ءجۇز جولدىق جاڭالىقتار

تەننيس. وسى كۇندەرى تەننيستەن قى­تاي­دا ءوتىپ جاتقان ITF Kumming حا­لىق­ارالىق تۋرنيرىندە قازاقستاندىق زارينا دياس فينالعا جولداما الدى. جار­تىلاي في­نالدا ول يندونەزيالىق ايا-فاني ءدامايانتيدى ءۇش سەتتە – 3:6, 6:0, 6:3 ەسەبىمەن جەڭدى. قازىر زارينا WTA رەيتينگىندە 153 ورىندى يەلەنىپ وتىر. ەگەر وسى تۋرنيردە جەڭىسكە جەتسە زارينا 25 000 اقش دول­لارىنا يە بولادى. ال اقش-تىڭ مايامي قالاسىندا ەرلەر جانە ايەلدەر اراسىندا ءوتىپ جاتقان تاعى ءبىر تۋرنيردە ميحايل كۋكۋشكين مەن ياروسلاۆا شۆەدوۆا جەكەلەي سىندا كەلەسى اينالىمعا شىقتى. العاشقى اينالىمدا كۋكۋشكين فين يارككو نيەمينەنانى جەڭسە, شۆەدوۆا يتاليالىق سارا ەررانيدەن باسىم ءتۇستى. وسى تۋرنيرگە قاتىسقان اندرەي گولۋبەۆ العاشقى اينالىمدا حورۆات يۆان دوديگۋدەن جەڭىلىپ قالدى. وكىنىشكە قاراي, گولۋبەۆتىڭ جولىن تاعى «چەللەندجەر» سەرياسى بويىنشا ماروككونىڭ ماراكەشە قالاسىندا ءوتىپ جاتقان Morocco Tennis Tour تۋرنيرىنە قاتىسقان ەۆگەني كورولەۆ پەن يۋري ششۋكين قايتالادى. ولار ەكىنشى اينالىمدا قارسىلاس­تارىنا ەسە جىبەردى. كونكي. استاناداعى «الاۋ» سپورت سارايىندا كلاسسيكالىق جانە سپرينتتىك كونكي تەبۋدەن ەل چەمپيوناتى اياقتالدى. جارىستا كلاسسيكالىق كوپسايىستاعى ءتورت قاشىقتىقتىڭ قورىتىندىسى بويىنشا ايەلدەر اراسىندا ءبىرىنشى ورىندى ولگا جيگينا (استانا), ەكىنشى جانە ءۇشىنشى ورىندى ەلەنا ۋرۆانتسەۆا (پەتروپاۆل) مەن مارينا يۆانوۆا (قار­ا­عان­دى) يەلەندى. ال ەرلەر اراسىندا باس جۇلدەنى ارتەم بەلوۋسوۆ (استانا), ەكىنشى ورىندى ماكسيم باكلاشكين (استانا), ءۇشىنشى ورىندى فەدور مەزەنتسەۆ (الماتى) جەڭىپ الدى. وسى سىندا پەتروپاۆل قالاسىنىڭ تۋماسى, ۇلتتىق قۇرامانىڭ مۇشەسى رومان كرەچ 500 مەترلىك قاشىقتىقتى 35,50 سەكونتتە جۇگىرىپ, قازاقستان رەكوردىن جاڭارتتى. ول بۇعان دەيىن بىلتىر ۆانكۋۆەر وليمپياداسىنىڭ الدىندا كالگاري قالاسىندا وتكەن ISU Time Trials تۋرنيرىندە رەكورد جاساپ, كۇمىس جۇلدەگە يە بولعان ەدى. بىراق ول كەزدەگى رەكورد بيىك تاۋلى مۇز ايدىنىندا جاسالسا, بۇل جولى ول جا­سان­دى مۇز ايدىنىندا جۇزەگە اسىرىلىپ وتىر. دزيۋدو. كەلەسى جىلى ەلىمىزدە دزيۋدودان «ۇلكەن دۋلىعا» اياسىنداعى ءىرى حا­لىق­ارا­لىق ءتۋرنيردىڭ ءبىرى وتەتىن بولا­دى. مۇن­داي شەشىم حالىقارالىق دزيۋدو فەدە­را­تسيا­­سى­­نىڭ كەڭەيتىلگەن ءماجىلى­سىن­دە قابىل­داندى. «ۇلكەن دۋلىعا» اياسىنداعى العاشقى تۋرنير 2009 جىلى وڭتۇستىك كورەيانىڭ سۋۆون قالاسىندا وتكەن بولاتىن. ودان كەيىن تۋرنير ءازىربايجاننىڭ باكۋ قالاسىندا ۇيىمداس­تىرىلعان. ەندى ءۇشىنشى تۋرنير كەلەسى جىل­دىڭ قاڭتار ايىندا الماتىدا وتپەكشى. وسى تۋرنيردە جەڭىمپاز اتانعان سپورت­شىعا وليمپيادا جولداماسىمەن بىرگە, 200 000 اقش دوللارى تابىس ەتىلەدى. «ەگەمەن-اقپارات».