ديپلوماتتارمەن كەزدەستى

كەشە مەملەكەتتىك حاتشى – سىرتقى ىستەر ءمينيسترى قانات ساۋداباەۆ ەلىمىزدە تىركەلگەن بىرقاتار شەتەلدىك ەلشىلەردى, اتاپ ايتقاندا, ۋكراينا جانە فرانتسيا ەلشىلەرى ولەگ دەمين مەن جان-شارل بەرتوندى جانە ەۋروپالىق كوميسسيا وكىلدىگىنىڭ باسشىسى نوربەر جۋستەندى قابىلدادى. قابىلداۋ بارىسىندا شەتەلدىك ديپلوماتتار چەر­نو­بىل اپا­تىنا 25 جىل تولۋى قارساڭىندا ۇستىمىزدەگى جىل­دىڭ ساۋىرىندە كيەۆ قالا­سىندا جوسپارلانىپ وتىر­عان قاۋىپسىزدىك جانە ياد­رو­لىق ەنەرگيانى يننوۆا­تسيا­لى پاي­دالانۋ جونىندەگى سام­ميتكە قاتىسۋعا شاقىر­عان پرەزيدەنت نۇرسۇلتان نازارباەۆتىڭ اتىنا ۋكراينا مەن فرانتسيا پرەزيدەنتتەرى قول قويعان ۇندەۋ-حاتتى قانات ساۋداباەۆقا رەسمي تۇردە تابىس ەتتى. سونداي-اق حاتتا ور­تا­لىق جانە شىعىس ەۋروپاداعى يادرولىق قاۋىپ­سىزدىك جوبالارىن جۇزەگە اسىرۋ جانە چەرنوبىل اپا­تى سالدارىن تولىعىمەن جويۋ ءۇشىن ەۋروپالىق كوميسسيا مەن «ۇلكەن سەگىزدىك» ەلدەرى نەگىزدەگەن, قورعانىش جا­مىل­عىسى قۇ­رىلىمى قورىمەن جانە يادرولىق قاۋىپسىزدىك قورىمەن ىنتى­ماق­تاس­تىق ءمۇ­م­كىندىكتە­رىن قاراستى­رۋ جايى قوزعالعان. حاتتى قابىل العان ەلى­مىزدىڭ سىرتقى ساياسات ۆەدوم­ستۆوسىنىڭ باسشىسى 500-گە تارتا يادرولىق سىناقتان زارداپ شەككەن قازاق­ستان حالقىنا 1986 جىلعى اپاتتان كەيىنگى زالالدى ايماقتا قال­عان بەلورۋسسيا مەن ۋكراينا حالقىنىڭ پروبلەمالارى جاقىن ءارى ءتۇ­سىنىكتى دەگەندى ايتتى. ونىڭ ۇستىنە چەرنوبىل اەس-ىندەگى اپات سالدارىن جويۋعا 32 مىڭ قازاقستاندىق جۇمىلدى­رىل­عاندىعى دا نازاردان تىس قالمادى. «جاقىندا جاپونيا­نىڭ فۋكۋسيما اەس-ىندە ورىن العان اپاتتار الەمگە يادرو­لىق ەنەرگيانى پايدالانۋدى ءابسوليۋتتى قامتاما­سىز ەتۋ­دىڭ ۋا­قىت­شا ماڭىزدى ەمەستىگىن تاعى ءبىر ەسكە سالدى جانە سوندىقتان دا جاقىندا كيەۆتە وتەتىن سامميت دەر كەزىندە قولعا الىنىپ وتىر ءارى ماڭىزدى. وسى تۇرعىدان كەلگەندە قازاقستان پرەزيدەنتى ن.نا­زارباەۆتىڭ سەمەي ياد­رولىق پو­ليگونىن جابۋىنا 20 جىل تو­لۋىنا وراي كەڭ كولەمدى شارالار ءوت­كىزۋگە نيەتتى. يادرولىق قاۋىپ­سىزدىك جانە تاراتپاۋدىڭ جاھان­دىق پروبلەماتيكاسى ونى شەشۋدە سونداي حالىقارالىق قوعام­داس­تىقتىڭ جاھاندىق قاتىسۋىن تالاپ ەتەدى», دەدى قانات بەك­مىر­زا ۇلى ءوز سوزىندە. ءوزارا پىكىر الماسۋ بارى­سىن­دا كيەۆتە وتەتىن سامميت اياسىن­داعى كونفەرەنتسيانىڭ كەيبىر تۇيتكىل­دەرى جانە قا­زاقستاننىڭ ۋكراينا, فرانتسيا جانە ەۋرو­پا­لىق وداق­پەن ىنتىماقتاستىعىن ودان ءارى نىعايتۋ جايلارى ءسوز بولدى. اسقار تۇراپباي ۇلى.