زورلىق

زورلىقتىڭ بولعانىن نەمەسە بولماعانىن ءجابىر­لەن­گەن­دەر عانا ناقتى ايتا الاتىنى انىق. ناقتى جايدى كورگەن دە, باستان كەشكەن دە سولار. سوندىقتان ءبىز الدىمەن ءجابىر­لەن­گەن­دەردىڭ ايعاقتارى مەن قۇقىق قورعاۋ ورگان­دا­رىنىڭ ارە­كەتىن, سوسىن جابىرلەگەندەر مەن ولاردىڭ قورعاۋ­شىلارىنىڭ  دالەلدەرىن العا تارتىپ وتىرمىز. قۇقىق قورعاۋ ورگاندارى سوتتالعاندار ايتمۇحامەتوۆ, كوشەكوۆ جانە الىباەۆ 2009 جىلعى تامىز ايىنىڭ 11-ىنەن 12-ىنە قاراعان ءتۇنى سەيىلحانوۆا, ورازالينانى زورلاپ جانە نۇرى­شەۆانى زورلاماققا ۇم­تىلىس جاساعان دەيدى. بۇل قىزداردىڭ اراسىندا راحىمباەۆا دا بولىپتى. سوتتالعان ايتمۇحامەتوۆ سول ءتۇنى وسى را­حىمباەۆانىڭ كەلىسىمىمەن ەكەۋى جىنىستىق قاتىناسقا ءتۇس­كەن. بىراق, بۇگىندە نە سەيىلحانوۆا, نە راحىمباەۆا نەمەسە ورازالينا وزدەرىن اتى اتالعان جىگىتتەر زورلادى دەپ ايتپايدى, كەرىسىنشە زور­لاعان جوق دەيدى. الايدا, جوعارىداعى ءۇش اتپالداي ازامات وسى قىزداردى زورلادى دەگەن سەمەي قالالىق سوتىنىڭ ۇكى­مىمەن ارقايسىسى بەس جىلدى ارقالاپ كەتە باردى. رەداكتسياعا كەلگەن راحىم­باە­ۆا, سەيىلحانوۆا مەن ورازالينا: «ءبىزدى زورلادى دەگەن ءجى­گىت­تەر ءسوز بايلاسىپ جۇرگەن ادامدارىمىز ەدى,  ولارمەن سول ءتۇ­نى ءوز ەركىمىزبەن بىرگە بول­­دىق», دەدى. بۇل سوزدەردى ءۇن­تاسپاعا باسىپ الدىق. وندا كوپ ماعىنا جاتقانى انىق. ءۇي­لەنگەلى جۇرگەن جاستار جي­نالىپ باس قوسىپ, كوڭىل كو­تەرگەن ەكەن جانە ارا­لا­رىن­داعى جىنىستىق قاتىناس ءبىرىن-ءبىرى ۇناتقان ادام­­داردىڭ ءوزارا كەلىسىمى بو­يىنشا ورىن العان ەكەن, ەندەشە مۇندا تۇر­­عان نە بار دەيسىز عوي؟ گاپ سوندا. سەيىلحانوۆا دا ءبىز­دىڭ سوزىمىزگە ەشكىم قۇلاق اسپاي وتىر دەيدى. قىزدار وسى ءسوزدى «جابىرلەۋشىلەردى» قۇقىق قور­­­­­­عاۋ ورگاندارى ۇستاعان كەزدەن باستاپ, شىرىلداپ ايتىپ كەلەدى ەكەن. امال نەشىك, ولار­دىڭ ايت­قانى قىلمىستى جا­سى­رىپ, ءۇش جىگىتتى بوساتۋ ارە­كەتى سەكىلدەنىپ قالا بەرگەن كو­رىنەدى. سوندا وزدەرى ۇنات­قان ادامدارىن قىز­دار نەگە بو­ساتۋعا, قورعاۋعا ات سا­لىس­پا­ۋى كەرەك دەپ ويلايسىز؟ ەگەر ءوز­دەرىنە قارسى قىل­مىس­تىق ارە­كەت جاسالعان بولسا, قىزدار ونى نەگە جاسىرۋى ءتيىس ەدى؟ ءسوي­تىپ, جابىرلەنگەن دەپ ەسەپ­تەلگەندەردىڭ بۇل ءسوز­دەرى نا­زار­عا الىنباعان. نەگە؟ سەبەبى, قۇقىق قورعاۋشى­لار­­دىڭ انىقتاعانى بويىنشا ايتمۇحامەتوۆ, كوشەكوۆ جانە الىباەۆ نۇرىشەۆانى زورلا­ماق­شى بولعاندا ول ەبىن تا­ۋىپ سىتىلىپ كەتىپ, ودان ءتور­تىنشى قاباتتا ورنالاسقان ءپا­تەردىڭ قىلتيماسىنان تومەنگى ءۇشىنشى پاتەردىڭ قىلتي­ما­سى­نا تۇسكەن. ءتۇن ورتاسىندا مۇن­­داي قاۋىپتى قيمىلعا كەز كەل­گەننىڭ باتىلى بارا قوي­ماي­دى دەسەك تە, نۇ­رى­شەۆا اس­تىڭعى قاباتتاعى ءپا­تەردىڭ بالكونى شىنىلان­عان بولسا دا وعان ەكى اياعىن سال­بىراتىپ ءبىر قولى­مەن اسى­لىپ تۇرىپ, ەكىنشى قولىمەن تەرەزە قاعىپ ءۇي يەلەرىن ويا­تىپ, جو­عارعى قاباتتا ءۇش ءجى­گىتتىڭ قىز­داردى زورلاپ جات­قانىن, دەرەۋ پوليتسيا شا­قىرۋ قاجەتتىگىن ايت­قان. نۇ­رىشەۆا سول پاتەر­دىڭ تەلە­فو­نىنان قو­ڭىراۋ شا­لا­دى. سو­سىن پولي­تسيانى كىرەبەرىسكە شى­عىپ, قار­سى العان. كەيىن بۇل قىز­دىڭ ەرلىگىن ىسكە ناقتى بە­كىتۋ ماقساتىندا ونىڭ تاس قاراڭ­عىداعى ارە­كەتىن سى­ناق رەتىندە بايقاپ كورۋ ءۇشىن ءتا­جىريبە جاسا­عان­دا ەشكىم قاي­­­­تالاي ال­ماعان كو­رىنەدى. سەبەبى, ءور­مەك­شى بول­­ماسا, ول ءمۇم­­كىن ەمەس دەيدى. پوليتسيا جەتكەندە ساعات تاڭعى 06 – 07. 00 شاماسى بو­لۋى كەرەك, ەشكىم ەسىك اش­پاي­دى. ولار نۇرىشەۆا وتكەن پاتەر ارقىلى جوعارىعا كوتە­رىلۋگە ءۇي يەسىنەن رۇقسات سۇ­رايدى. ءارى قارايعى جاعداي قاس-قاعىم ساتتە تۋرا شىتىر­مان وقيعاداي ءوربيدى. ىشكە ەنگەن پوليتسيا وكىلدەرى بولمە­لەردى شارلاپ ءجۇرىپ, وزدەرى اش­­­قىشتى تاۋىپ, سىرتقى ەسىك­­­­­تى اشادى. قالعان پوليتسيا ءمۇ­شە­لەرى كىرىپ, وقيعاعا قاتى­سۋ­شىلاردىڭ ءبارىن ىشكى ىستەر بولىمىنە الىپ كەتەدى. سونان... ءجابىر كورگەن قىزدار وزدەرىن اتالعان جىگىتتەر زورلادى دەپ ارىز جازعان. قىلمىستىق ءىس قوزعالادى. ارتىنشا ولار, ياع­ني, قۋدالاۋ ورگانى ءجابىر­لەن­گەندەر  دەپ تاپقاندار  ەش جا­زىعى جوق ازامات­تارى­مىزدى قۇتقارا كورىڭىزدەر دەپ جان- ۇشىرا قايتا ارىز جازادى. ءبىز قىسىممەن جالعان ارىزعا قول قويىپپىز دەپ شىر-پىر ەتىپ اراعا تۇسەدى. ال قۋدالاۋ ور­گانىنىڭ مالىمەتى بويىنشا اتالعان قىزداردى, ءتىپتى ولار­دىڭ بىرەۋىن ءۇش جىگىت توپ­تا­سىپ زورلاعان. سوسىن ارتىن­شا الگى ءۇش قىز ءبىراۋىزدان جىگىتتەردىڭ تاراپىنان ەشقان­داي زورلىق بولعان جوق دەپ اقتاپ شىعا كەل­گەن. بۇل قا­لاي؟! تەك راسى­مەن ەشتەڭە بول­ماعان جاعداي­دا عانا ادامدار وسىنداي مالىمەت بەرەتىنى انىق. ەندەشە, ولار جىگىتتەر ءبىز­دى زورلادى دەگەن ارىزعا قا­لاي قول قويعان؟ بۇعان وسى ىسكە قورعاۋشى بولىپ كىرىسكەن بايعالي جۇ­مادىلوۆ: «وقيعا بولار ءتۇنى نۇ­­رىشەۆا زورلىقتان قاش­قانداي بوپ بالكون ارقىلى شى­­عىپ ەمەس, تەك جەكە قىز­عا­نىش­تان عانا ۇيالى تەلە­فو­نى­نان پوليتسياعا قوڭىراۋ شال­عان. ول قىزدىڭ بالكون ار­قىلى وتە الماعانىن دالەل­دەدىك. سودان تاڭعى ساعات 06.00 دە جىگىتتەر مەن قىز­دار­دى ۇس­تاپ الىپ كەتكەن سوڭ پوليتسيا قىزمەتكەرلەرى سەيىلحانوۆا, ورازالينا جانە راحىم­باە­ۆالاردى 13 تامىزدىڭ ءتۇن­گى 02.30-نا دەيىن 20 ساعات ۇس­تايدى. وسىنشاما ۋاقىت بو­يى نە سۋ, نە تاماق ىشكىزدىرمەگەن. قولدارىن كوتەرتىپ  قا­بىر­عاعا قاراتىپ, تۇرعىزىپ قويعان. سوعان شىداي الماعان قىزدار اقىرىندا پوليتسيا قىز­مەت­كەر­لەرى دايىنداعان ار­ىز­عا قول قويىپ بەرگەن. وسى جايدى قىزدار سوت تەرگەۋىندە پرو­كۋ­روردىڭ جانە تەر­گەۋ­شى­لەردىڭ كوزىنشە ايتىپ بەر­دى» دەيدى.           سول سياقتى سوت­­­­­­­­تالعان دانيار ايت­مۇ­حا­مە­توۆتىڭ اكەسى ياعني ەكىنشى قور­عاۋشى ءداۋ­لەتحان كەڭەس­حان­ ۇلى: «قىز­دار­دان ۇس­تالعان ۇلدارعا قا­تىستى ارىز تۇسپەي, دەمەك ءالى قىلمىستىق ءىس قوز­عالماي جا­تىپ جانە سوت-ءدارى­گەرلىك, سوت-بيولوگيالىق سا­راپتاما­دان وتكىزۋگە, قان, سىلەكەي ۇلگىسىن, جىنىس قىناپ­تا­رىنان ءسۇرتىندى الۋعا كەلىسىم بەرەتىندىكتەرى تۋرالى ءوتى­نىش الىنباي تۇرىپ, ولار ەرىكتەرىنەن تىس سوت-دارىگەرلىك سا­راپ­تاماعا جىبەرىلگەن» دەيدى. بۇل ايتىل­عان­دار تەكسەرىلىپ, راستالار بولسا, وندا سەمەي قا­لا­لىق وپب-ءنىڭ تەرگەۋ ورنى قىجك-ءنىڭ زاڭ تالابىن بۇزعان بو­لىپ تا­بى­لادى. ولار­دىڭ مۇن­­داي ارە­كەتكە كۇش قول­دا­نىپ بارعان­دىعىن «ءجابىر­لەن­گەن» دەپ تا­بىلعان قىزدار دا, قور­عاۋ­شى­لار دا باسا ايتادى. ءتىپ­تى, ول تەرگەۋ ارەكەتتەرى پرو­كۋ­را­تۋ­راعا حابارلانباي ءجۇر­گىزىلگەن كو­رى­نەدى. سونى­مەن قاتار, سوت­تا­لۋشىلاردىڭ ايى­بىندا ولار قىلمىستى ماس كۇيىندە جا­­ساعان دەپ كور­سەتىلگەن. الاي­دا, مۇنداي قو­رىتىندى ىستە مۇلدە جوق بو­لىپ شىققان. ونى سەمەي قا­لالىق №2 سوتى دا ءوز ۇكىمىندە راستايدى. سول سياقتى قىز­دارعا سوت-ءدا­رىگەر­لىك ساراپتاما تاعايىن­دال­عان­دا ولاردان قان, جىنىس قى­ناپتارىنان ءسۇرتىندى الۋ, جو­عارىدا ايتىل­عانداي, سدس-ما ورتالىعىنىڭ زەرت­حا­ناسىنا جۇك­تەلگەن. ءبى­راق وسى قىز­دار­دىڭ ەشبىرىنەن دە ءسۇر­تىندى الى­نىپ, ساراپشى-بيو­لوگقا بە­­­رىلمەگەن. الايدا, سەيىلحانوۆا مەن ورازاليناعا جا­­سال­عان سوت-بيولوگيالىق ساراپتاما قورىتىندىسى بار. ونىڭ 6 پاراعىندا «ورا­زالي­نانىڭ, سە­­يىلحانوۆانىڭ جى­نىس ءمۇ­شە­سى مەن تىك ىشەگىنەن الىن­عان ءسۇرتىندىنى ساراپشى-بيو­لوگ زەرت­تەگەن دەيدى. الايدا, №30-07-ءشى, №164-ءشى سوت-بيو­لو­گيالىق ساراپتاما ۇيعا­رى­مىن­دا بۇل سۇرتىندىلەردى تەر­­گەۋشى ساراپشى-بيولوگقا 08.10.09 جى­لى تاپسىرعان دەپ كورسەتسە, قالايشا ول ونى 13.08.09 جى­لى زەرتتەگەن؟! سو­­نى­مەن قا­تار, وسى اتالعان ۇيعارىمدا زاتتاي ايعاقتاردى كورسەتۋدە سەيىلحانوۆانىڭ ءىش كيىمدەرىن №2 وبەكت دەپ بەلگىلەگەن. سودان وندا ۇرىق قال­دىعى بار ما دەگەن سۇراققا جاۋاپ رەتىندە ءىش كيىمگە ءجۇر­گى­زىلگەن سەروپيان ءادىسى بو­يىن­شا زەرتتەۋدە №2 وبەك­تىدە ۇرىق­تار جوق دەپ قورى­تىندى بەرىلگەن. ءسويتىپ, سە­يىل­حا­نو­ۆانى ەشكىم زورلا­ما­عان­دىعىن, ياعني جىنىستىق قا­تىناس ءوز­ارا كەلىسىممەن ورىن العان­دى­عىن ءوز­دەرى دە كور­­سە­تىپ وتىر. وسىنى سوتقا قانشا ايتساق تا ءبىزدىڭ ءسو­زىمىزگە قۇلاق اسپادى» – دەپ قور­عاۋ­شى ءجۇمادىلوۆ قايران قالادى. جوعارىدا ايتقا­نى­مىز­داي, العاشقىدا پوليتسيانى شا­قىرعان نۇرىشەۆا دەپ ءوز­دەرى دالەلدەسە دە تەرگەۋ ورنى كە­يىن نەگە ەكەنى بەلگىسىز پولي­تسيانى شاقىرعان نۇرىشەۆا ەمەس, سەيىلحانوۆا دەپ كور­سەتكەن. ويتكەنى, ءتىپتى ول سول پاتەردىڭ يەسى رەتىندە سا­نال­عان. سونىمەن قاتار, بۇل داۋ­لى ماسەلەنى قاراعان الدىڭعى سوت «جابىرلەنۋشىلەر ورازالينا مەن سەيىلحانوۆا ءوز جا­ۋاپ­تا­رىنان باس تارتىپ, ورا­زالي­نانىڭ الىباەۆ مەنى زور­لاعان جوق, ال سەيىل­حانو­ۆا­نىڭ تەك كوشەكوۆپەن عانا ءوز ەركىممەن جىنىستىق قا­تى­ناس­تا بولدىم دەگەن جا­ۋاپ­تا­رىنا سىن كوز­بەن قارايدى, ويتكەنى سوت ءماجى­لى­سىن­دە جابىرلەنۋشى ورا­­زالينا ءوزىنىڭ وتباسىمەن سوت­تالۋ­شى ايتمۇحامەتوۆتىڭ اكەسىنىڭ №14 ۇيىندە پاتەر جالداپ تۇ­راتىنى انىق­تال­عان. سون­دىق­تان ورازالينا سوت­تالۋشى ايتمۇحامەتوۆتىڭ اكەسىنە ءمۇ­لىكتىك تاۋەلدىلىك جاع­دايىندا. ورازالينانىڭ سوت­تالۋشى ءالى­­­­باەۆپەن ءوز ەركىممەن جى­نىستىق قاتىناستا بولدىم دەگەن جاۋابى سوت-دارىگەرلىك سا­راپتامالاردىڭ قو­رى­تىن­دى­لا­رىنا قاراما-قاي­­شى كەلەدى. دەمەك, سوت ءجا­بىرلەنۋشىلەر ورازالينا مەن سەيىلحانوۆا­نىڭ ءوز جاۋاپ­تا­رى­نان باس تارت­قان ارەكەت­تە­رىن سوت­تا­لۋ­شىلاردى قىلمىس­تىق جاۋاپكەرشىلىكتەن بوساتۋ ماق­سا­تىن­دا بەرىپ وتىر», دەپ تاپقان. را­سىندا, رەداكتسياعا ارىز ايتا كەلگەن ورازالينا مەن سەيىلحانوۆا ءسوز بايلاس­قان جىگىتتەرىن جازىقسىز جازادان قۇت­قارىپ قالۋ ءۇشىن جان­تا­لاسىپ جۇرگەنىن جانە سوت-سا­راپ­تاما وتكىزىلمەگەنىن اي­تا­دى. ال قورعاۋشى ءجۇمادىلوۆ­تىڭ سەمەي قالالىق ادىلەت باس­قارماسىنان سۇراتۋىنا باي­لانىستى ودان كەلگەن جاۋاپتا اتالعان ۇيگە ونداي قۇقىق تىركەلمەگەندىگى جازىلىپتى. دەمەك, بۇل قۇجاتقا سەنسەك, سەمەي قالاسى كىرپىش زاۋىت كو­شەسىندەگى №14 ءۇي سوتتالۋشى ايتمۇحامەتوۆتىڭ اكەسىنىڭ اتىن­­دا ەمەس. سونىمەن قاتار, بۇل از دەسەڭىز, جوعارعى سوت­تىڭ قىلمىستىق ىستەر ءجونىن­دەگى قاداعالاۋشى سوت القاسى دا وتكەن جىلدىڭ 7 قىر­كۇ­يەك­تەگى قاۋلىسىندا ءىستى الگى بۇ­رىن قاراعان سوتتىڭ بىرقاتار قاتەلىكتەر جىبەرگەنىن كەلتىرەدى. ماسەلەن, سوت-بيولوگيالىق ساراپتامانى تاعايىنداۋ ءجا­نە ايعاق زاتتاردى تىركەۋ قاۋ­لىسى بويىنشا ورازالينادان قان-سىلەكەي, تامپون الى­نىپ, سوت-بيولوگيالىق ساراپ­تاما­سى­نا جىبەرىلمەگەن دەيدى. دەمەك, بۇدان كەيىن قورعاۋشى جۇ­ما­دىلوۆتىڭ سوت-بيولو­گيا­لىق ساراپتاما جاسالعان جوق دەگەن دالەلىنە قۇلاق اسپاۋ مۇمكىن بە؟ سول سياقتى جوعارعى سوت­تىڭ وسى قاۋلىسىندا «ورازالينادان سول يىعىنىڭ سى­رىلۋى تۇرىندە دەنە جا­را­قا­تى تابىلعان, بۇل جاراقات ءاي­ەل­­دەردىڭ قۇقىعىن بۇزىپ, ەركىنەن تىس جىنىستىق قا­تى­ناسقا ءتۇسىپ جاتقاندا جاسا­لاتىن قىل­­مىستارعا ءتان ەمەس» دەيدى. ال ولاي بولسا, زور­لاندى دەگەن قىزداردىڭ اراسىندا ءجۇر­گەن جانە سول وقيعا ءتۇنى سوتتالۋشى ايت­مۇ­­حامەتوۆ­پەن ءوز ەركىمەن جى­نىستىق قا­تى­ناستا بولعان راحىمباەۆا ءوزى­نىڭ كوزىنشە پوليتسيا قىز­مەتكەرلەرى جال­عان ارىزعا قول قويدىرتۋ ءۇشىن ورازا­لينانى ءۇش ساعات بويىنا تاپجىلتپاي تۇر­­­عى­زىپ قويعانىن, ءسويتىپ ءبىر ايەل پوليتسيا قىز­مەت­كە­رىنىڭ ايتۋىمەن ارىز جازۋعا ءماج­بۇر بولعانىن بەكىتكەن. مۇ­نى ورازالينا دا سوتتا تەر­­گەۋشىنىڭ كو­زىنە شۇقىپ ايتىپ بەردى, دەيدى قورعاۋشى ب.جۇ­مادىلوۆ. دەمەك, ورا­زا­لي­­ناعا جاراقات سالعان كىم؟ ونىڭ جالعان ارىزعا امالسىز قول قويدىم دەۋىنىڭ سىرى نەدە؟ بۇعان جاۋاپ رەتىندە جو­عارعى سوتتىڭ اتالعان القاسى ءىستى بۇرىن قاراعان سوت «ءىس بويىنشا دالەلدەمەلەردىڭ ارا­­­­­سىندا مۇنداي قاراما-قاي­شىلىقتاردىڭ بار ەكەنىنە قا­راماستان, جابىرلەنۋشى ورا­زالينانىڭ جاۋابىن, سوت-بيو­لوگيالىق ساراپتاما قورى­تىن­دىسىن جانە باسقا دا ءدا­لەلدەردى مۇقيات تەكسەرمەي ورا­زالينانى سوتتالعان ءالى­باەۆ زورلادى دەگەن تەرىس قو­رىتىندى جاساعان» دەپ ءبىر ەپي­زود بويىنشا ءىستى قىس­قارت­تى. وسى قاۋلىدا الدىڭعى سوت ۇكىمىندەگى ورازالينانىڭ سوت­تالعاندار ولاردى زورلاما­عا­نىن, كەرىسىنشە پوليتسيا قىز­مەتكەرلەرى وعان كۇش قول­دا­نىپ, قورقىتىپ ارىزعا قول قوي­دىرعانىن, دەنە جارا­قا­تىن پوليتسيا قىزمەتكەرلەرى سال­عانىن, سوت-بيولوگيالىق سا­­­راپ­تاماعا قان مەن سىلەكەي تاپسىرماعانىن كورسەتىپ, سوت­تالعانداردى اقتاۋدى, ال پوليتسيا قىزمەتكەرلەرىنە شارا قولدانۋدى سۇراعان ءوتىنىشى كەلتىرىلەدى. الايدا, وسى دالەلدەردىڭ بىرىنە دە قاراماستان جانە سەيىلحانوۆا ءوزىن ەشكىم زورلا­ماعان­دى­عىن قانشا ايتسا دا سەڭ قوزعالار ەمەس. «بۇل وقيعا ءبىزدىڭ ار-نا­مىسىمىز­دى تاپ­تا­دى. ءتىپتى, ەشكىم سەن­بەس كۇلكىلى جاع­دايعا دۋشار ەتتى. ءسوز باي­لا­سىپ ءجۇر­گەن جاس­تاردى ءبىر-ءبىرىن زور­­لادى دەپ ماسقارا ايىپ تاق­تى. مۇنداي دا سورا­قى­لىق بولادى ەكەن دەپ جاعامىزدى ۇستاپ وتىر­مىز. سوتتا كۋا راحىم­باەۆا ءبىزدى ەشكىم زور­لا­عان جوق دەپ كورسەتتى. مۇنى سەيىلحانوۆا دا ايتىپ وتىر. وعان قوسا وسى قورعاۋشى جۇ­مادىلوۆپەن بەي­نەتاسپاعا ءتۇ­سىرىلگەن سۇحبا­تىندا سەيىل­حانوۆانىڭ اناسى قىزىن اتال­عان ءۇش جىگىتتىڭ زورلا­ما­عا­نىن باسا ايتادى. كەرىسىنشە سول وقيعا ورىن العاننان كەيىن قۋدالاۋ ور­گا­نىنىڭ تارا­پى­نان كور­گەن قىسىمىن جىر قى­لىپ جىپكە ءتىزىپ بەرگەن. و باستا ءۇش قىز­دى, ونان ەكى قىز­دى, ەندى ءبىر قىزدى زور­لاعان بولىپ ءۇش جىگىت تار­قاپاسقا قامالىپ ءالى وتىر. ءسويتىپ, ءۇش بىردەي ازاماتتىڭ تاعدىرىن ءبۇلدىرىپ, قارا كۇيە جاققان­دارى جەتپەگەندەي ولار مەنىڭ بالام دانياردىڭ باسىن جا­رىپ, مۇگەدەك قىلىپ تاستادى» – دەيدى قورعاۋشى د.كە­ڭەس­حان ۇلى. 2010 جىلدىڭ 16 قىر­كۇ­يەك كۇنى داۋلەتحان كە­ڭەس­حان­ ۇلى ادىلەت مينيس­تر­لىگى­نىڭ سەمەي قالاسىندا ورنا­لاس­قان وۆ 156/19 مەكەمە­سى­نىڭ قىزمەت­كەر­­لەرى ءوزىنىڭ سوت­تالعان ۇلى دانياردى ۇرىپ تاستاعانىن ەستيدى. ۇلى­­­نىڭ بىرنەشە مەكەمە قىز­­مەت­كەر­لەرىنەن وڭباي تاياق جەگەنىن كورىپ ارىز­دا­نا­دى. تەكسەرىس  وۆ156/19 مەكەمە قىزمەت­كەر­لە­رىنىڭ تەرىس ارەكەتىن اشكە­رەلەيدى. ءسوي­تىپ, 2010 جىل­دىڭ 10 اقپان كۇنى قارجى پو­ليتسياسىنىڭ سەمەي قالاسى ايماعى بويىن­شا اعا تەرگەۋشىسى تەرگەۋدە جاتقان دا­نيار ايتمۇحامە­توۆ تا­لاپتى ور­ىن­­­­داعان جوق دەگەن جەلەۋمەن اتالعان مەكەمە قىز­مەت­كەرلەرى ۇرعانىن ءدا­لەلدەپ, سوعان بايلانىستى قىلمىس­تىق ءىس قوزعاۋ تۋرالى قاۋلى شىعارادى. وسى قىل­مىستىق ءىستى قاراعان وبلىس پروكۋ­رورى اعا تەرگەۋشى قاۋ­لىسىن كۇشىندە قالدىرادى ءسويتىپ, ايىپ تاعۋ وڭاي, اقتاۋ قي­ىنعا اينالدى. سو­نى­مەن, ءبىزدىڭ قۇقىقتىق-دە­مو­كراتيا­لىق دا­مىعان ەلىمىزدە زاڭ ءۇس­تەمدىگى قاشاندا با­سىم تۇرا­تىن­دى­عىنا سەنىم زور. و باستا قۇقىق قورعاۋ ور­گان­دارى ءبىرىن-ءبىرى زورلا­دى دەگەن جاستار ءبىرىن-ءبىرى ۇنات­قان عا­شىقتار ەكەندىگى راسقا اي­نالدى. شىن ماحاب­باتقا ەش­­تەڭە دە كەدەرگى بولا ال­ماي­دى. بىرنەشە تاع­دىردى تارك ەتكىسى كەلگەن ادام­­دار ونى تۇسىنە العان جوق. قازىر زورلاندى دەگەن سەيىلحانوۆا مەن ونى زورلادى دەپ ايىپ تاعىلىپ سوتتالىپ كەتكەن كوشەكوۆ ەكەۋى نەكە سارا­يى­نا ارىزدارىن وتكىزىپ قويدى. ونىڭ كوشىر­مەسى قو­لى­مىزدا. سوندا شىن مانىندە جازىق­سىز زورلىق كور­گەن كىمدەر؟ جابىرلەنگەن دەپ تا­بىل­عان ورازالينا جانە سەيىلحانوۆا جوعارىدا كەلتىرىلگەن جاڭا دەرەكتەرگە باي­لانىستى جانە وزدەرىنىڭ اي­تۋلارى بو­يىنشا سوتتالعان د.­ايت­­مۇ­حا­مە­توۆ­تەن زورلىق كور­مە­گەنىن كەلتىرەدى. سول سياقتى ءجابىر­لە­نۋشى نۇرى­شەۆانىڭ ارى­زىن­دا دا ايت­مۇحامەتوۆ اتال­مايدى جانە وتكەن جىلعى 16-اقپان كۇنى سەمەي قا­لا­لىق №2 سوتىندا بولعان سوت تال­قىلاۋىندا ءجا­بىر­لەنۋشى نۇ­رى­شەۆاعا سوت­تالعان د.­ايت­­مۇحامەتوۆ بەتتەستىرىلىپ, ول جابىرلەنۋشىگە «مەن ساعان تي­ىستىم بە؟» دەپ سۇراق قوي­عاندا نۇرىشەۆا: «جوق, سەن ماعان تيىسكەن جوق­سىڭ» دەپ جاۋاپ قايتارعان. بۇل سوت تال­قىلاۋىنداعى بەتتەستىرۋ حات­­تاماسىندا جازى­لىپ تۇر. سوندا سوت نەلىكتەن سوت­تادى, دەپ سۇرايدى قور­عاۋ­شى د.كە­ڭەس­حان ۇلى. بۇل سۇ­راققا ەندى كىم قالاي, وڭدى جاۋاپ بەرەتىنىن ازىرگە ەشكىم بىلمەيدى. ءويت­كەنى, جابىرلەن­گەن­دەردىڭ ولار­عا ءجابىر كور­سەتكەندەرگە ءتۇ­گەل­دەي ءتيىستى شارا قول­دا­نىلارىنا دا كۇ­مانى بار. الەكساندر تاسبولاتوۆ.