبىرى ەدى. قازىر ۋا­قىتى تىعىز, قىزعان ۇگىت-نا­سيحات ءىس-شارالارى قاي-قايسىنا ءۇل­گەرۋ­گە تىرىسۋشى جامبىل احمەت­بە­كوۆ استانادان كەلگەن بەتتە ات­باسىن اتالعان زاۋىتقا تىرەدى. بىردەن تسەحتاردى ارالاپ, جۇمىس­شى­لارمەن ەمەن-جارقىن ءاڭ­گىمە قۇ­رۋ­عا دەن قويىلدى. ولار دا وعان ىقى­لاس تانىتىپ, ءسوز­گە ەركىن ارا­لاستى. ەكى جاقتان قويىلعان سۇ­راق­تار سۇح­باتتى قىزدىرىپ اكەتتى. حالىقشىل كوممۋنيستەر جەتەكشىسى جينالعان قاۋىمدى ساي­لاۋ­الدى باعدارلاماسىمەن, پار­تيا­نىڭ ۇستانعان ساياسي تۇعىر­نا­ما­سىمەن قىسقاشا تانىستىرا كەلىپ, اڭگىمەنى ومىردەگى وزەكتى ءما­سەلەلەرمەن ۇشتاستىرا ءوربىتتى. سونىڭ ىشىندە ءسوز بارىسىندا ءوزىنىڭ ءۇش باستاماسى تۋرالى وي­لارىن ورتاعا سالدى. ونىڭ نەگىزگى جولدارى بويىنشا كۇنكورىستىڭ ەڭ تومەنگى كورسەتكىشىن حالىق­ارا­لىق ستاندارتتارعا سايكەس­تەن­دىرۋ, جاس مامانداردىڭ جۇ­مىس­قا ورنالاسا الۋلارىن كەپىلدەندىرۋ, سونداي-اق كوممۋنالدىق تولەمدەر جۇيەسىن ۇيلەستىرۋ ۇس­تا­نىپ وتىرعانىن العا تارتتى. ءما­سەلەن, كوممۋنالدىق تولەم­دەر­گە توقتالعانىندا ۇمىتكەر ونىڭ ەڭبەكاقىسى تومەن ازاماتتار ءۇشىن تابىسىنىڭ 10 پايى­زىنان اسپاي بەلگىلەنۋىن اتاپ ءوتتى. جالپى, باعا مەن تاريف­تەردىڭ شەكتەن تىس وسە بەرۋى ءجون­سىز ەكەنى, سوندىقتان بيلىكتىڭ حا­لىقتىڭ مۇڭ-مۇقتاجىن بارىن­شا قورعاۋى وسى باعىتتاعى ءىس-قىز­مەتتىڭ باستى باعامىنا اي­نا­لۋى كەرەكتىگى اتال­دى. باع­دار­لامادا كوزدەلگەندەي, قوعامنىڭ الەۋمەتتىك جاعىنان از قام­تىل­عان توبىنا قامقورلىقتى كۇشەي­تۋ, سوعان ىقپال ەتۋ پار­تيانىڭ باس­تى ماقساتى سانا­لا­تىندىعى ايتىلدى. جۇمىسشى­لار­مەن ءاڭ­گى­مەدە كوپشىلىكتى تول­عانتقان بىرقاتار جايلار توپ­تا­لىپ, ەڭ تۇيىندىلەرى حالىق اتىنان مەملەكەت تاراپىنا جولداناتىن­دى­عى مالىمدەلدى. جامبىل احمەتبەكوۆكە جۇ­مىس­شىلار ساۋالداردى از قوي­مادى. ءبىرازى جوعارىدا ايتىل­عان جايلارعا اينالىپ سوعا بەرگەنىمەن, قازاقستان كوممۋنيستىك حالىقتىق پارتياسىنىڭ سەركەسى تاقىرىپتى قايتا تولىقتىرىپ, ولاردىڭ شەشىمىن تابۋ جولىن­داعى ءوز ۇستانىمىن, وي-پىكىرىن ءتىل­گە تيەك ەتتى. كەزدەسۋگە قاتى­سۋشىلار نازاردى ۇجىم مۇشە­لە­رىنىڭ قاتارى جىلدان جىلعا ازايىپ ءارى جاس جاعىنان قار­تايىپ بارا جاتقاندىعىنا, كەن تەحنيكالارىن جاساۋعا قاجەتتى مەتالمەن قامتاماسىز ەتىلۋدىڭ ناشارلىعىنا, تاپسىرىستاردىڭ از­دىعىنا اۋدارتتى. پارلامەنت ءماجىلىسىنىڭ دەپۋتاتتارى ارا­سىندا جۇمىسشى قاۋىم وكىلدەرى دە بولسا دەگەن تىلەكتەر ءبىلدىرىلدى. وسى ورايدا ج.احمەتبەكوۆ حا­لىق­شىل كوممۋنيستەردىڭ 2012 جىل­عى پارلامەنتتىك سايلاۋعا بەل­سەندى تۇردە قاتىساتىندىق­تا­رىن, پىكىر ەسكەرىلەتىندىگىن جەتكىزدى. بۇدان سوڭ قكحپ-دان پرەزيدەنتتىككە كانديدات وبلىس ورتا­لى­عىنداعى د.ا.قوناەۆ اتىن­دا­عى زاڭ كوللەدجى وقىتۋشىلارى جانە شاكىرتتەرىمەن كەزدەسۋ ءوت­كىزدى. كانديداتتى قولداۋ قو­عام­دىق شتابىنىڭ جەتەكشىسى, پارتيا وبلىستىق كوميتەتىنىڭ ءبىرىنشى حاتشىسى ۆالەنتين پرىدكوۆ ولارعا ءوز وكىلدەرىن تانىستىرىپ, ءسوز بەردى. جامبىل احمەتبەكوۆ بۇل جولعى جۇزدەسۋدە ءبىلىم بەرۋ سالاسىنا بايلانىستى ماسە­لە­لەردى سوزگە وزەك ەتتى. جيىنعا قاتىسۋشىلاردىڭ بىرقاتار ساۋ­ال­­دارىنا جاۋاپ بەردى. ايقىن نەسىپباي. قاراعاندى.