ازاماتتىق قوعام الدا ءجۇرۋى ءتيىس

اتىراۋ وبلىسىندا پاتريوتتار پارتياسىنان ۇسىنىلعان قازاقستان پرەزيدەنتتىگىنەن ۇمىتكەر عاني قاسىموۆتىڭ رەسپۋبليكالىق سايلاۋالدى شتابىنىڭ مۇشەلەرى وڭىردە تاعى كەزدەسۋ وتكىزىپ, ونىڭ باعدارلاماسىنىڭ نەگىزگى باسىمدىقتارىمەن تانىستىردى. سەناتور, ەل پرەزيدەنتتىگىنەن ۇمىتكەر عاني قاسىموۆتىڭ مۇ­ناي­لى ءوڭىر – اتىراۋ تۋعان جەرى. قازىرگى جۇمىسباستىلىعىنا باي­لا­نىستى عاني ەسەنكەلدى ۇلىنىڭ ءوزى كەلە الماي قالعانىنا وكى­نى­شىن جەتكىزگەن الماتىدان ار­نايى اتىراۋعا اتباسىن تىرەگەن توپتىڭ جەتەكشىسى گۇلدانا نۇر­تى­لەسوۆا ۇمىتكەردىڭ ەندى از عانا كۇندە بولاتىن سايلاۋعا قىزۋ دايىندىقتا ەكەنىن ايتتى. «اعيلا» ساۋدا ۇيىندە بولعان وسىنداي كەزدەسۋدە عاني قا­سى­موۆتىڭ سايلاۋالدى تۇعىرنا­ما­سىن­داعى باستى ماقساتتاردىڭ ءبىرى – قازىرگى كۇنى مۇناي كوم­پا­نيا­لارى جۇمىس جاساپ جاتقان ەكو­لوگيالىق ستاندارتتاردى قاي­تا قاراۋ بولىپ تابىلاتىندىعى اڭگىمەلەندى. كانديداتتىڭ مۇ­ناي­دى ساتۋدان تۇسكەن تابىس­تار­دىڭ ءبىر بولىگىن ەكولوگيالىق پروب­لەمالاردى شەشۋگە عانا ەمەس, سونىمەن قاتار, ءبىلىم بەرۋ, مە­ديتسينا, تۇعىرنامالىق عى­لىم, يننوۆاتسيانى قارجى­لان­دى­رۋعا جۇمساۋ قاجەتتىلىگىن ال­عا قويىپ وتىرعانى جۇرتشىلىق نازارىنا ۇسىنىلدى. ەگەر قا­سىموۆ سايلانعان جاعدايدا, شەتەلدىك مۇناي كومپانيالارىمەن جاسالعان كەلىسىم-شارتتار قايتا جاسالۋى ءتيىس, ويتكەنى, ولاردىڭ باسى ارتىق جەڭىلدىكتەرى بار دەلىندى. سونداي-اق كەزدەسۋ بارى­سىن­دا ءار ءىستىڭ باسىنداعى باسشىنىڭ بىلىكتىلىگى, ماسەلەن, ۆەتەري­نار­دىڭ ەكولوگيانى, بانكيردىڭ مە­دي­تسينانى, مەتاللۋرگتىڭ اۋە قا­تىناستارىن باسقارماۋى, مۇنىڭ مينيسترلەر كابينەتىن جاساق­تاۋ­دا ەسكەرىلۋى قاجەتتىگى ايتىلدى. ءار مەملەكەتتىڭ ءوزىنىڭ ءوسۋ, دامۋ جولى بار. سول جولدا ازاماتتىق قوعام اتقارار مىندەتتەر وتە كوپ, دەدى پاتريوتتار. سوندىقتان ازاماتتىق قوعامى­نىڭ ءوسۋ جولىنداعى ءتۇرلى كەدەرگىلەرى ازايۋى ءتيىس. اتاپ ايتقان­دا, پارلامەنت ماجىلىسىنە سايلاناردا پارتيالار جينايتىن داۋىس مولشەرىنىڭ تومەندەۋى, ءار پارتيا ءۇشىن ماجىلىسكە سايلانۋدا 60 پايىزدان اسپايتىن ليميت تا­عايىنداۋ سىندى ۇسىنىستار بولدى. اتىراۋ.