قاراپايىم جاننىڭ مۇڭ-مۇقتاجى ەسكەرىلسە دەيدى

استانادا كوممۋنيستىك حالىقتىق پارتياسى اتىنان پرەزيدەنتتىككە كانديدات ج. احمەتبەكوۆ تدم وڭىرىنەن كەلگەن بايقاۋشىلار ميسسياسىنىڭ وكىلدەرىمەن كەزدەسۋ وتكىزدى. كۇن وتكەن سايىن اتالعان پارتيا وكىلىنىڭ سايلاۋالدى كەستەسى تىعىزدالا باستاپتى. وڭتۇستىك وڭىرگە جاساعان ساپارىنان كەيىن كانديدات تمد تاراپىنان كەلگەن بايقاۋشىلار ميسسياسى جە­تەك­شىسىنىڭ ورىنباسارى ولەگ كۋلەبامەن كەزدەستى. قازاقستاننىڭ كوممۋنيستىك حالىقتىق پارتياسى سايلاۋالدى شتابىندا وتكەن كەزدەسۋدە و. كۋلەبا دوستاستىق ەلدەرى بايقاۋ­شى­لارىنىڭ اتقارعان جۇمىس­تا­رى­نا توقتالىپ, ولاردىڭ بارى­سىن ەگجەي-تەگجەيلى ءمالىم ەتتى. قازىرگى تاڭدا قازاقستاندا مول­دوۆادان وزگە تدم مەملە­كەت­تەرىنىڭ 425 وكىلى تىركەۋدەن ءوتىپتى. ميسسيانىڭ اۋقىمدى ءتا­جى­ريبەسى ايقىندالعان: ولاردىڭ بايقاۋشىلارى ءتۇرلى ەلدەردىڭ 57 سايلاۋ ۇدەرىسىنە قاتىسىپتى. بايقاۋشىلار ميسسياسى جە­تەكشىسىنىڭ ورىنباسارى كوممۋنيستىك حالىقتىق پارتياسى وكى­لى­نەن سايلاۋالدى ۇدەرىسىنىڭ جاي-كۇيى مەن سايلاۋ زاڭناما­لا­رىنىڭ ساقتالۋى جونىندە ءوز پىكىرىمەن ءبولىسۋدى سۇرادى. «ءبىزدىڭ ماقساتىمىز – الداعى سايلاۋ تۋرالى كوپ اقپارات جيناۋ. بۇل سايلاۋ ناتيجەلەرىنىڭ دۇرىس قو­رىتىندىلانۋى مەن ول اق­پارات­تاردىڭ شىندىققا سايكەس بولۋى ءۇشىن قاجەت»,– دەدى و. كۋلەبا. ال ج.احمەتبەكوۆتىڭ پىكىرىنشە, كوممۋنيستەردىڭ ۇگىت-ناسي­حات ماتەريالدارى مەن ولاردىڭ بيلبوردتارىنىڭ ورنالاسۋىنا قا­تىستى ازدى-كوپتى كەمشىلىكتەر سايلاۋالدى جۇ­مىستاردىڭ ال­عاش­قى كەزە­ڭىن­دە ورىن الىپتى. ال بۇگىندە ونداي زاڭ بۇزۋ­شى­لىقتاردىڭ كە­دىر-بۇدىرى تەگىستەلگەن كورى­نە­دى. سونداي-اق, ج. اح­مەتبەكوۆ ءوزىنىڭ سايلاۋالدى قىزمەتتەرى جونىندە اقپارات تا­راتىپ جات­قان باق جۇمى­سىنا كوڭىلى تولا­تىندىعىن جەتكىزدى. باسقوسۋ كەزىندە كانديدات ءوزىنىڭ قا­زاق­ستاننىڭ وڭتۇستىك ءوڭىر­لەرىنە جاساعان ساپارلارى ءجو­نىن­دە قىسقاشا اقپار بەرىپ ءوتتى. ونىڭ ايتۋىنشا, سايلاۋالدى ناۋقان ۇدەرىسىنە بەرىلگەن ۋا­قىت­تىڭ تاپشىلىعىنا سايكەس, ول كەيبىر وڭىرلەرگە سەنىم بىلدىرىلگەن ادامدارىن جىبەرگەنىن, ولاردىڭ ءوز اتىنان سايلاۋشىلارمەن كەزدەسىپ جۇرگەنىن ايتتى. ءبىر اتاپ وتەرلىگى, كوممۋنيستەر سايلاۋ­شى-ەلەكتوراتپەن كەزدەسۋ بارى­سىن­دا نەگىزگى باسىمدىق ءوز اربا­سىن ءوزى سۇيرەتەتىن قاراپايىم جاندارعا بەرىلگەندىگىن اتاپ ءوتتى. ولار كوپ جاعدايدا اۋىلدى جەرلەردە ءوز ءناسىبىن وزدەرى تاۋىپ جۇرگەن ازاماتتار كورىنەدى. كوم­مۋنيستەردىڭ ەسەبى بويىنشا, مۇنداي ازاماتتاردىڭ سانى 2 ملن. 700 مىڭ ادامدى قۇرايدى. «ولاردىڭ باسىم كوپشىلىگى كوپ جىلداردان بەرى ەشقانداي ساي­لاۋعا قاتىسپاي كەلىپتى. سەبەبى, بۇل ازاماتتاردى ءبىر ساۋال عانا مازالايتىن بولعان – ول «وتباسىمدى قالاي اسىراپ, باق­سام ەكەن؟» دەگەن ساۋال. سوندىق­تان, كوشەدە, ساۋدا نۇكتەلەرىندە وسىن­داي ازاماتتارمەن كەزدەسۋ بارىسىندا ولاردى سايلاۋعا كەلىپ, ءوز كانديداتىنا داۋىس بەرۋگە شاقىردىق. ءبىز وسى ارقىلى جۇمىسشى ازاماتتاردىڭ, قارا­پايىم حالىقتىڭ داۋىستارى نا­زارعا ىلىكسە دەيمىز», – دەدى ءوز سوزىندە ول. ءلايلا ەدىلقىزى. استانا.