پارىزىڭدى ۇمىتپا

سوڭعى كەزدەرى قازاقستان ءۇشىن داۋرىقپا اڭگىمەدەن باسقا ەشتەڭە جاساپ كورمەگەن بىرەۋ­لەر­دىڭ سايلاۋعا بويكوت جاريا­لاۋ­عا شاقىرۋ جونىندەگى الىپ­قاش­پا اڭگىمەلەرى ەستىلە باستا­دى. بۇل – ەستى كىسىنىڭ, وسى ەلگە بول­سىن دەيتىن, مەملەكەتىمىز ءوسسىن, ءور­كەن­دەسىن دەيتىن ازامات­تاردىڭ ايتار اڭگىمەسى ەمەس, ەل ءىشىن الاتايداي ءبۇل­دى­رە­تىن اتتوبەلىندەي توپتىڭ ايقايى بولسا كەرەك. قازاقستان حالقى سايلاۋدا داۋىس بەرۋ مۇمكىندىگىن پاي­دا­لانۋى كەرەك. تاۋەلسىزدىك العانىمىزعا ەندى جيىرما جىل تولىپ وتىر. باجايلاپ قاراساق, كەشە كىم ەدىك, بۇگىن كىمبىز؟ كورشى جۇرت­تار قا­زاقستاننىڭ وتكەن عا­سىر­دىڭ ايا­عىن­دا تاپ بولعان قيىن­شىلىق­تا­رىنان ءالى كۇنگە دەيىن بات­پاقتاپ شىعا الماي جاتىر. جى­لان جالاعانداي دۇكەندەر, قا­ڭى­راپ قالعان اۋىلدار مەن قا­لا­لار, بولاشاققا سەنىمسىزدەۋ قا­را­عان كۇندەر, ناۋمەز ۇرپاق تاع­دىرىن قالاي ەستەن شىعارۋعا بولادى. جيىرما جىلدا كەيبىر مەم­لەكەتتەردىڭ ءجۇز جىلدا الاتىن اسۋلارىن الدىق, بەلەستەردەن وتتىك. مەملەكەتىمىز دۇنيەجۇ­زى­لىك مويىنداۋعا يە بولدى. كوپ ەلدەر ءبىزدىڭ ەلگە قاراپ بوي تۇزەي باستادى. جىل باسىنداعى قىسقى ازياداعا قاتىسقان قىرعىز سپورتشىلارىنىڭ: “قازاق بولۋ قانداي باقىت”, دەگەنىن “ەگەمەن قازاقستاننان” وقىپ مەرەيلەنىپ قالدىق. ەل امان, جەر امان, جۇرت تىنىش. حالقىنىڭ جاعدايى بۇگىنگىدەن دە جارقىن بولسىن دەسەڭ, سايلاۋعا بار. ول – سەنىڭ ازاماتتىق پارىزىڭ. كولدەنەڭ كوك اتتىنىڭ قىزدىرما سوزىنە ەرمەي, تاڭداۋىڭدى جاسايتىن قۇقىعىڭدى پايدالان. ءويت­كەنى, قازاقستان ءبارىمىزدىڭ ءبىرتۇتاس شاڭىراعىمىز. ءابدىراحمان ومباەۆ, مەملەكەتتىك سىيلىقتىڭ لاۋرەاتى, اۋىل شارۋاشىلىعى عىلىمدارىنىڭ دوكتورى. شىمكەنت.