ءماجىلىس بيۋروسىنىڭ وتىرىسى ءوتتى

كەشە پارلامەنت ءماجى­لى­سى­نىڭ توراعاسى ورال مۇحامەد­جا­نوۆتىڭ جەتەكشىلىگىمەن پالاتا بيۋروسىنىڭ كەزەكتى وتى­رىسى ءوتتى. وندا ءماجىلىستىڭ جال­پى وتىرىسىنا شىعارى­لا­تىن ماسەلەلەر سارالاندى. پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتى دەپۋتاتتاردىڭ تالقىسىنا ەكى زاڭ جوباسىن ۇسىندى. اتاپ ايتقاندا, «بەلارۋس رەسپۋبلي­كا­سى­نىڭ, قازاقستان رەسپۋبليكاسى مەن رەسەي فەدەراتسياسىنىڭ مۇ­ناي مەن مۇناي ونىمدەرىنىڭ ورتاق نارىعىن ۇيىمداستىرۋ, باسقارۋ, ولاردىڭ جۇمىس ىستەۋ جانە دامۋ ءتارتىبى تۋرالى كەلىسىمدى راتيفيكاتسيالاۋ تۋرالى» جانە «باعا بەلگىلەۋ مەن تاريفتىك ساياسات نەگىزدەرىن قوسا العاندا, گاز تاسىمالداۋ جۇيەلەرى بويىنشا گاز تاسىمال­داۋ سالاسىنداعى تابيعي مونوپوليالار سۋبەكتىلەرىنىڭ قىزمەت­تەرى­نە قول جەتكىزۋ قاعيداسى تۋرالى كەلىسىمدى راتيفيكاتسيالاۋ تۋرالى» زاڭ جوبالارى بار. الەۋمەتتىك-مادەني دامۋ كوميتەتى ەڭبەك كودەكسىنە تۇزەتۋلەر ەنگىزۋدى كوزدەيتىن زاڭ جوباسىمەن  جۇ­مىستى  جالعاستىرۋ قاجەتتىگىن اي­تىپ وتىر. ال قارجى جانە بيۋد­جەت كوميتەتى ەلىمىزدىڭ كەيبىر زاڭ­نا­ما­لىق اكتىلەرىنە ەلەكتروندى اقشا ماسەلەلەرى بويىنشا تولىقتىرۋلار ەنگىزۋدى قاراستىراتىن  زاڭ جو­باسىن ەكىنشى وقىلىمعا دايىندادى. «ەگەمەن-اقپارات».