ماقسات – ەلدە دەنە شىنىقتىرۋ قوزعالىسىن دامىتۋ

كەشە پارلامەنت ءماجىلىسى توراعاسىنىڭ ورىنباسارى ۆلاديمير بوبروۆتىڭ جەتەكشىلىگىمەن «2010 جىلى تۋريزم جانە سپورت سالالارىندا اتقارىلعان جۇمىستار جانە الداعى دامۋ مىندەتتەرى تۋرالى» دەگەن تاقىرىپتا ۇكىمەت ساعاتى ءوتتى, دەپ حابارلادى وسى پالاتانىڭ ءباسپاسوز قىزمەتى. قازاقستان رەسپۋبليكاسىنىڭ تۋريزم جانە سپورت مينيسترلىگى حالىق قا­لاۋلىلارىنا تۋريستىك يندۋستريا­نىڭ دامۋى مەن سپورت سالاسىنىڭ جەتىستىكتەرىنە ارنال­عان كورمە ۇيىمداستىردى. قا­زاق­ستان رەسپۋبليكاسىنىڭ تۋريزم جانە سپورت ءمينيسترى تەمىرحان دوس­مۇ­حامبەتوۆ 2010 جىلعى تۋريزم جانە سپورت سالالارىندا اتقارىلعان جۇمىس­تار مەن ال­دا­عى  مىندەتتەرى جايىندا  بايانداما جاسادى. مينيستر ۇدەمەلى يندۋس­تريا­لىق-يننوۆاتسيالىق دامۋدىڭ مەم­لەكەتتىك باعدارلاماسى شەڭ­بەرىندە تۋريستىك يندۋستريانىڭ پەرسپەكتيۆالى باعىت­تارىن دا­مى­تۋ جونىندەگى 2014 جىلعا دەيىنگى سالالىق باعدارلاما قابىل­دانعانىن مالىمدەدى. ول سىرتتان كەلۋشىلەر ءتۋريزمىن جانە ىشكى ءتۋريزمدى دامىتۋ, جىبەك جولى بويىنداعى ءتۋريزمدى الداعى بەس جىلعا دامىتۋ مىندەتتەرىن اي­قىن­دايدى. سالالىق باع­دارلاما شەڭبەرىندە مينيسترلىك تۋريستىك يندۋستريانى دامىتۋدىڭ نەگىزگى بەس باعىتىن اتاپ ءوتتى. ءبىرىنشى – «باتىس ەۋروپا – باتىس قىتاي» حالىقارالىق كولىك ءدا­لىزى بوي­ىندا جول بويى ينفرا­قۇ­رىلىمى وبەكتىلەرىن سالا وتى­رىپ, تۋريستىك كلاستەردى قۇرۋ. ەكىنشى – الماتى, اقمولا, شىعىس قا­زاقستان, جامبىل جانە وڭتۇستىك قازاقستان وبلىس­تارىندا تاۋ شاڭ­عىسى كۋرورت­تارى مەن با­زالارىن دامىتۋ ءۇشىن تاۋ شاڭ­عىسى ءتۋريزمىنىڭ ينفرا­قۇ­رىلى­مىن جاساۋ.  ءۇشىنشى – ەكولو­گيا­لىق ءتۋريزمدى دامىتۋدى ىنتا­لان­دىرۋ. ءتور­تىن­شى – قازاق­ستاننىڭ تۋريستىك ماركەتينگتىك ستراتەگياسىن قا­لىپتاستىرۋ بول­سا,  بەسىنشى – تۋ­ريستىك ين­دۋس­تريانىڭ كادر­لىق الەۋەتىن دا­مىتۋ. قازىرگى ۋاقىتتا تۋ­ريستىك كادرلار 14 ماماندىق بوي­ىن­شا 80-نەن استام جوعارى جانە ورتا وقۋ ورىندارىندا ءبىلىم الۋدا. قازاق­ستان رەسپۋبليكاسىنىڭ پرە­زيدەنتى ن.نازار­باەۆ­تىڭ «بو­لا­شاق» حالىقارالىق ستي­پەن­ديا­سى شەڭبەرىندە 2010 جىلى شەتەلدىك جوو-لارعا 51 ستيپەنديات جىبەرىلدى. 2011 جىلعى تۋريزم سالا­سىن­داعى نەگىزگى مىندەتتەر دەپ مينيستر ۇدەمەلى يندۋستريالىق-ين­نو­ۆاتسيالىق دامۋ ءجو­نىندەگى مەم­لەكەتتىك باعدارلامانى ىسكە اسىرۋ مەن تۋريستىك يندۋس­تريا­نىڭ پەرسپەكتيۆالى باعىتتارىن دامىتۋ جونىندەگى سالالىق باع­دارلامانى ىسكە اسىرۋدى اتاپ ءوت­تى. العا قويىلعان مىندەتتەردى شە­شۋ تۋريستىك قىزمەتتەن تۇسە­تىن جيىنتىق كىرىستى 2010 جىلعى  3,3%-دان 2011 جىلى 4,7%-عا دەيىن ارتتىرادى. ازيا قۇرلىعىنداعى باستى سپورتتىق فورۋم – استانا جانە الماتى قالالارىنداعى VII قىس­قى ازيا وي­ىندارىنا دايىندالۋ مەن وتكىزۋ, سونىمەن قاتار, قا­زاق­ستاندىق سپورتتىڭ الەمدىك سپورت ارەناسىنداعى باسەكەگە قابىلەتتىلىگىن ارتتىرۋ جانە ەلدە دەنە شىنىقتىرۋ-بۇقارالىق قوزعالىستى دا­مىتۋ مينيسترلىكتىڭ الدىندا تۇرعان بۇگىنگى ماڭىزدى مىندەت بولىپ تا­بىلادى. ۇكىمەت ساعاتىندا مينيسترلىك باس­شىسىنا دەپۋتات قۇرمانعالي ءۋالي ۇلتتىق ويىنداردى الەمگە تانىتۋدىڭ ۋاقىتى جەتكەنىن ايتسا, مۇحتار تىنىكەەۆ پەن سۆەتلانا فەرحو قاراعاندى جانە شىعىس قازاقستان وبلىستارى­نىڭ جاستارىنا سپورت بازالارىن سالىپ بەرۋ جايىن قوزعادى. سەرىك وس­پانوۆ, ۆالەري ۆيشنيچەنكو, نۇرتاي سابيليانوۆ, تاعى دا باسقا دەپۋتاتتار ۆەدومستۆو باسشىسىنا ءوز ۇسىنىس­تارىمەن شىقتى.